. . . .


18 Dec 2011

٢٦ی سەرماوەز ڕۆژی پێشمەرگەی کوردستان، لە وڵاتی فینلاند پیرۆز کرا


ناوەندی هەواڵ- فینلاند: رۆژی ٢٦ی سه‌رماوه‌ز به‌رامبه‌ر بە ١٧-١٢-٢٠١١ زایینی کومیته‌ حیزبی دێمۆکراتی کوردستان له‌ هه‌رێمی تورکوی وڵاتی فینلاند به‌مه‌به‌ستی رێزگرتن له‌ رۆژی پێشمه‌رگه‌ی کوردستان رێوره‌سمێکی تایبه‌تی بۆ بنه‌ماڵه‌ی ئه‌ندامانی حیزب له‌و هه‌رێمه‌ پێک هێنا.
سەرەتا رێوره‌سمه‌که‌ بە سرودی نه‌ته‌وایه‌تی ئه‌ی ره‌قیب و ساتێک بێ ده‌نگی بۆ رێزگرتن له‌شه‌هیدانی حیزب و گه‌ڵ دەستی پێ کرد. پاشان لە لایەن هاوڕێ ئازاد شیخی بەریوەبەری ڕیورەسمەکە به‌خێرهاتنی میوانان کرا، پاشان هاوڕێ وه‌ستا ڕه‌حمان خالیدنژاد به‌رپرسی کومیته‌ی گشتی حیزبی دێمۆکراتی کوردستان له‌ وڵاتی فینلاند په‌یامی کومیته‌ی به‌بۆنه‌ی ٢٦ی سه‌رماوه‌ز رۆژی پێشمه‌رگه‌ی کوردستان پێشکه‌ش کرد.
نێوئاخنی به‌رنامه‌کانی رێوره‌سمی ٢٦ی سه‌ماوه‌ز له‌ تورکوو، گیرانه‌وه‌ی چه‌ند بیره‌وه‌ریه‌ک بوو له‌لایه‌ن تێکوشه‌رانی نێوخه‌باتی رزگاریخوازانه‌ی کورد که‌ هه‌ریه‌ک له‌ به‌رێزان قادر مەکڵاوه‌یی، خاتوو گه‌لاوێژ، عه‌بدوڵا ئه‌لیاسی و ئاوات حه‌سه‌نپوور چه‌ند بیره‌وه‌ریه‌کی خۆیان له‌کاتی پێشمه‌رگایه‌تیدا گیرایه‌وه‌ که‌ سه‌رنجی به‌شدارانی جێژنی ٢٦ی سه‌رماوه‌زی به‌لای خۆییدا راکێشا. له‌ به‌شێک له‌ برگه‌کانی ئه‌م رێوره‌سمه‌دا بەڕێز تۆفیق دادکووش چه‌ند کۆپله‌ شێعرێکی شۆرشگێری پێشکه‌شی به‌شدارانی رێوره‌سمه‌که‌ کرد.
هەر له‌ درێژه‌ی به‌رنامه‌کانی رێوره‌سمی ٢٦ی سه‌رماوه‌زدا له‌وحی رێزلێنانی کومیته‌ی به‌رێوه‌به‌ری حیزبی دێمۆکراتی کوردستان له‌ ده‌ره‌وه‌ی وڵات به‌سه‌ر پۆلێک له‌ هاورێیانی تێکۆشه‌ری حیزبییدا دابه‌شکرا که‌ زیاتر له‌٢٥ ساڵ خه‌بات و تێکۆشانیان له‌ ریزه‌کانی حیزبی دێمۆکراتدا هه‌یه‌.
سه‌ره‌تا سه‌ید ئه‌حمه‌دی حوسه‌ینی به‌ نوێنه‌رایه‌تی له‌لایه‌ن کومیته‌ی به‌رێوه‌به‌ری حیزبی دێمۆکراتی کوردستان له‌ ده‌ره‌وه‌ی وڵات له‌ وته‌یه‌کی کورتدا ئامانجی ئه‌و رێزگرتنه‌و به‌رده‌وامی ئه‌م کاره‌ی له‌داهاتوودا بۆ به‌شدارانی رێوره‌سمه‌که‌ روون کرده‌وه‌، دواتر به‌شدارانی رێوره‌سمه‌که‌ بۆ رێزگرتن له‌ خه‌باتی چه‌ند ده‌یه‌ی مامۆستا ئه‌بوبه‌کری فه‌لسه‌فی هه‌ستانه‌ سه‌رپێ و ئه‌مه‌گناسی خۆیان به‌رانبه‌ر به‌و که‌سایه‌تییه‌ تێکۆشه‌ره‌ نیشان دا.
دواتر هه‌ریه‌ک له‌ هاورێیانی سه‌ید ئه‌حمه‌د حوسه‌ینی مامۆستا ئه‌بووبه‌کری فه‌لسه‌فی تێکۆشه‌ری دێرین و وه‌ستا ره‌حمان له‌وحی رێزلێنانی حیزبی دێمۆکراتیان به‌سه‌ر پۆلێک له‌ هاورێیانی حیزبییدا دابه‌شکرد.
هه‌ریه‌ک له‌ به‌رێزان، قادر قادری، ئه‌میر ره‌سووڵی، عێزه‌ت نه‌سوڵاهی، سه‌ید ئه‌حمه‌د حوسه‌ینی، ره‌سوڵ مه‌لاپوور، موراد بادبه‌ده‌ست، شوانه‌ ڕه‌زگه‌یی، وه‌ستا ره‌حمان خالیدنژاد، حه‌سه‌ن ئیبراهیمی، مسته‌فا محه‌مه‌دزاده‌، ڕه‌حمان ڕه‌شیدی، ئاوات حه‌سه‌نپوور، حوسه‌ین مه‌مه‌ندی و عه‌بدووڵا ئه‌لیاسی ئه‌و تێکۆشه‌رانه‌ بوون که‌ له‌لایه‌ن کومیه‌ی به‌رێوه‌به‌ری حیزبی دێمۆکراتی کوردستان له‌ده‌ره‌وه‌ی وڵات رێزیان لێگیرا.
له‌کاتی دابه‌شکرانی له‌وحی رێزلێنان به‌سه‌ر ئه‌و پۆله‌ تێکۆشه‌ره‌دا مامۆستا ئه‌بوبه‌کری فه‌لسه‌فی تێکۆشه‌ری دێرین له‌ وته‌یه‌کی کورتدا وێرای پیرۆزبایی ئه‌م رۆژه‌ له‌ پێشمه‌رگه‌ی کوردستان و حیزبی دێمۆکراتی کوردستان به‌تایبه‌ت خۆشحالی خۆی ده‌ربری و باسی له‌وه‌کرد که‌ شانازیی ده‌که‌ن به‌وه‌ی له‌ کۆری هاورێیانی حیزبییدا خه‌ڵات به‌سه‌ر تێکۆشه‌رانی رێگای ئازادییدا دابه‌ش ده‌کا.
رێوره‌سمی ٢٦ی سەرماوەزی تۆرکۆی وڵاتی فینلاندلە نێو‌ شایی و هه‌ڵپه‌رکێ و پیرۆزبایی هاوڕێیانی بەشدار و بنەمالەکانیاندا کاتژمێر ٩ی شەو کۆتایی پێ هات.

بۆ بینینی وێنەکان کرتە لێرە بکە

بگه‌رێوه‌|ئەم بابەتە 3859 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact