. . . .


23 Jan 2012

پێکهێنانی کۆبوونه‌وەیەک بۆ ئه‌ندامانی حدک له‌ هه‌رێمه‌کانی ه


ناوەندی هەواڵ- فینلاند: رۆژی یه‌کشه‌ممه‌ ٢٢/١/٢٠١٢ زایینی کاتژمێر ٣ی دوانێوه‌رۆ کۆمێته‌ی هه‌رێمی تورکو کۆبووه‌وه‌یه‌کی ته‌شکێلاتی بۆ ئه‌ندامانی حدک له‌و هه‌رێمە پێکهێنا. سه‌ره‌تا کۆبونه‌وه‌ به‌ ساتێک بێ ده‌نگی بۆ شه‌هێدانی حیزب و گه‌ل ده‌ستی پێکرد، پاشان به‌شی یه‌که‌می کۆبوونه‌وه‌که کە‌ ته‌رخان کرابوو بۆ رێز گرتن له‌ خه‌بات و تێکۆشانی هاوری تازه‌ کۆچ کردوومان مام ره‌حمان، به‌م بۆنه‌وه‌ له‌ لایه‌ن کاک سه‌ید ئه‌حمه‌د حوسینی هاوڕی و هاوسه‌نگه‌ری دێرینی مام ڕه‌حمان مورته‌زازاده‌ له‌ سه‌ر سێ ده‌یه‌ کار و تێکۆشان، وه‌فاداری و له‌ خۆبردوویی ئەو مرۆڤە تێکۆشەرە له‌ ناو رێزه‌کانی حدک به‌ وردی قسه‌ی بۆ ئه‌ندامانی بەشداربوو کرد و داوای لێکردن که‌ خه‌بات و فێداکاری مام ڕه‌حمان مورته‌زازاده‌ پێری ناو سه‌نگه‌ری کوردایه‌تی بکه‌نه‌ سه‌ر مه‌شقی کار و تێکۆشانی خۆیان. پاشان وه‌ستا ڕه‌حمان باسێکی له‌ سه‌ر کار و تێکۆشانی حێزبی له‌ هه‌ریمی تورکۆ له‌ ماوه‌ی یه‌ک ساڵی ڕابردوودا و هه‌روه‌ها ئه‌رک وه‌زیفه‌ی ئه‌ندامان له‌ ئاست ئۆرگانه‌کانی حێزبی و چالاکتر بوونیان له‌ بۆنه‌و ڕێوڕەسمە حێزبیەکاندا و به‌ جێگه‌یاندنی ئه‌رکی ئه‌ندامه‌تی خۆیان بۆ ئه‌ندامانی به‌شدار له‌ کۆبوونه‌وه‌که‌ کرد. ئینجا ئه‌ندامان به‌ ڕاو بۆچوون و تێبینی خۆیان زۆر چاڵاکانه‌ به‌شداریان له‌ باسه‌کانی کۆبوونه‌وه‌که‌دا کرد. له‌ به‌شی کۆتایی کۆبوونه‌وه‌که‌ وێرای شێکردنه‌وه‌ و وڵامی پرسیاری هاورێیان، کۆمه‌لێک پرۆژه‌ی کاری باش بۆ چالاکی حیزبی خرانه‌ ناو به‌رنامه‌ی کاری کۆمێته‌ی هه‌رێمه‌که‌ بۆ چالاکیه‌کانی سالی ٢٠١٢ ، دوای سێ کاتژمێر باس و گفتگۆ و کاتژمێر ٦ی ئیواره‌ کۆتایی به‌ کۆبوونه‌وه‌که‌ هات. هه‌روه‌ها رۆژی هه‌ێنی ٢٠/١/٢٠١٢ کاتژمێر ٥ی ئیواره‌ کۆمێته‌ی هه‌رێمی هیلسینکی کۆبووه‌وه‌یه‌کی ته‌شکێلاتی بۆ ئه‌ندامانی حدک له‌ هه‌رێمی هێلسینکی پێک هێنا ، دوابه‌دوای رێز گرتن له‌ شه‌هیدانی حیزب و گه‌ل، بێستون ئیزه‌دی ڕاپۆرتی کار و چالاکیه‌کانی یه‌ک ساڵی ڕابردووی کۆمێته‌ی هه‌ریمی هیلسینکی بۆ به‌شداران باس کرد ، پاشان ئه‌ندامانی به‌شدار ڕاو بۆچوون و تێبینی خۆیان سەبارەت بە باشتر کردن و هه‌وڵدانی زیاتر بۆ چالاکی حیزبی له‌ هه‌رێمی هیلسینکی هێنایه‌ به‌ر باس. به‌شێ کۆتایی کۆبوونه‌وه‌که‌ ته‌رخان کرابوو بۆ دارشتنی به‌رنامه‌ و پلانی چالاکی ئه‌مساڵ که‌ کۆمه‌لێک به‌رنامه‌ و پرۆژه‌ی باش بۆ داهاتو به‌ کۆمێته‌ی هه‌رێمه‌که‌یان پێشنیار کرا.

بۆبینینی وێنەکانی ئەو سمینارە کرتە لێرە بکە

بگه‌رێوه‌|ئەم بابەتە 3972 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact