. . . .


8 Apr 2012

هه‌ڵبژاردنی کۆمیته‌‌ی به‌رێوه‌به‌ری یه‌کیه‌تی ژنانی دێمۆک??


رۆژی شه‌ممه‌ رێکه‌وتی ٧ی مانگی ئاپریلی ٢٠١٢ به‌رپرسی یه‌کیه‌تی ژنانی دێمۆکراتی کوردستان له‌ ده‌ره‌وه‌ی وڵات، شۆعله‌ قادری له‌ سه‌ردانێک دا بۆ وڵاتی سوئیس و له‌ کۆبوونه‌وه‌یه‌کدا وێرای ئاماژه‌ به‌ ده‌ور و رۆڵی رێکخراوی یه‌کیه‌تی ژنانی دێمۆکراتی کوردستان له‌ ده‌ره‌وه‌ی وڵات ، گرینگی چالاک بوونی ئه‌م رێکخراوه‌یه‌ له‌ وڵاتانی تاراوگه‌ له‌ سه‌ر ره‌نگدانه‌وه‌ی به‌شداری ژنان له‌ ژیانی سیاسی کورد، لێدوانێکی تێرو ته‌سه‌لی دا. ناوبراو وه‌بیر به‌شدار بوانی هێنایه‌وه‌ که‌ له‌ کۆنگره‌ی پازده‌ی حیزبی دێمۆکراتی کوردستان، پابه‌ندی به ره‌چاو کردنی به‌نده‌کانی جارنامه‌ی گه‌ردونی مافی مرۆڤ سه‌باره‌ت به‌ یه‌کسانی و کونوانسیۆنی سه‌رینه‌وه‌ی هه‌ر جۆره‌ هه‌ڵاواردنێک به‌ دژی ژنان وه‌ک ئه‌رکی حیزبی پێداگری له‌ سه‌ر کراوه‌.
ئه‌م راستییه‌ که‌ رێکخراوی ژنانی دێمۆکرات نه‌ک ته‌نیا هه‌وڵ ده‌دا بۆ ده‌سته‌به‌ر کردنی یه‌کسانی له‌ کۆمه‌ڵگای کورده‌واری، به‌ڵکو هاوکات کار و تێکۆشان بۆ رزگاری له‌ بنده‌ستی نه‌ته‌وه‌یی به‌ ئه‌رکی سه‌ره‌کی خۆی داده‌نێ و به‌و پێیه‌ له‌ تاراوگه‌ش هه‌ولی بۆ ده‌دا هاته‌ به‌رباس.
هه‌ر له‌و کۆبوونه‌یوه‌یه‌ دا راپۆرتی هه‌وه‌لین کۆنفرانسی گشتی یه‌کیه‌تی ژنان له‌ ده‌ره‌وه‌ی وڵات له‌ مانگی نوامبری سا ڵی ٢٠١١ درایه‌وه‌ به‌ به‌شداران و ئاییننامه‌ی کاری نێوخۆیی یه‌کیه‌تی ژنان له‌ ده‌ره‌وه‌ی وڵات بۆ به‌شداران خوێندرایه‌وه‌ و نه‌زه‌ر و بۆچونی له‌ سه‌ر کۆ کرایه‌وه‌. دواتر هه‌موو به‌شداران له‌ سه‌ر چۆنییه‌تی کاری رێکخراوی ژنان له‌ وڵاتی سوئیس ، نه‌رزه‌رو بیرو بۆچوونی خۆیان هینایه‌ به‌ر باس و گفتگۆی زۆری له‌ سه‌ر کرا.
ئه‌وجار نۆره‌ گه‌یشته‌ به‌شی هه‌ڵبژاردنی کۆمیته‌ی به‌رێوه‌به‌ری یه‌کیه‌تی ژنان دێمۆکراتی کوردستان له‌ وڵاتی سوئیس . له‌ ئاکام دا ‌ کۆمیته‌یه‌کی حه‌وت که‌سی هه‌ڵبژێردران که‌ به‌رێزان : که‌ژاڵ ئیبراهیمی، چیمه‌ن بارام‌میرزا ، موژگان شه‌ریعه‌تی، جه‌میله‌ شوکروڵاهی، په‌روین شکوری ، ئاره‌زوو که‌ریم‌پور‌و له‌یلا که‌ماڵ ده‌نگی متمانه‌ی کۆنفڕانسیان به‌ ده‌ست هێنا.
هه‌ر له‌ یه‌که‌م کۆبوونه‌وه‌ی کۆمیته‌ی هه‌ڵبژێردراو دا به‌ تێکڕای ده‌نگ به‌رێز په‌روین شکوری وه‌ک به‌رپرسی کۆمیته‌ی ژنان له‌ وڵاتی سوئیس دیاری کرا و پێوه‌ست بوو به‌ کۆمیته‌ی ده‌ره‌وه‌ی وڵاتی یه‌کیه‌تی ژنانی دێموکڕاتی کوردستان.
جێگای ئاماژه‌یه‌ که‌ به‌ڕێز گوڵاڵه شه‌ڕه‌فکه‌ندی هاوکاری یه‌کێتی ژنانی دێموکڕاتی کوردستان، هاورێیه‌تی به‌رپرسی یه‌کێتی ژنانی ده‌ره‌وه‌وی وڵاتی له‌و سه‌فه‌ره‌ دا کرد.
کۆمیته‌ی ده‌ره‌وه‌ی یه‌کیه‌تی ژنانی دێموکڕاتی کوردستان
٠٨/٠٤/٢٠١٢
swis_zhnan2.jpg

بگه‌رێوه‌|ئەم بابەتە 1099 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact