. . . .


16 May 2009

په‌یامی نوێنه‌رایه‌تی حیزبی دێمۆکراتی کوردستان - بریتانیا


په‌یامی نوێنه‌رایه‌تی حیزبی دێمۆکراتی کوردستان_بریتانیا

بنه‌ماڵه‌ی به‌ڕێزی کاک جه‌عفه‌ر زه‌مانی

شنو خانم و مناڵه‌ چاو گه‌شه‌کانی کاک جه‌عفه‌ر

کادر و پێشمه‌رگه‌ و ئه‌ندامانی حیزبی دێمۆکراتی کوردستان !

به‌ داخ و که‌سه‌ره‌وه‌ هه‌واڵی مه‌رگی بێواده‌ی هاوڕێ و برای به‌ڕێزمان کاک جه‌عفه‌ر زه‌مانی مان پێگه‌ێشت و هه‌مومانی خه‌مبار و بریندار کرد.

جه‌عفه‌ری زه‌مانی وه‌کوو ئینسانێکی تێکۆشه‌ر له‌ سه‌رده‌می لاوێتی دا ده‌ستی دایه‌ خه‌بات و تێکۆشان به‌ دژی داگیرکه‌رانی وڵات و به‌ دژی هه‌مو ئه‌و که‌سانه‌ی له‌ یه‌کگرتوویی و یه‌کڕیزی ڕۆله‌کانی کوردستان به‌ کورد و ئازه‌ری و نه‌ته‌وه‌کانی دیکه‌ی دانیشتووی کوردستان و له‌و مه‌یدانه‌ دا چالاکانه‌ ، بێ باکانه‌ و نه‌ترس هه‌وڵی دا و بێ ماندوو بوون فیداکاری نواند.

کاک جه‌عفه‌ر به‌ درێژایی زیاتر له‌ نیوه‌ی ته‌مه‌نی خۆی له‌ ڕیزه‌کانی حیزی دێمۆکراتی کوردستان دا وه‌کوو پێشمه‌رگه‌یه‌کی ئازا، کادرێکی تێگیشتوو و پێگیشتوو و سه‌ره‌نجام وه‌کوو ڕێبه‌رێکی لێهاتوو له‌ پێیناوی ئامانجه‌کانی گه‌لی کورد و ئازه‌ری و له‌ پێناو ئامانجه‌ ئینسانیه‌کانی خۆی دا زه‌حمه‌تی کێشاو و هه‌وڵی بۆ وه‌ده‌ست هێنانی ئه‌و ئامانجانه‌ دا. به‌داخه‌وه‌ ئه‌و زۆر زوو مه‌یدانی خه‌بات و کۆڕی هاوڕێیانی به‌چێهێشت و مه‌رگی بێ واده‌ ئیزنی زیاتر مانه‌وه‌ و خزمه‌ت کردنی نه‌دا، به‌ڵام ڕێگای جه‌عفه‌ر و جه‌عفه‌ره‌کان هه‌ر به‌رده‌وامه‌ و هاوڕێکانی ئه‌و له‌سه‌رڕێبازی سوورن و له‌گه‌ڵ یاد و بیره‌وه‌ری زه‌مانی و ئازیزانی دیکه‌ی له‌ده‌ست چوویان دا بۆ گه‌ێشتن به‌ سه‌رکه‌وتن پشوو ناده‌ن.

یاد و ناوی کاک جه‌عفه‌ری زه‌مانی بۆ هه‌میشه‌ له‌ یاد و بیره‌وه‌ریمان دا له‌گه‌ڵ هه‌موو گیان به‌ختکردوانی دیکه‌ دا بۆ هه‌میشه‌ هه‌ر به‌ زیندویی ده‌مێنێته‌وه‌.

ئێمه‌ ئه‌ندامانی حیزبی دێمۆکراتی کوردستان له‌ بریتانیا خه‌م و په‌ژاره‌ی خۆمان بۆ له‌ده‌ست دانی هاوڕێی تێکؤشه‌رمان کاک جه‌عفه‌ر زه‌مانی دا ده‌رده‌بڕین و له‌ناخه‌وه‌ پرسه‌ و سه‌ره‌خۆشیمان ده‌نێرین بۆ بنه‌ماڵه‌ به‌ڕێزه‌که‌ی و هاوڕێ و هاوسه‌نه‌گه‌ره‌ وه‌فاداره‌کانی و ڕێبه‌رایه‌تی حیزب و هه‌موو دڵسۆزانی نیشتمان.

به‌ڕێزبێ یادی هاوڕێی ئازیزمان کاک جه‌عفه‌ری زه‌مانی و هه‌موو شه‌هیدانی کورد و کوردستان.

نوێنه‌رایه‌تی حیزبی دێمۆکراتی کوردستان_بریتانیا

9ی مای 2009 (19 بانه مه‌‌ڕی 1388

بگه‌رێوه‌|ئەم بابەتە 1268 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact