. . . .


2 May 2012

1مه‌ی رۆژی کرێکار بە شێوەیەکی پڕ شکۆ له‌ پاریس به‌ڕێوه‌ چوو


ناوەندی هەواڵ- فەڕانسە: رۆژ سێ شه‌ممه‌ به‌رانبه‌ر به‌ 1ی مه‌ی، سه‌ندیکا و ئه‌نجومه‌نه‌‌ کرێکارییەکانی فه‌رانسه‌ به‌ به‌شداری ده‌یان هه‌زار که‌س له‌ به‌ر پارکی لۆکزامبۆرگ کاتژمێر 2ی دوانیوه‌رو کۆ بونه‌وه‌ که‌ به‌ هەڵگرتنی دروشم و پانکاردی پەیوەندی دار بەو ڕۆژەوە‌ و بۆ پشتگیری لە ماف و داواکاری کرێکاران، ‌ بەره‌وه‌ مه‌یدانی باستیلی شاری پاریس به‌ رێ که‌وتن. ئەو میتینگە پڕ شکۆیە تا کاتژمێر 6ی ئیواره‌ درێژه‌ کێشا ئامادە بووان گوێ بیستی وتەی کسایەتییە سیاسییەکان و نوێنەری پارت و ڕێکخراوە کڕێکاریەکان بوون. جی ئاماژه‌یه‌ که‌ به‌ پی راپورتی CGT لە ‌مروژ دا و بە بۆنەی ڕۆژی جیهانی کرێکارانەوە زیاتر له‌ 750 هه‌زار که‌س لە وڵاتی فه‌رانسه‌، له‌ سه‌ر داوا ئه‌م 5 سه‌ندیکا کە بریتی بوون لە CFDT، CGT , FSU , SUD , UNSA، که‌ نه‌قشێکی به‌ر چاویان هه‌یه‌ له‌ رێکخستنه‌کانی کرێکاری دا له‌ وه‌ڵاتی فه‌رانسه‌ هاتنه‌ سه‌ر شه‌قامه‌کان و دژ به‌ سیاسته‌کانی یه‌کیه‌تی ئوروپا و هه‌روه‌ها ده‌وڵه‌تی سارکوزی، سه‌باره‌ت به‌ وه‌زعی نەگونجا و دۆخی خراپی ئوروپا و فه‌رانسه‌ له‌ باری ئابوریه‌وه‌ دژایەتی خویان ده‌ربری و دژی سارکوزی دروشمی جۆراوجۆریان دا. پیویست بە ئاماژەیە کە لەم ڕێپێوانە دا پارتی سوسیالیست و پارتی کمونیستی فه‌رانسه‌ و چه‌په‌ سەربەخۆکانی فەڕانسە، به‌شداری چالاکانه‌یان هەبوو. هەروەها بەشێک له‌ ڕێکخراوە ئیرانیه‌کانیش بە پێک هێنانی کومیتەیەکی کاتی بە بۆنەی 1ی مه‌ی ، کمیته‌ ضد سه‌رکوب و ئه‌شکه‌نجه‌، اتحادی فدائیان ، سازمان چریکهای فدائیان اکثریت، اتحاد جمهوریخواهان دموکرات، له‌ کورده‌‌کانیش ، کمیته‌ حیزبی دێموکراتی کوردستان و کۆمەڵێکی بەرچاو لەکورده‌کانی نێشتەجێی فه‌رانسه‌ به‌شداری ئه‌و رێپێوانه‌ بوون. دیارە پیویستە ئاماژە بەوە بکرێ کە ‌ کوردستانی و ئیرانیه‌کان به‌ دانانی دروشم دژی ده‌وڵه‌تی ئێران، نارەزایەتی توندی خۆیان له‌ دۆخی نەگونجاوی سیاسیی، ئابوری ئێران دەربڕی و دروشمی ڕوخانی ئەو ڕژیمە دژ بە کریکاریەیان بەرز کردەوە.
1may-paris.jpg

بگه‌رێوه‌|ئەم بابەتە 856 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact