. . . .


30 Oct 2011

هەردووک کومیتەی حدک و ی ن ک لە وڵاتی دانمارک، دێدارێکی دۆستانەیان پێک ?


ناوەندی هەواڵ- دانمارک: لەرێکەوتی ٢٩.١٠.٢٠١١ لەسەر بانگهێشتی فەرمی رێکخراوی یەکێتی نیشتمانی کوردستان دانیشتنێکی دۆستانە لە نێوان کۆمیتەکانی حیزبی دیموکراتی کوردستان و یەکیەتی نێشتمانی دا لە کۆپێنهاگی پایتەختی دانمارک پێکهات. لەسەرەتادا بەریز سەلاح حاجی ڕەشیدی بەرپرسی بەشی پەیوەندیەکانی حیزب وێڕای ناساندنی هەیئەتی حیزب، بە کورتی لە سەر گرینگی دۆستایەتی نێوان حدک و ی ن ک باسێکی پێشکەش کرد. پاشان لەلایەن بەرپرسی یەکێتی نیشتمانی بەرێز کاک سەردار محمد عەبدووڵا وێرای پێخۆشحاڵی بەو چەشنە دیدار و چاوپێکەتنانە ئاماژەی کرد کە حدک و ینک مێژوویی خۆێناوی هاوبەشیان هەیە و وێرای هەوراز و نشێوەکانی سەر رێ خەباتمان، پیویستە زیاتر لەجاران پەیوەندی و هاوکارێکانمان درێژە بدەین. پاشان لەلایەن ڕەشید قازی،یەوە بە لە بەرچاوگرتنی وەزعی ئێستای کورد، جەختی کردەوە کە کورد لەهەر کاتێک زیاتر پێویستی بە یەکێتی و هاوکاری بەکردەوە هەیە و پێویستە ڕەوەندی کورد بە پێی ئەرکی سەرشانی بە کۆدەنگیەکی زێاترەوە جەنایەت و هێرشەکانی دوژمنان لە کوردستان بە بیرورای گشتی وڵاتانی نیشتەجێی خۆیان بگەیەنن و وتار و گوتاری هاوبەشمان هەبێ.
پاش نیزیک بە ٣ کاتژمێر بەشداری چالاکانە، هەردووک لایەن لە سەر ئەو خاڵانەی خوارەوە ساغ بونەوە.
١- هەردووکلا بەلێنێان دا زیاتر گرینگی بە ڕەوەندی کورد لە هەر چوار پارچەی کوردستان بدرێ و پشتگری خەباتی هەموو بەشەکانی کوردستان بکەین.
٢- بۆ پێکهێنانی لۆبییەکی کورد کە نوێنەرایەتی دۆزی کورد بەگشتی لە دام ودەزگا بڕیاردەرەکانی دانمارکی دەکات زێاتر هەول بەدەین.
٣- تێبکۆشین هەموو بۆنە نەتەوەیەکانی وەک رۆژی شەهیدان و ئاگری نەورۆز و کۆماری کوردستان و یادی هەڵەبجە و سەردەشت بەهاوئاهەنگی یەکتر بەڕێوە بەرین.
٤- یارمەتیدەر و هاندەرێک بین بۆ زێاتر لێکنیزیکتر کردنەوەی کۆروکۆمەڵە کوردیەکانی نیشتەجێ لە وڵاتی دانمارک، بەتایبەتی بۆ پشتگری لە فیدراسێۆنی کۆمەلە کوردیەکان و ئینستیتاف کورد و کۆمیتەی هاوکاری هێزەکانی ڕۆژهەلاتی کوردستان.
٥- لە پەیوەندی لەگەڵ دژمنە هاوبەشەکانی گەلی کوردستان و دەستێوەردانەکانیان بە تایبەتی لە هەریم کوردستاندا، بەگشتی وتار و گوتار و کردەوەی هاوبەشمان لەوڵاتی دانمارک هەبێ.
پیویستە بلێین کە نوێنەرایەتی کۆمیتەی حیزب پێکهاتبوو لە بەڕێزان ڕەشید قازی بەرپرسی کۆمیتەی حیزب، بەرێز عەبباسی شەریفی بەرپرسی تەشکیلات، سەلاحی حاجی ڕەشیدی بەرپرسی پەیوەندیەکان و بەرێز ڕەحمان خۆشئەبرو بەرپرسی بۆنەکانی حیزب. هەیئەتی ی ن ک بریتی بوون لە بەرێزان سەردار محمد عبدووڵا بەرپرسی گشتی، شیرکۆ بابان بەشی پەیوەندی و هاورێ بەرپرسی کۆمیتەی کۆپێنهاگ و کاک سەتار بەرپرسی بەشی دارایی کومیتەی یەکیەتی نێشتمانی کوردستان لە دانمارک.
hdk-ynk.jpg

بگه‌رێوه‌|ئەم بابەتە 948 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact