. . . .


23 Jan 2012

٦٦مین ساڵرۆژی دامەزرانی کۆماری کوردستان لە وڵاتی ئەمریکا پیرۆز کرا


ناوەندی هەواڵ- ئەمریکا: ڕۆژی شه‌ممه‌ ڕێکەوتی 21 ژانویه‌ کومیته‌ی حیزبی دیموکراتی کوردستان له‌ ده‌وه‌ری واشینگتۆن، بۆ بەر‌ز ڕاگرت و یادکردنه‌وه‌ی ئه‌م رۆژه‌ نه‌ته‌وایه‌تی گه‌لی کورد ئاهه‌نگێکی پڕ شکۆی بەڕێوەبرد.
له‌ کاتژمێر 6 ئێواره‌ ڕێورەسمەکە به‌ سرودی نه‌ته‌وایه‌تی گه‌لی کورد(ئه‌ی ڕه‌قیب) ده‌ستی پێ کرد. پاشان له‌ لایان به‌رێوه‌به‌ری به‌رنامه‌ کاک جعفه‌ر فه‌قی نه‌بی،بۆ ڕێز لێنان له‌ گیانبازانی ڕێگای ڕزگاری و شه‌ هیدانی کوردستان و هه‌روه‌ها شه‌هیدانی شێرناخ خولەکێک بێ ده‌نگ ڕا گەیەندرا. پاشان له‌ هاوڕێیان مراد ئه‌حمه‌دی و سمان عه‌زیزی کرا کە مۆمی 66 ساله‌ی تەمەنی کۆماری کوردستان هه‌ڵکه‌ن.
بە دوای ئەو دا په‌یامی حیزبی دیموکراتی کوردستان به‌ بۆنه‌ی 66 ساله‌ی کۆماری کوردستان له‌ لایه‌ن هاوڕی خه‌بات ئیبراهیم پور پێشکه‌شی به‌شدار بووان کرا. ئینجا په‌یامی پیرۆزبایی یه‌کیتی نیشتمانی له‌ لایه‌ن کاک جه‌عفه‌ر فه‌قی نه‌بی خۆێندراوه‌ که‌ له‌ لایه‌ن کومیته‌ی یه‌کیتی نیشتیمانی له‌ ده‌ڤه‌ری واشینگتۆن بۆ حیزبی دێموکراتی کوردستان نێردرابوو. خاتوو‌ نه‌سرین که‌ریمی په‌یامی لقی 7 پارتی دێموکراتی کوردستانی که‌ بۆ ئه‌م بۆنه‌یه‌ نێردرابوو خۆینده‌وه‌. شایانی باسه‌ کومیته‌کانی یه‌کیتی نیشتیمانی و پارتی دێموکراتی کوردستان بە به‌شداری خۆیان له‌م یاده‌ پیرۆزه‌ ڕیزیان له‌ کۆماری کوردستان و دامەزرینەرانی گرت.‌
پاشان پارچه‌ شێعریک له‌ لایه‌ن سیامند خوسره‌وی پێشکه‌شی به‌شداربووان کرا.
خواردنی نانی شه‌و و شیرینی ئه‌م ڕۆژه‌ پیرۆزه‌ که‌ له‌ لایه‌ن کومیته‌ حیزبەوە حازرکرابوو بڕگەیەکی دیکە ئەو مەراسمە بوو.
لە بڕگەیەکی دیکە دا ده‌ستی گۆڤە‌ند و شایی وهه‌ڵپه‌رکێ، بۆ یادی ئه‌م رۆژه‌ پێرۆز گیرا و تا کات ژمێری 12 شه‌و له‌ کەش وهه‌واێکی دۆستانه‌و کوردانه‌ دا درێژەی کێشا و سەرئەنجام له‌ کۆتایی دا کیکی 66 ساله‌ی کۆماری کوردستان له‌ لایه‌ن کاک خه‌بات وخاتوو‌ مەهتاب،وە بڕدرا و کۆتایی به‌ ئه‌م چێژنه‌ نه‌ته‌وایه‌تی هات.

کومیته‌ی حیزبی دیموکراتی کوردستان -واشینگتن‌

وێنەکانی ئەو ڕێورەسمە لێرەوە ببینە

بگه‌رێوه‌|ئەم بابەتە 1284 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact