. . . .


23 Jan 2012

ڕێوڕەسمی ٢ی ڕێبەندان لە ڤانکۆڤەری کانادا بە شکۆیەکی زۆرەوە بەڕێو???


ناوەندی هەواڵ- کانادا: کومیته‌ی حیزبی دێموکرات کوردستان له ڕێوڕه‌سمێکی به شکوه‌دا یادی ٦٦مین ساڵیادی دامه‌زرانی کۆماری کوردستانیان به‌رز ڕاگرت. ئه‌و ڕێوڕه‌سمه کات ژمێر ٧ی سه‌ر له ئێواره‌ی ڕۆژی هه‌ینی ڕێکه‌وتی ٢٠ی ژانویه‌ی ٢٠١٢ی زایینی به به‌شداری ژماره‌یکی به‌ر چاو له کوردستانیانی دانیشتوی ڤانکۆڤه‌ر له ڕۆژئاوای کانادا،به خوێندنه‌وه‌ی سروودی نه‌ته‌وایه‌تی ئه‌ی ڕقیب و ساتێک بێ ده‌نگی بۆ ڕیز گرتن له شه‌هیدانی کۆمار و گشت شه‌هیدانی ڕێگای ڕزگاری کوردستان ده‌ستی پێ کرد. دواتر ئه‌نوه‌ر که‌ریمی به‌ر پرسی کومیته‌ی حیزبی دێموکراتی کوردستان له ڕۆژئاوای کانادا به‌م بۆنه‌یه‌وه په‌یامیکی پێشکه‌ش کرد. له‌م په‌یامه‌دا ویڕای پیرۆز بایی ئه‌م یاده پیرۆزه، دامه‌زراندنی کۆماری کوردستان و ده‌سکه‌وته بەنرخه‌کانی وه‌ک دامه‌زراندنی سپای میلی و هه‌ل کردنی ئاڵای کوردستانی و هتد له لایه‌ن پێشه‌وای حیزبی دێموکرات و سه‌رۆکی کۆماری کوردستان قازی مه‌حمه‌د به‌رز نرخیندران. له به‌شێکی تر له په‌یامه‌که‌دا، ئه‌نوه‌ر که‌ریمی وێرای هێما کردن به خه‌بات و تێکۆشانی حیزبی دێموکرات و ڕۆڵه ئازادیخوازه‌کانی گه‌لی کورد بۆ گه‌یشتن به ئامانجه‌کانی کۆماری کوردستان، له مه‌ر پشت گویه خستنی یه‌کێک له ئامانجه‌کانی کۆماری کوردستان و هه‌روه‌ها داواکاری پێشه‌وای نه‌مر قازی محەمه‌د که له‌ به‌شێک له وه‌سیه‌ت نامه‌که‌ی داهاتوه، واتە پاراستنی یه‌کڕیزی و ته‌بایی ڕۆڵه‌کانی کورد، ره‌خنه‌ی جیدی له سه‌ر حیزبی دێموکرات به گشتیه‌و و به هۆیی ئه‌وەیکه حیزبی دێموکرات وه‌ک تاقانه حیزب شانازی دامه‌راندنی کۆماری کوردستانی به نسیب بووه، ده‌بێت ئه‌م به‌رپرسایه‌تیه له ئه‌ستۆ بگرێ و هه‌وڵی جیدی بۆ پارستنی یه‌کریزی و ته‌بایی ماڵی کورد و ڕۆڵه‌کانی دێموکرات بدات.
ئه‌نوه‌ر که‌ریمی له به‌شیکی تر له وته‌کانی دا وێرای وه‌بیر هێنانه‌وه‌ی نێوه‌رۆکی به‌یاننامه‌ی ده‌فته‌ری سیاسی حیزبی دێموکراتی کوردستان بۆ ڕێکخراوی نه‌ته‌وه یه‌کگرتوه‌کان، له ڕێکه‌وتی ٥ی ئاگوستی ٢٠١١ی زایینی و دژ کرده‌وی نه‌یاران و ناحه‌زانی گه‌لی کورد و حیزبی دێموکراتی کوردستان له به‌رامبه‌ر به داوای ڕه‌وا و به‌رحەقی به‌یاننامه‌ی حیزب، هیوای خواست که هه‌موو خه‌باتگێڕانی رێگای ڕزگاری کوردستان، به هه‌موو بیرو بۆچوونه جیاوازه‌کانیانه‌وه له یه‌ک سه‌نگه‌ر دا به‌ر‌ەنگاری پیلانی دوژمنانی گه‌لی کورد ببنه‌وه. له کۆتایی وته‌کاندا،ئه‌نوه‌ر که‌ریمی هیوای هه‌رچی زووتر گەیشتن به ئامانجه‌کانی کۆماری کوردستانی به ئاوات خواست.
دوای په‌یامی کومیته‌ی حیزب،ویڕای سپاس و پیزانین بروسکه‌ی پیرۆزبایی ئه‌م حیزب و رێکخراوانه‌ی خوارەوە خوێندرانه‌وه
١-کۆمه‌ڵه‌ی زه‌حمه‌تکێشانی کوردستانی ئێران
٢-یه‌کێتی نیشتیمانی کوردستان
٣-سازمانی خه‌باتی کوردستانی ئێران
٤-یه‌کێتی فیدایانی خه‌لکی ئێران
دوا به‌شی رێوڕه‌سمه‌که به به‌شداری هونه‌رمه‌ندی ده‌نگ خۆش و ناسراوی گه‌له‌که‌مان خاتوو شه‌‌هێن تاله‌بانی به پێشکه‌ش کردنی چه‌ندین گۆرانی ڕه‌سه‌نی کوردی کۆری به‌شداربووانی شادتر کرد.
پێویسته بگوتری له لایه‌ن به‌ڕێوەبه‌ری ئه‌م یاده پیرۆزه، عوسمان مه‌حمودی ئه‌ندامی کومیته‌ی حیزب له ڕۆژئاوای کانادا چه‌ندین شیعر و پارچه هه‌ڵبه‌ستی هه‌ست بزوێن پێشکه‌ش کرا..
حیزبی دێموکراتی کوردستان
کومیته‌ی ڕۆژئاوای کانادا- ڤانکۆڤه‌ر
٢٢ی ژانویه‌ی ٢٠١٢ی زایینی

بۆ بینینی وێنەکان کرتە لێرە بکە

بگه‌رێوه‌|ئەم بابەتە 1417 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact