. . . .


18 Jan 2012

سەردانی هەیئەتێکی کومیتەی سویس،ی حدک لە ئیدارەی پەنابەری ئەو وڵاتە


ناوه‌ندی هه‌واڵ سویس : له‌سه‌ر داوای کۆمیته‌ی حیزبی دێموکراتی کوردستان له وڵاتی سویس ، ئه‌مرۆ چوار شه‌ممه رێکه‌وتی ١٨ / ٠١ / ٢٠١٢ کاتژمێر ١٠ی سه‌رله‌به‌یانی هه‌یئه‌تێکی کۆمیته‌ی حیزبی دێموکراتی کوردستان سه‌ردانی ئیداره‌ی په‌نابه‌رانی سویسی له‌ شاری بێرن پێته‌ختی ئه‌و وڵاته کرد. سه‌ره‌تا له لایه‌ن هه‌یئه‌تی خانه خوێ وه زۆر به‌گه‌رمی به‌خێر هاتنی هه‌یئه‌تی حیزبی دێموکراتی کوردستان کرا ، دواتر باسێکی کورت له‌سه‌ر ڕه‌وشی مافی مرۆڤ له ئێران به گشتی و رۆژهه‌ڵاتی کوردستان به تایبه‌تی له لایه‌ن به‌رپرسی کۆمیته‌وه پێشکه‌ش به هه‌یئه‌تی خانه‌خوێ کرا ، پاشان له‌ لایه‌ن هاورێیانی دیکه‌ی کۆمیته‌ی حیزبی دێموکراتی کوردستانه‌وه هه‌ر یه‌که‌و به نۆبه‌ی خۆی له سه‌ر ڕه‌وشی په‌نابه‌رانی کورد له وڵاتی سویس ، به‌تایبه‌ت په‌ناخوازانی ئه‌ندام له حیزبی دێموکراتی کوردستان دا باسێکی تێرو ته‌سه‌ڵ پێشکەش کرا و هه‌ر له‌و پێوه‌ندیه‌دا چه‌ند فایلێک که له‌سه‌ر ئیعدام و زیندانی کردنی هاوڵاتیانی کورد له ڕۆژهه‌ڵاتی کوردستان و مەترسییەکانی بەردەمیان، لە ئەگەری گه‌ڕاندنه‌وه‌ی به‌زۆری په‌نابه‌رانی کورد بۆ رۆژهه‌ڵاتی کوردستان پێشکه‌ش به وەڤدی دەزگای کۆچبەری سویس کران و له‌و باره‌یه‌وه خۆشحاڵی خۆیانیان پێراگه‌یاندین. له کۆتایی باسه‌کاندا هه‌ردوو لا رێککه‌وتن که پێوه‌ندیه‌کانیان به‌رده‌وام بن و نێوه‌ نێوه له لایه‌ن کۆمیته‌ی حیزبی دێموکراتی کوردستانه‌وه ڕاپۆرتی تایبه‌ت به ئالوگۆره‌کانی ڕۆژهه‌ڵاتی کوردستان بۆ ئیداره‌ی په‌نابه‌ران بنێردرێن. شایه‌نی باسه وه‌ڤدی حیزبی دێموکراتی کوردستان بریتی بوون له به‌رێزان: که‌ماڵ به‌روه‌ندی، ڕه‌حمان ئیبراهیم زاده، په‌یمان ڕه‌سووڵپوور و یاسین مه‌ولوودی.
حیزبی دێموکراتی کوردستان- کومیتەی سویس

بگه‌رێوه‌|ئەم بابەتە 858 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact