. . . .


16 Apr 2012

به‌شداری هه‌یئه‌‌تی حیزبی دێموکراتی کوردستان له‌ سمیناری به‌ر??


رۆژی شه‌ممه 26ی خاکه‌لێوه‌ له‌ لایه‌ن حیزبی سۆسیالیستی سویس سمینارێک له‌سه‌ر هاوکاری و پێوه‌ندی رێکخراوه‌ سیاسی و کلتوورییه‌کان و هه‌روه‌ها مه‌سه‌له‌ی په‌نابه‌ران و چۆنیه‌تی تێکه‌ڵاو بوونیان له‌گه‌ڵ کۆمه‌ڵگای سویس، پێک هات. له‌ سه‌ر بانگهێشتی حیزبی سۆسیالیست، هه‌یئه‌‌تێکی حیزبی دێموکراتی کوردستان، به‌ سه‌رپه‌ره‌ستی خالید حه‌سه‌نپوور راوێژکاری کۆمیته‌ی ناوه‌ندی و به یاوه‌ری‌کۆمیته‌ی سویس،ی حیزبی دێموکراتی کوردستان و کۆمیته‌ی یه‌کێتی ژنانی دێموکراتی کوردستان، له‌و سمیناره‌دا به‌شداریان کرد.
له‌و سمیناره‌دا و پاش وته‌کانی ئاغای پیتر هۆگ و یه‌که‌م وته‌بێژانی سمیناره‌که‌، وتاری حیزبی دێموکراتی کوردستان که‌ به‌ زمانی ئاڵمانی ئاماده‌کرابوو، له‌ لایه‌ن خالیدی حه‌سه‌نپووره‌وه‌ خوێندرایه‌وه‌‌ . وتاره‌که‌ تیشکی خستبوه‌ سه‌ر چۆنیه‌تی هاوکاری نێوان ئه‌حزابی دۆست له‌ ئاستی وڵاتی سویس و هه‌روه‌ها وڵاتانی ئورووپاییدا . سه‌باره‌ت به‌ مه‌سه‌له‌ی په‌نابه‌رانیش پێداگری له‌سه‌ر ئه‌وه‌ کردبۆوه‌ که‌ ، حیزبی دێموکراتی کوردستان هه‌میشه‌‌ له‌سه‌ر ئه‌و باوه‌ره‌ بووه‌ که‌ په‌نابه‌رانی کورد به‌شی زۆریان به‌خۆشی و ئاره‌زووی خۆیان روویان له‌ هه‌نده‌ران نه‌کردوه‌، به‌ڵکوو له‌ ئاکامی زوڵـم و گووشاری ده‌وڵه‌تی ناوه‌ندیدا ئاواره‌ بوون . به‌ڵام ئێستا که‌ ژماره‌یه‌کی به‌رچاو له‌ کوردان په‌ڕیوه‌ی هه‌نده‌ران بوون، پێویسته‌ به‌ پاراستنی بنه‌ما نه‌ته‌وه‌ییه‌کان، تێکه‌ڵاوی کۆمه‌ڵگاکانی ئووروپایی و یه‌ک له‌وان کۆمه‌ڵگای سویس بن.
هه‌ر له‌و سمیناره‌دا هه‌یئه‌تی حیزبی دێموکراتی‌کوردستان 3 داوای خسته‌ به‌رده‌می لێپرسراوانی حیزبی سۆسیالیست ئه‌وانیش‌بریتیبون له‌: حیزبی سۆسیالیستی‌سویس، به پێی ئه‌و تواناو ئیمکاناته‌ی که هه‌م له ئاستی سویس ، و هه‌م له ئاستی ئوروپادا هه‌یه‌تی پشتگیری دۆزی ره‌وای گه‌لی کورد به‌گشتی و گه‌لی کورد له رۆژهه‌ڵاتی کوردستان به تایبه‌تی بکا.
داواده‌که‌ین حیزبی سۆسیالیستی سویس، هه‌وڵ بدا کۆنفرانسێک پێک بێنێ له پارلمانی سویس بۆ باس له بارودۆخی کورد له هه‌موو به‌شه‌کانی کوردستان.
هه‌وڵ بدرێ رێکخراوه‌کانی ژنان و لاوانی هه‌ردوک لامان پێوه‌ندیه‌کی چروو پڕیان هه‌بێ و ئاڵووگۆڕی بیڕوڕاکانی خۆیان بکه‌ن تا له ئاکام دا هه‌ر دوو لا تێی دا سوودمه‌ند بن.
شایانی باسه‌ که‌ حیزبی دێموکراتی کوردستان ، یه‌که‌م حیزبی رۆژهه‌ڵاتی کوردستان بوو که به فه‌رمی له لایه‌ن حیزبی سۆسیالیستی سویس،ه وه بانگهێشت کرابوو و داوای لێ کرابوو بابه‌تێکی پیوه‌ندیدار به‌م سمیناره ئاماده و پێشکه‌ش به سمیناره‌که بکه‌ن.
swiss-sminar1.jpg

بگه‌رێوه‌|ئەم بابەتە 886 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact