. . . .


30 Dec 2011

بەڕێوەچوونی رێورەسمی ٢٦ی سەرماوەز لە شاری لاهتی


ئێواره‌ ڕۆژی پێنج شمه‌مه‌ ‌ ٢٩ی دێسامبری ٢٠١١، بە بەشداریی ژمارەیەکی بەرچاو لە ئەندامان و لایەنگرانی حیزبی دێموکراتی کوردستان و هەروەها حیزبی دێموکراتی کوردستانی ئێران لە شاری هێلسینکی و دەوروبەر و نوێنەرانی بەشێک لە حیزب و لایەنە سیاسیەکانی کوردستان رێورەسمی رێزگرتن لە رۆژی پێشمەرگەی کوردستان له لایه‌ن کومیته‌ ناوچه‌ی هه‌رێمی هێلسنکی حیزب له‌ شاری لا‌هتی لە وڵاتی فینلاند بەڕێوە چوو.
رێورەسمەکە به‌ سروودی نه‌ته‌وایه‌تی "ئه‌ی ره‌قیب" و دەقیقەیەک بێدەنگی بۆ گیانی پاکی شەهیدانی ڕێگای ڕزگاریی کوردستان‌ دەستی پێ کرد. دواتر لە لایەن هەر یەک لە هاوڕێیان شەهێن زاد ئەحمەد و سەلاح دەرمانی وەک بەڕێوەبەریی بەرنامەکە بەخێرهاتنی بەشداران کرا و رۆژی پێشمەرگە لە سەرجەم پێشمەرگەکانی کوردستان پیرۆز کرا.
پاشان له‌ لایه‌ن هاوڕێ لوقمانی زه‌هرایی په‌یامی کومیته‌یی حیزبی دێموکراتی کوردستان بەم بۆنەوە خوێندرایه‌وه‌ و لە درێژەی بەرنامەکانی رێورەسمەکەدا په‌یامی کۆمیتەی هاوکاریی هێزە سیاسیەکانی کوردستان لە فینلاند له‌ لایه‌ن کاک مه‌هین خوێندرایەوە کە پەیامی هاوبەشی ئەو حیزب و لایەنانەی لە خۆ گرتبوو:
یەکیەتی نیشتمانی کوردستان
پارتی دێموکراتی کوردستان
سازمانی خەباتی کوردستانی ئێران
بزووتنەوەی دێموکراتیکی یارسان
کۆمەڵەی شۆرشگێری زەحمەتکێشانی کوردستانی ئێران
حیزبی دێموکراتی کوردستان
هەروەها په‌یامی کومیته‌ی‌ که‌مپینی ئاشتی له‌ لایه‌ن کاک که‌ریم فه‌رخه‌پوور پێشکه‌ش کرا.
لە درێژەی بەرنامەکانی ئەو رێورەسمەدا کیژۆڵەی دەنگخۆش و هونه‌رمه‌ند شنۆ ئەحمەدی بە پێشکەش کردنی چەند سروود و گۆرانی بۆنەکەی رازاوەتر کرد. هەر لەبەشی هونەریی رێورەسمەکەدا چه‌ند هۆنراوه‌ و په‌خشانی بە سۆز له‌ لایه‌ن هه‌ر یه‌که‌ له‌ خاتوو گه‌زیزه‌، سه‌رۆک کوردنه‌ژاد و شه‌یما به‌رابه‌ری مه‌راسمه‌که‌ زیاتر ڕازێنرایه‌وه.
هەر لەو رێورەسمە دا لەوحی رێزلێنانی کۆمیتەی دەرەوەی وڵات پێشکەش بە پۆلێک لە هاوڕێیان و ئەندامانی حیزب کرا کە ٢٥ ساڵ بەسەر تەمەنی ئەندامەتیان لە حیزبی دێموکراتی کوردستان دا تێدەپەڕی.
26isermawez111.jpg
26isermawez11.jpg

بگه‌رێوه‌|ئەم بابەتە 1035 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact