. . . .


14 Mar 2012

نوێنەرایەتی حکومەتی هەرێمی کوردستان و ئەرکێکی مێژوویی


ناوەندی هەواڵ- بریتانیا: بەدەست پێشخەری نوێنەرایەتی حکومەتی هەرێمی کوردستان و پشتیوانی بەشێکی بەرچاو لە ئەندامانی پارلمان و لۆردەکانی بریتانیا سمینارێکی گەورە لەسەر پرسی کیمیا بارانی هەڵەبجەو ئەنفالی کورد پێکهات. لەو سمینارەدا ژمارەیەک لە پسپۆران،نوسەران،خوێندکاران و بەرپرسی حیزب و لایەنەسیاسیەکانی هەر چوار پارچەی کوردستان، هەروەها ڕەوەندی کورد لە بەریتانیا بەشدار بوون. ئەم سمینارە ئێوارەی رۆژی ١٢ی مارسی ٢٠١٢ کاتژمێری ٧ونیو بۆ ٩و نیوی شەو لە یەکێک لە تالارەکانی پارلمانی بریتانیا بەرێوە چوو.
یەکێک لەو پرسانەی کە لەو سمینارە گرینگی پێدرا، پرۆسەی کۆکردنەوەی واژۆی ئەلیکترۆنی بوو، که‌ له‌ یه‌کێك له‌ ماڵپه‌ڕه‌کانی حکومه‌تی به‌ریتانیا به‌ڕێوه‌ده‌چێت، ئەم پرۆسەیە بۆ ئەوەیە کە بتوانێ پرسی بە جینۆساید ناساندی پرسی کورد لە پەرلەمانی بەریتانیا بێتە بەر باس و ئەم پرۆسەیەش پێویستی به‌ سه‌د هه‌زار واژوو هه‌یه‌ کە لە پارلەماندا گفتوگۆی له‌سه‌ر بکرێت. ئه‌م پڕۆسه‌یه‌وه‌ لەلایەن گرووپی ڕاوێژکاری جینۆسایدی کورد و به‌ هاوئاهه‌نگی له‌ نێوان نوێنه‌رایه‌تی حکومه‌تی هه‌رێمی کوردستان بەرێوە دەچێ. لە داواکارەیەکەی ئەم پرۆسەیە دا هاتووە کە: "داوا له‌ به‌ریتانیا ده‌که‌ین وه‌ك سه‌نته‌ری ئازادی و دیموکراسی که‌ جینۆسایدی گه‌لی کورد به‌ فه‌رمی بناسێنێت و هانی یه‌کێتی ئه‌وڕوپا و نه‌ته‌وه‌ یه‌کگرتووه‌کان بدات بۆ ئه‌وه‌ی وه‌ك به‌ریتانیا به‌ هه‌مان کار هه‌ڵبستن".
بەشدار بوانی پانێلەکە بریتی بوون لە بەڕێزان: نەدیم زەهاوی ئەندامی پارلمانی بریتانیا، مەک مێن ئەندامی پارلمانی بریتانیا، ئانکلود ئەندامی پارلمانی بریتانیا،گاری کێنت راوێژکار لە پارلمانی بریتانیا،رۆبێرت هالفون ئەندامی پارلمانی بریتانیا، خاتو بەیان سامی عبدالرەحمان نوێنەری حکومەتی هەرێمی کوردستان، ریچارد بیستیون ویرایشگری بەشی کاروباری دەرەوەی رۆژنامەی تایمز،گوین رۆبێرت مودیری کۆمپانیای وێکهام فیلم،لۆرد ئارچێر،لۆرد کلیمنت جۆن هەروەها بەشێکی بەرچاوتر لە میوانانی ئینگلیس.
جیا لەم بەرێزانە هەرکام لە بەڕێزان: تۆم هاردی ئه‌فسه‌ری پێشووی سوپای به‌ریتانیا که‌ یارمه‌تیه‌کی به‌رچاوی له‌ دروستکردنی ناوچه‌ی دژه‌ فڕین پێشکه‌ش کرد له‌ ساڵی 1991، هیوگۆ چارڵتن پارێزه‌ر له‌ بواری مافی مرۆڤ، دکتۆر گریگۆری کێنت له‌ زانکۆی ڕۆیهامتن و لاوین ئه‌تروشی که‌ له‌بواری ته‌ندروستیه‌وه‌ کارده‌کات په‌یامی پشتگیری خۆیان بۆ ئه‌م هه‌ڵمه‌ته‌ دووپات کرده‌وه‌.
سەرەتا لە لایەن رۆبێرت هالفون بەخێرهاتنی بەشدار بووان کراو و کورتەیەکی لە پانێل و کارەساتی کیمیا بارانی هەلەبجە و ئەنفالی کورد پیشکەش کرد و دوایی هەرکام لەم بەڕێزانە لە پێوەندی لەگەڵ کێشەی کورد لە هەر چوار پارچەی کوردستان بەتایبەت کارەساتی کیمیابارانی هەلەبجەو ئەنفال و هەروەها سەفەر و سەردانەکانیان بۆ کوردستان و گێرانەوەی بە کۆمەڵکوژی وقوربانیانی هەڵەبجەیان کرد و بەجۆرێك کە لەو وتەکانیاندا دا برینەکان و دردو مەینەتیەکانی کوردیان وەك فیلمێك دەهیناوە پێش شاشەی تەماشای بەشداربووان.
خاتوو بەیان سامی عبدالرەحمان نوێنەری حکومەتی هەرێمی کوردستان لەبریتانیا قەدردانی و خۆشحاڵی خۆی لە بەشدار بووان دەربرێ و لە بەشێک لەووتەکانیان دا ووتیان کە ئەمرۆ پێویستە هەموو دەنگەکان بکرێن بەیەک بۆ پشتیوانی و بە نیونەتەوەی کردنی هەڵەبجە و ئەنفال و تێبکۆشین کە ١٠٠ هەزار ئیمزا لە ماوەی یەکسال لە هەموو لایەنەکان،دۆستان دڵسۆزانی کورد و غەیرە بۆ بەئەنجام گەیاندنی ئەم ئەرکە مێژوویە بە ئەنجام بگەینین.
هەروەها لەبەشێکی تر لەوتەکانی دا ووتی: " کیمیابارانکردنی هه‌ڵه‌بجه‌ که‌ بووه‌ بە نازناوی جینۆسایدی کورد کارێکی دڕندانه‌ بوو که‌ له‌ دژی گه‌له‌که‌مان ئه‌نجامدرا. ئه‌م کاره‌ساته‌ به‌شێك بوو له‌ جینۆسایدکرنی گه‌لێك که‌ چه‌ندین کاری نامرۆییانه‌ی تری له‌ خۆووه‌ گرتووه‌، له‌ نێوانیشیاندا ڕاگواستنی کورده‌ فه‌یلیه‌کان، به‌ عه‌ره‌بکردنی شاری که‌رکوك، بێ سه‌ر و شوێنکردنی بارزانیه‌کان و هه‌ڵمه‌تی ئه‌نفال."
لۆرد ئارچێر " له‌ ووتارێکی به‌جۆشدا باسی له‌ یه‌که‌مین سه‌ردانی خۆی کرد بۆ هه‌ڵه‌بجه‌ که‌ ئه‌و کات هه‌روه‌ك خۆی وه‌سفی کرد به‌ (شارێکی ترسناك) ناوبراو ووتی که‌ یه‌کێك له‌ خۆشترین چرکه‌کانی ژیانیدا ئه‌و کات بوو کاتێك سه‌ددامی له‌ قه‌فه‌سی دادگا بینی. هه‌روه‌ها ووتی: " با به‌یه‌که‌وه‌ ئه‌و سه‌د هه‌زار واژووه‌ کۆبکه‌ینه‌وه تا جیهان به‌ هیچ شێوه‌یه‌ك شه‌ڕانگێزی ئه‌و تاوانبارانه‌ له‌بیر نه‌کات که‌ به‌و تاوانه‌ هه‌ڵسان دژی گه‌لی کورد."
هه‌ر له‌ درێژه‌ی کۆبوونه‌وه‌که‌ گوین ڕۆبێرت به‌ڕێوه‌به‌ری پڕۆژه‌ی یاده‌وه‌ری کوردی کورته‌ فیلمێکی پێشکه‌ش کرد که‌ تیایدا چه‌ندین ناوچه‌ی جیاجیای کوردستانی له‌ خۆوه‌ گرتبوو که‌ که‌وته‌ ژێر هێرشی گازی کیمیاوی و فیلمەکە لەگەڵ خەڵکی دڵ ئیشاو بریندارو نەخۆشی پاشماوەی ئەم کارەساتە هەلگیرابووە کە بینەرانی بۆ ساتێك دڵگران و نارەحەت کرد.

پاشان بەرێز هێمن هه‌ورامی ئه‌ندامی ئه‌نجومه‌نی سه‌رکردایه‌تی پارتی دیموکراتی کوردستان و به‌رپرسی په‌یوه‌ندیه‌کانی ده‌ره‌وه‌ی پارتی و خاتوو شاناز ابراهیم احمد به‌رپرسی نووسینگه‌ی به‌ریتانیای یه‌کێتی نیشتیمانی کوردستان رێزو پێزانین و پشتیوانی تەواوی پارتی و یەکیەتیان بۆ ئەم هەنگاوە و ڕێکخەرانی ئەم هەنگاوە دەربڕی و لە بەر کاتی کەم تەنیا ئاماژەیەکی کورتیان بە رووداوەکە کردو و داویان لە هەموو بەشداران کرد کە چالاکانە بۆ ئەم هەنگاوە پیرۆزە کۆشا بن و بۆ بەنەتەوەیی ناساندنی ئەم رۆژە ئەوەی لەدەستیان دێت دریغی و کوتایی نەکەن و سوپاسی و پێزانینی خۆیان لە هەموو بەشدار بووان و حیزب و لایەن سیاسیەکانی هەر چوار پارچەی کوردستان کرد.
جێگای ئاماژەیە لەبەرنەبوونی کات حیزبەکان نەیان توانی پەیامەکانیان پێش کەش بکەن و هەر بە نێو بردنی هەرچوار پارچەی کوردستان پشتیوانی خۆیان دەربری.
ئەم پەیامانەش بەم سمینارە گەیشتبوون:
ئه‌و نامه‌ و په‌یامانه‌ له‌ لایه‌ن لۆرد دوبس، باڕۆنێس میچه‌ر، لۆرد هاریس، په‌رله‌مانتاران پۆڵ بلومفیلد، ئییه‌ن مێرنس، مایکڵ گه‌یپس و فابیان هامیلتن پێشکه‌ش کرابوون. هه‌روه‌ها هه‌ردوو به‌یاننامه‌ی ده‌زگای قوربانیانی هه‌ڵه‌بجه‌ و قائیمقامی هه‌ڵه‌بجه خوێندرایه‌وه‌. نوێنەرایەتی حیزبی دێموکراتی کوردستان بە پەیامی پشتیوانی و پشگیری لەم ئەرکە مێژوویە بەشداری چالاکانەیان کرد و بۆ ئەم مەبەستە پەیامی پشتیوانیان دایە دەستی ئەندامانی پارلمان و لۆردەکانی بەشدار لەم سمینارە و هەروەها بەشداربووان.
لە دەرفەتی کۆتایی سمینارەکە نوێنەری حیزب لە بریتانیا توانی چاوی بە بەڕیز هێمن هەورامی نوێنەری پەیوەندیە نێو نەتەوەیەکانی پارتی دێموکراتی کوردستان و هەروەها بەشێکی بەرچاو لە پارلمانتاران بکەوێت و قەدردانی و سوپاسیان لێ بکات بۆ ئەم هەنگاوە پیرۆزە.
هەئیەتێکی حیزبی دێموکراتی کوردستان بەسەرپەرستی بەرێز مەولود سوارە نوێنەری حیزب لە بریتانیا و کاک کامەران باڵنور نوێنەری حیزب لە واشنگتن و بەرێزان کاک یونس موکری بەرپرسی کۆمیتەی لەندەن، کاک فەریدون معروفی نوێنەری حیزب بۆ کاروباری حیزبە کوردستانیەکان، و کاک عبداللە ئەمینی بەشداری ئەم سمینارە بوون.
نوێنەرایەتی حیزبی دێموکراتی کوردستان بریتانیا

واژووکردنه‌ ئه‌له‌کترۆنیه‌که‌ ئه‌م داوایه‌ له‌ حکومه‌تی به‌ریتانیا ده‌کات.


داوا له‌ حکومه‌تی به‌ریتانیا ده‌که‌ین کاره‌ساتی جینۆسایدی گه‌لی کورد به‌ شێوه‌یه‌کی فه‌رمی بناسێنێت و هانی یه‌کێتی ئه‌وڕوپا و نه‌ته‌وه‌یه‌ کگرتووه‌کان بدات بۆ ئه‌وه‌ی هه‌مان هه‌نگاو بهاوێن. ئه‌و هه‌نگاوه‌ی حکومه‌تی به‌ریتانیا وا له‌ خه‌ڵکی کوردستانی عیراق ده‌کات که‌ هه‌ست به‌ دادپه‌روه‌ری بکه‌ن به‌رامبه‌ر ئه‌و کاره‌ساتانه‌ی که‌ به‌سه‌ریان هاتووه‌ و ئه‌و هه‌موو زه‌ره‌ر و زیانه‌ی که‌ پێیان گه‌یشتووه‌. له‌ هه‌مان کاتیشدا ده‌رفه‌ت‌ ده‌بێت بۆ به‌ریتانیا وه‌ك ووڵاتێك که‌ سه‌نته‌ری ئازادی و دیموکراسیه‌ته‌ له‌ جیهان بۆ ئه‌وه‌ی په‌یامی پشتگیری خۆی له‌ یاساکانی نیوده‌وڵه‌تی و مافی مرۆڤ دووپات بکاته‌وه‌. کاره‌ساتی جینۆساید که‌ له‌ لایه‌ن کورده‌وه‌ به‌ (ئه‌نفال) ناسراوه‌ ده‌یه‌ها ساڵ ده‌رهه‌ق به‌ گه‌لی کورد ئه‌نجامدراوه‌، پڕۆسه‌یه‌ك بوو که‌ به‌ به‌عه‌ره‌بکردنی گوند و دێهاته‌کانی که‌رکوك له‌ ساڵی 1963 ده‌ستی پێکرد. دواتر ڕاگواستن و بێسه‌ر و شوێنکردنی کورده‌ فه‌یلیه‌کان له‌ هه‌فتاکان و هه‌شتاکان، کوشتنی 8000 پیاوی بارزانی له‌ ساڵی 1983، به‌کارهێنانی چه‌کی کیمیاوی دژی گه‌له‌که‌مان له‌ کۆتاییه‌کانی 1987 و 1988 (هه‌ڵه‌بجه‌ دیارترین نموونه‌ی ئه‌م کاره‌ نا مرۆییه‌یه)‌ و دواتریش تاوانی ئه‌نفال له‌ 1987-1988.
سه‌ده‌ها هه‌زار پیاو، ئافره‌ت و مناڵی کورد به‌ده‌ستی ڕژێمی به‌عس له‌ناو بردران، تێکدانی 4500 گوند له‌ نیوان 1976-1988. له‌ ناوبردنی سه‌رچاوه‌ ده‌وڵه‌مه‌نده‌که‌ی کشتوکاڵی کوردستان.

بۆ به‌شداریکردن له‌ پڕۆسه‌ و هه‌ڵمه‌تی واژوو کۆکردنه‌وه‌ تکایه‌ سه‌ردانی ئه‌و ماڵپه‌ڕه‌ بکه‌ن. سوپاسی پشتگیریتان ده‌که‌ین
بۆ واژوو کردن کرتە لێرە بکە
KRG UK Representation and parliamentarians mark Halabja anniversary and launch e-petition on recognition of Kurdish genocide

نوێنه‌رایه‌تی حکومه‌تی هه‌رێمی کوردستان له‌ به‌ریتانیا و په‌رله‌مانتارانی ئه‌و ووڵاته‌ یاده‌وه‌ری ساڵیادی هه‌ڵه‌بجه‌ ده‌گێڕن و پڕۆسه‌ی واژوو کۆکردنه‌وه‌ی ئه‌له‌کترۆنی ده‌ست پێده‌که‌ن
وێنەکانی ئەو سمینارە لێرەوە ببینە

بگه‌رێوه‌|ئەم بابەتە 1260 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact