. . . .


23 Mar 2012

به‌رێوه بردنی جێژنی نه‌ورۆز، به‌هاوبه‌شی کۆمیته‌ی حدک و کۆمه‌?


ناوەندی هەواڵ- سویس: ڕۆژی پێنجشه‌ممه رێکه‌وتی ٢٢ / ٠٣ / ٢٠١٢ کاتژمێر 5ی ئێواره به‌ بۆنه‌ی نه‌ورۆز و سه‌ری ساڵی ٢٧١٢ی کوردی کۆمیته‌ی حیزبی دێموکراتی کوردستان و کۆمه‌ڵه‌ی کولتوری له ناوه‌ندی شاری بیل ، وڵاتی سویس ، جێژنی نه‌ورۆزیان پیرۆز کرد .
سه‌ره‌تا په‌یامی کۆمیته‌ی حیزبی دێموکراتی کوردستان ، له لایه‌ن هاورێ جه‌ماڵ ئۆویسی یه‌وه پێشکه‌ش به به‌شدار بوانی ئاهه‌نگی نه‌ورۆز کرا ، کە وێرای پیرۆزبایی له تێکرای کوردستانیان و بنه‌ماڵەی سه‌ربه‌رزی شه‌هیدان و زیندانیانی سیاسی ، هیوای خواست له ساڵی ٢٧١٢ دا سه‌رجه‌م هێزه شۆرشگێره‌ کوردستانیه‌کان بتوانن یه‌کبگرن به‌ دژی ده‌وڵه‌ته سه‌ره‌رۆکانی داگیرکه‌ری کوردستان و ساڵی رزگاری یه‌کجاره‌کی گه‌لی کورد بێت له هه‌موو به‌شه‌کانی کوردستان .
پاشان وتاری مه‌جلیسی بیل،ی کۆمه‌ڵه‌ی کولتوری له لایه‌ن یه‌کێک له به‌رپرسانی ئه‌و مه‌جلیسه خوێندرایه‌وه. دواتر بروسکه‌ی پیرۆز بایی پارتی دێموکراتی کوردستان لیژنه‌ی ناوچه‌ی سویس خوێندرایه‌وه . ئاهه‌نگه‌که تا کاتژمێر ٩ی شه‌و به‌ هه‌ڵپه‌رکێ و گۆرانی درێژه‌ی کێشا.
شایه‌نی باسه که ئه‌ندامان و بنه‌ماڵه‌کانی سه‌ر به‌حیزبی دێموکراتی کوردستان تا کۆتایی ئاهه‌نگه‌که به‌شداریان کرد و جێژنه پیرۆزه‌یان له کوردانی به‌شداربووی نه‌ورۆز ده‌کرد.
حیزبی دێموکراتی کوردستان – کۆمیته‌ی سویس
بکەکرتە لێرەبۆ بینینی وێنەکان

بگه‌رێوه‌|ئەم بابەتە 1062 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact