. . . .


28 Jun 2009

ئوسترالیا: نوێنه‌ری حیزب له گه‌ڵ ڕێکخراوی ئه‌منیستی ناوده‌وڵه‌?


ناوه‌ندی هه‌واڵ - ئوسترالیا: ڕۆژی هه‌ینی 26/6/2009 کاتژمێر 11ی پێش نیوه‌ڕۆ سه‌لاح پوورئه‌سه‌د به‌رپرسی پێوه‌ندییه‌کانی حیزبی دێمۆکراتی کوردستان له شاری بریزبێن له گه‌ڵ مایکڵ هایورت به‌رپرسی ڕێکخراوی ئه‌منیستی ناوده‌وڵه‌تی له‌م شاره‌ کۆبووه‌.

له سه‌ره‌تا دا سه‌لاح پوورئه‌سه‌د ڕاپۆرتێکی له سه‌ر کوژراو و برینداره‌کانی ئه‌م دواییانه‌ی ناوشاره‌کانی ئێران به ده‌ستی چه‌کداره‌كانی کۆماری ئیسلامی ئێران پێشکه‌ش به به‌رپرسی ئه‌و ڕێکخراوه‌ کرد و ورده‌کارییه‌كانی سه‌رکوتکردنی خۆپیشانده‌رانی بۆ ناوبراو شی کرده‌وه. هه‌روه‌‌ها لیستی ژماره‌یه‌ک له‌و کوردانه‌ی که له ساڵی ڕابردۆوه به ده‌ستی کۆماری ئیسلامی گیراون و به‌ندکراون پێشکه‌ش به‌م ڕێکخراوه‌ کرد.

مایکڵ هایورت به‌ داخ بوونی خۆی بۆ کوژراو و برینداره‌کانی ئه‌م دواییانه‌ی ناو شاره‌کانی ئێران ده‌ربری وله پێوه‌ندی له‌ گه‌ل به‌ندکراوه‌ کورده‌کانیشدا به‌ڵینی دا که له‌ گه‌ڵ ڕێکخراوه‌کانی سه‌رتر باسی بکات و هه‌وڵی جیددی بدات بۆ به‌ردانیان.

بگه‌رێوه‌|ئەم بابەتە 1233 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact