. . . .


11 Oct 2011

بەشداری هەیئەتێکی کومیتەی دانمارکی حدک لە پرسەی شەهید مەشعەل تەمۆ ?


ناوەندی هەواڵ- دانمارک: کۆمیتەی هاوکاری کوردەکانی سوریە پاش ئاگاداربون لە ترۆری مەشعەل تەمۆ لە رێکەوتی ١٠،١٠،١١کۆرێکی پرسە و سەرەخۆشێان بۆ هەموو شەهیدەکانی ئەمدوایانەی ڕاپەرینەکانی جەماوەری سوریە بەگشتی و ترۆری ئەو کەسایەتییە ناودارەی کورد، لە کۆپێنهاگ پێک هێنا.
هەیئەتی نۆنەرایەتی کۆمیتەی دانمارک حدک ، پێکهاتو لە بەرێزان رەشید قازی ،عەبباس شەریفی، سەلاح حاجی رەشیدی ،خالید رەواندوست و یوسفی پەری بەشداری ئەو پرسەیان کرد.کاک عەبباس شەریفی بە نۆنەرایەتی ئەندامانی کۆمیتە وێرای مەحکومکردنی ئەو جەنایەتە دژی بەشەریە ڕایگەیاند کە خەڵکی کورد و بەر لەهەمویان ئەندامان و لایەنگرانی حیزبی دێمۆکرات کوردستان بەتایبەتی رێبەرانی شەهیدمان قاسملو و شەرفکەندی لە رۆژهەلاتی کوردستان بونە ئامانجی ئەم تاونە دژی مروفایەتێە . ئێستاش دوژمنانی نەتەوەکەمان لە بەشەکانی دیکەی کوردستان ئەم تاوانانەیان دوپات دەکەنەوە . ئەوان دەبێ باش بزانن کە نە بە شەهید کردنی پێشەوا و سەرکردەکانمان لە رابردوو دا و نە بە سەرکوت و تێرۆری کەسایەتییە زانا و ناودارەکانمان لە ئێستادا، ناتۆانن پێش بەرەوتی بەروپێشچونی جولانەوەی کورد و دەستکەوتەکانی لە هەر چۆار بەشی کوردستان بگرن. گەلی کورد بەو تاوانانە زێاتر لەسەر ویست و داوخۆازەکانی خۆی سورتر دەبێ و تا وەدیهاتنی ئامانجی شەهێدەکانیش دەست لە خەبات و تێکۆشان هەلناگرێ. وتەکانی بەرێز عەباسی شەریفی لەگەل پێشوازی و چەپلە رێزانی گەرمی بەشداربووان بەرەڕوو بووەوە.
پێویستە بلێن کە زۆربەی هێزە کوردستانیەکان بە خۆێندنەوەی پەیام و بروسکە وێڕای مەحکوم کردنی شەهید کردنی مەشعەل تەمۆ پەیمانیان نۆی کردەوە تاوەدیهاتنی ئامانجیان درێژەدەری ڕێگایان بن.
کۆمیتەی دانمارکی حیزبی دێمۆکرات کوردستان
sarxoshi-tamo.jpg

بگه‌رێوه‌|ئەم بابەتە 944 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact