. . . .


18 Nov 2011

بەشداری هەیئەتێکی کومیتەی دانمارکی حدک لەسیمیناری کورد لە گەمەی رۆ


ناوەندی هەواڵ- دانمارک: رۆژی ١٦.١١.١١ رێکخراوی پارتی دێمۆکراتی کوردستان لە دانمارک سیمینارێکی بۆ بەرێز هێمن هەورامی ئەندامی سەرکردایەتی ئەم پارتە پێک هێنا. لەسەر بانگێشتنی ڕەسمی پارتی دێمۆکراتی کوردستان لەدانمارک بەشێکی زۆر لە ئەندامانی حیزب و یەکێتی ژنانی دێمۆکراتی کوردستان بەشداری ئەو سیمینارەیان کرد.
بەرێز هیمن هەورامی لە ٥ تەوەری جیادا تیشکی خستە سەر ئاڵوگۆڕەکانی ناوچە و پاشەکشەی هێزەکانی ئەمریکا و توند و تێژیەکانی سووریە و ئەگەری نەمانی ئەو ڕژیمە و سەردانەکەی بەریز مەسعود بارزانی بۆ تاران و ئانکارا و پێکهێنانی لۆبی کورد لە هەندەران.
بەرێزیان وێرای ئاماژەکردن بە شێوازی خەبات لە سەردەمی ئێستادا پێوابوو کە شەڕی چەکداری زیان بە خەباتی سەردەمیانە دەگەیەنێ و کورد دەبێ لە دەرفەتەکان کەڵک وەرگرێ و خەباتەکەی بەرێتەوە ناو پارلمان و دام و دەزگا بڕیاردەرەکان. لەهەمان کاتدا بەڕێزیان لە لایەن پارتی دیموکراتی کوردستانەوە بەلێنی داوە کە دەستەلاتی هەریم کوردستان هیچکات بۆجارێکی دیکە ناببێتەوە لایەنی دیکە بۆ شەری براکوژی. بەڕێز هێمن هەورامی وێرای ئەمەگناسی بۆ پارتەکانی رۆژهەڵات بەتایبەتی هەردووک باڵی دێمۆکراتەکان، داوای لە پژاک و پککەش کرد کە هەلویستی ئەوان لەبەر چاو بگرن و کارێک بکەین لانی کەم ئەم دەسکەوتانەی باشوور باشتر ببپارێزین. لە بەشێکی دیکەدا بەرێز هەورامی دووپاتی کردەوە کە هیچ سازانێک لە سەر ناوچە دابراوەکان ناکرێ و مانەوەی کورد لە چۆارچێوەی عیراقدا گرێ دراوە بە جێبەجێ کردنی مادەی ١٤٠ و گەرانەوەی ئەوناوچانە بۆ سەر هەریم کوردستان.
پیویستە بگوتری لەلایەن بەشداربووانەوە و بەتایبەتی ئەندامانی حیزب بەشداری گەرمی بابەتەکەیان کرا و لەلایەن بەرپرسی کۆمیتەوە وێڕای بەخێرهێنانی بەرێز هێمن هەورامی، پشتگری خۆیان بۆ هەرچەشنە هەولێک بۆ یەکێتی رێزەکانی نەتەوەکەمان لە دەرەوەی وڵات دەربری .
sminar-pdk.jpg

بگه‌رێوه‌|ئەم بابەتە 916 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact