. . . .


30 Oct 2011

به‌ڕێوه‌چوونی خۆپیشاندانێک له‌ دانمارک بۆ مه‌حکووم کردنی سیاس??


ناوەندی هەواڵ- دانمارک: کۆمیتەی هاوکاری هێزەکانی رۆژهەڵات له‌ خۆپیشاندان بە دژی سیاسەتەکانی داگیرکەرانەی حکومەتی تورکیە و کۆماری ئیسلامی له‌ دانمارک بەشداریکرد.
ڕۆژی شه‌ممه‌ ٢٩/١٠/٢٠١١ی زایینی خۆپیشاندانێکیان له‌ مەیدانی شارداری کۆپێنهاگی پایته‌ختی وڵاتی دانمارک لە لایەن "کۆمەڵەی دەست پێشخەرانی کورد لە دانمارک" رێکخرا. مه‌به‌ست لەم خۆپێشاندانە داکۆکی و پشتیوانی له‌ حکومەتی هەرێمی کوردستان ومەحکوم کردنی لەشکرکێشی بۆ ناو خاکی هەرێم لە لایەن حکومەتەکانی تورکیە وئێران و هەر وەها تۆبباران و بۆمبارانی ناوچە سنوورییەکانی هەرێم، لە لایەن ئەم دوو رێژیمە دژی گەلیە بوو.
لەم خۆپیشاندانه‌ دا کۆمه‌ڵێکی زۆر له‌کوردستانیانی نیشته‌جێی دانمارک و هه‌روه‌ها نوێنه‌ری حیزب و ڕێکخراوه‌کانی سیاسی کورد ئاماده‌ بوون، چه‌ندین درۆشمی جۆراوجۆر دژ به‌ سیاسیه‌تی سه‌رکوتکارانە و زه‌بروزه‌نگی ڕژیمی تاران و ئەنکارا به‌رز کرایه‌وه‌ و چەندین سرودی شۆڕشگێڕانه‌ خوێندرایەوە. له‌و خۆپیشاندانه‌دا،داوا له‌ کۆڕ و کۆمه‌ڵه‌ نێونه‌ته‌وه‌ییه‌کان و ڕێکخراوه‌کانی مافی مرۆڤ و وڵاتانی زلهێزی ئامادە لە ناوچە دا کرا که‌زه‌خت و گوشاره‌کانیان له ‌سه‌ر ڕژیمەکانی کۆماری ئیسلامی و تورکیە زیاتر بکەن تاکوو چیتر لەشکرکێشی نەکەنە سەر ناوچە سنوورییەکانی هەرێمی کوردستان و یا ئەو ناوچانە نەکەنە ئامانجی تۆبباران و بۆمبارانی فرۆکە جەنگییەکانی خۆیان بە بیانوی سەرکووت و راوەدوو نانی هێزە بەرهەڵستکارەکانی خۆیان واتە پژاک و پکک. هەر بەمبۆنەوە چەندین پەیام بە زمانی دانمارکی و کوردی لە لایەن هیز و لایەن و کەسایەتێیەکانەوە خوێندرانەوە.
بە بۆنەوە پەیامی کۆمیتەی هاوکاری هێزەکانی ڕۆژهەڵاتی کوردستان لە لایەن خالید ڕەواندوست خویندرایەوە. شایانی باسە کە لە پەیامی کۆمیتەی هاوکاری هێزەکانی ڕۆژهەڵاتی کوردستان لە دانمارک دا ئاماژە بەو خاڵانە کرابوو:" چارە سەری کێشە کورد لە ئێران و تورکیە پەلاماری نیزامی و لەشکر کێشی نییە"،بەڵکو "تەنیا رێگای چارەسەری کێشەی کورد لەم وڵاتانە دا بە رێگای سیاسیانە و وتووێژ و دیالۆگی دادپەروەرانەیە". هەر وەها لە بەشێکی تری پەیامی هاوکاری هێزەکانی رۆژهەڵاتی کورستان دا ئاماژە بە چەواشەکاری سیاسەتی رێژیمەکانی تورکیە و ئێران دژی گەلی کوردبۆ بەرەو پێشبردنی ئامانجەکانیان کە تێکدانی ساقامگیری و هێمنی هەرێمی کوردستانەکە بۆتە چەقڵی چاوی دوژمنانی گەلی کورد.
کۆمیتەی هاوکاری هێزەکانی رۆژهەڵاتی کوردستان پێکهاتوو لە:
-حیزبی دیموکراتی کوردستان
-رێکخراوی چاوەدێری کوردۆ ساید رۆژهەڵات(چاک)
-پارتی ژیانی ئازادی کوردستان (پژاک)
-کۆمەڵەی شۆرشگێری کوردستان
-پارتی ئازادی کوردستان (پاک)
٢٠١١/١٠/
xpishanda.jpg

بگه‌رێوه‌|ئەم بابەتە 1031 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact