. . . .


16 Dec 2011

بەشداری هەیئەتێکی کومیتەی ئوتریشی حدک لە فستیواڵی دابەش کردنی خەڵات??


ناوەندی هەواڵ- ئوتریش: ڕۆژی دووشه‌ممه‌ له‌ سه‌ر بانگهێشتی فەرمی پارێزگاری ئۆبه‌رئۆسترایش دوکتۆر یۆسف پورینگه‌ر، نوێنەرایەتی کۆمیته‌ی حدک له‌م ده‌ڤه‌ره‌ له فیستڤاڵی ساڵانه‌ی به‌خشینی خه‌ڵاتی ئاشتی له‌م ئوستان دا به‌شداری کرد.
نوێنەرایەتی کۆمیته‌ی حدک که‌ پێکهاتبوو له‌ به‌ڕێزان په‌رۆش قادر ئه‌ندامی کۆمیته‌ی حدک له‌ ئوتریش و خاتوو ئایشه‌ گوڵ عه‌لیپوور، توانیان له‌ودەرفەتە دا چاویان به‌ زۆریه‌ک له‌ کاربه‌ده‌ستانی ئه‌م پارێزگایه‌ بکه‌وێت، له‌ وانه‌ ڕاسته‌وخۆ له‌ گه‌ڵ چه‌ندین شه‌خسیه‌تی سیاسی وه‌ک دوکتۆر پورینگه‌ر پارێزگاری ئه‌م پارێزگایه‌ و خاتوو ئینگێبۆرگ یه‌گه‌ر ئه‌ندام پارلمان و هه‌روه‌ها نوێنه‌رایه‌تی چه‌ندین ناوه‌ند و ڕێکخراوی دیکه‌ که‌ بۆ ئه‌م فیستیڤاڵه‌ بانگهێشت کرابوون بکه‌وێت.
له‌ کۆی ئه‌م چاو پێکه‌وتنانه‌دا، نوێنەرایتی کۆمیته‌ی حدک سەبارەت بە دۆخی ناهەمواری مافی مرۆڤ له‌ ئێران به‌ گشتی و پێشێلکردن، گرتن و ئەشکەنجە و ئێعدامی ئازادیخوازانی کورد له‌ ڕۆژهه‌ڵاتی کوردستان به‌ تایبه‌تی زانیاری بدات و به‌شدارانیئەو فستیواڵە، ئەوە جگە لەوەی کە لیستی پێشێل کاریه‌کانی مافی مرۆڤ له‌ ڕۆژهه‌ڵاتی کوردستان له‌ ساڵی 2010 دا بگه‌یه‌نیته‌ ده‌ستی‌ به‌شداران.
شایانی باسه‌ که‌ هه‌موو ساڵێ ئه‌م خه‌ڵاته‌ ده‌درێت به‌ که‌سانێک له‌ وڵاتی ئوتریش که‌ له‌ بواره‌کانی مافی مرۆڤ دا تێکۆشانیان هه‌یه‌. ئه‌م ساڵ ئه‌م خه‌ڵاته‌ درا به‌ خاتوو ئینگێبۆرگ یه‌گه‌ر ئه‌ندام پارلمان و هه‌روه‌ها خاتوو ڤێڕۆنیکا پێرنشتاینه‌ر.
xelati-ashti.jpg

بگه‌رێوه‌|ئەم بابەتە 1121 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact