. . . .


29 Jan 2012

کوردستانیانی نیشتەجێی فینلاند بە شکۆوە یادی کۆماری کوردستانیان کرد?


ناوەندی هەواڵ- فینلاند: رۆژی هەینی 27ی ژانویەی 2012ی زایینی کومیته‌ی گشتی حیزبی دێمۆکراتی کوردستان له‌ شاری تورکوی وڵاتی فینلاند رێوره‌سمێکی به‌شکۆی بۆ به‌رز راگرتنی یادەوەریی 2ی رێبەندان شەست و شەشەمین ساڵوەگەڕی دامەزرانی کۆماری کوردستان پێکهێنا.
رێورەسمەکە بە بەشداریی سەدان کەس لە ئەندامان و لایەنگرانی حیزبی دێموکراتی کوردستان و بنەماڵەکانیان و نوێنەرانی حیزب و لایەنە کوردستانیەکان بەڕێوە چوو، به‌ خوێندنەوەی سرودی نه‌ته‌وایه‌تی ئه‌ی ره‌قیب لە لایەن کۆڕی هونەریی یەکـێتی لاوانی دێموکراتی رۆژهەڵاتی کوردستان و دەقیقەیەک وەستان بۆ رێزگرتن لە یاد و خەباتی سەرجەم شەهیدانی کوردستان بە تایبەت شەهیدانی کۆماری کوردستان و لە سەرووی هەموانەوە پێشەوا قازی محەممەد سەرۆ کۆماری کوردستان دەستی پێ کرد. پاشان بەڕێوەبەرانی بەرنامە وێڕای به‌ خێرهاتنی نوێنه‌رانی هێزو لایه‌نه‌ سیاسییه‌کان و سه‌رجه‌م به‌شداران بە خوێندنەوەی شێعر و پەخشانی شۆرشگێڕی پێشوازیان لە ساڵوەگەڕی ئەو رۆژە مێژووییە کرد .
له‌ درێژه‌ی به‌رنامه‌کانی ئه‌م رێوره‌سمه‌دا په‌یامی ده‌فته‌ری سیاسی حیزبی دێمۆکراتی کوردستان له‌لایه‌ن هاوڕێ ئه‌میر ره‌سووڵی‌ پێشکه‌ش کرا. له‌ برگه‌یه‌کی دیکه‌ی ئه‌م رێوره‌سمه‌دا په‌یامی کۆمیتەی هاوکاریی هێزە سیاسیەکانی کوردستان لە وڵاتی فینلاند و هەروەها ئەو لایه‌نه‌ سیاسیانەش کە ئەندامی ئەو کۆمیتەیە نین بەڵام به‌شداری یادی 2ی رێبه‌ندان بوون، بە یەکەوە لە بەر کەمی کات له‌لایه‌ن به‌رێز فایه‌ق مه‌سعودی لە کۆمەڵەی شۆرشگێڕی زەحمەتکێشانی کوردستانی ئێرانەوە پێشکه‌ش کرا:
یه‌کیه‌تی‌نیشتمانی‌کوردستان
پارتی‌دێمۆکراتی‌کوردستان
کۆمه‌ڵه-‌‌سازمانی‌کوردستانی‌حیزبی‌کۆمونیستی‌ئێران
سازمانی‌خه‌باتی‌کوردستانی‌ئێران
کۆمه‌ڵه‌ی‌شۆرشگێری‌زه‌حمه‌تکێشانی‌کوردستان‌ئێران
پارتی‌ژیانی‌ئازادی‌کوردستان) پژاک (
بزووتنه‌وه‌ی‌دێموکراتیک‌‌یارسان
له‌ درێژه‌ی به‌رنامه‌کانی 66ساڵه‌ی دامه‌زرانی کۆماری کوردستاندا که‌ریم فه‌رخه‌پوور لە کۆمیتەی کەمپەینی یەکبوون بابه‌تێکی پڕله‌هه‌ستی له‌سه‌ر یه‌کبوون و ته‌بایی نێو ماڵی کورد پێشکه‌ش بە ئاماده‌بوان کرد. نێوئاخنی به‌رنامه‌که‌ سروودی خوایه‌ وه‌ته‌ن ئاواکه‌ی بوو که‌ له‌لایه‌ن پۆلێک له‌ کیژانی ئه‌ندامی یه‌کیه‌تی لاوانی دێمۆکراتی رۆژهه‌ڵاتی کوردستانه‌وه‌ پێشکه‌شکرا.

دواتر شاعێری به‌هه‌ڵوێست مامۆستا نزار کوێستانی شێعرێکی پڕله‌ هه‌ستی مرۆڤ دوستی و خۆشه‌ویستی بۆ پێشه‌واو سه‌رکۆماری کوردستان قازی محه‌ممه‌د پێشکه‌شی به‌شدارانی رێوره‌سمه‌که‌ کرد.
بڕگه‌یه‌کی دیکه‌ی به‌رنامه‌کان خوێندنه‌وه‌ی په‌یامی هاوبه‌شی یه‌کیه‌تی ژنانی دێمۆکراتی کوردستان و یه‌کیه‌تی لاوانی دێمۆکراتی رۆژهه‌ڵاتی کوردستان بوو که‌ چیا کوردستانی جێگری سکرتێری یه‌کیه‌تی لاوان پێشکه‌شی ئاماده‌بوانی کرد.
دواتر هیوا شوانی شاعێری خاوه‌ن هه‌ست په‌خشانێکی له‌یادی 2ی رێبه‌ندان خوێنده‌وه‌ که‌ سه‌رنجی به‌شدارانی بۆ لای خۆی راکێشا. برگه‌یه‌کی دیکه‌ی رێوره‌سمه‌که‌ رێزگرتن بوو له‌ کیژانی ئه‌ندامی یه‌کیه‌تی لاوان که‌ به‌ راهێنه‌ری هونه‌رمه‌ند فه‌رهاد ئالانی چالاکی به‌رده‌وامیان هه‌بووه‌ له‌ رێوره‌سمه‌ حیزبی و نیشتمانییه‌کاندا. هه‌روه‌ها له‌م رێوره‌سمه‌دا ناوی پۆلێک له‌ هاورێان خوێندرایه‌وه‌ که‌ له‌ بواری‌ داراییەوەهاوکاری‌به‌رێوه‌چوونی‌رێوره‌سمه‌حیزبییه‌کانیان‌کردبوو.
دوایین برگه‌ی رێوره‌سمی 2ی رێبه‌ندان 66 ساڵه‌ی دامه‌زرانی کۆماری کوردستان هه‌ڵپه‌رکێ و شایی و خۆشی بوو که‌ هونه‌رمه‌ندان قادرئه‌سعه‌دوگۆران‌سۆزداربه‌گۆرانی‌وموزیک‌رێوره‌سمه‌که‌یان‌رازانده‌وه‌.
رێوره‌سمه‌که‌ کات ژمێر 6ی ئێواره‌ ده‌ستی پێکردو کات ژمێر 1 نیوه‌ شه‌و ئه‌ندامانی حیزبی به‌شدارانی رێوره‌سمه‌که‌ به‌ پیرۆزبایی کۆتن‌له‌‌یه‌کتر‌کۆتاییان‌به‌رێوره‌سمه‌که‌هێنا.
شیاوی ئاماژەیە کە له‌ په‌راوێزی ئه‌م رێوره‌سمه‌دا هێزو لایه‌نه‌ سیاسیه‌کانی به‌شدار له‌ یادی 2ی رێبه‌ندان پێکه‌وه‌ کۆبوونه‌وه‌و ئاڵوگۆری بیرورایان کرد، کۆمیته‌ی حیزبی دێمۆکراتی کوردستان له‌ وڵاتی فینلاند پێداگری کرده‌وه‌ له‌سه‌ر کاری پێکه‌وه‌یی و هاوکاری زیاتری نێوان هێزه‌ سیاسیه‌کان بۆ باشتر راپه‌راندنی ئه‌رکه‌ نه‌ته‌وه‌یی و نیشتمانییه‌کان.
پێویست بە ئاماژەیە کە گشت بڕگەکانی ئەو ڕێورەسمە بە کامێرای هاوڕێیانمان ئێدریس ئه‌حمه‌د پوور ،که‌ریم مڵاشێخی، ره‌زا حه‌کیم زاده ،کاوه خزری وێنە و فیلمی لێ هەڵگیراوە، کە جێی خۆیەتی سپاسی ماندوو بوون زەحمەتاکنی ئەوانیش بکەین.

بۆ بینینی وێنەکانی ئەو ڕێوڕەسمە کرتە لێرە بکە

بگه‌رێوه‌|ئەم بابەتە 1565 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact