. . . .


19 Sep 2011

له‌ واشینگتۆنی پایته‌ختی ئه‌مریکا له‌وحه‌ی ڕێزلێنان پێشکه‌ش??


ناوه‌ندی هه‌واڵ- ئه‌مریکا: ڕێکه‌وتی ١٩ی سێپتامبری ٢٠١١ی زایینی کومیته‌ی حیزبی دیموکراتی کوردستان له‌ شاری واشینگتۆن،ی پایته‌ختی وڵاته‌ یه‌کگرتووه‌کانی ئه‌مریکا، سه‌یرانێکی بۆ کودستانیانی ده‌ڤه‌ری واشینگتۆن پێک هێنا.
مه‌به‌ستی سه‌ره‌کی له‌ ڕێکخستنی ئه‌و سه‌یران و کۆبوونه‌وه‌یه‌ پێشکه‌ش کردنی له‌وحه‌ی ڕێزلینان به‌و تێکۆشه‌ره‌ دێرینانه‌ی ڕیزه‌کانی حیزبی دیموکراتی کوردستان بوو که‌ زیاتر له‌ چاره‌که‌ سه‌ده‌یه‌ک ته‌مه‌نی خۆیان بۆ خزمه‌تی گه‌ل و وڵاته‌که‌یان ته‌رخان کردووه‌ و له‌ ڕیزه‌کانی حدک دا بۆ ئازادی و سه‌ربه‌خۆیی کوردستان هه‌وڵیان داوه‌.
سه‌ره‌تای ڕێوره‌سمه‌که‌ به‌ چه‌ند وته‌یه‌کی به‌ڕێز سلێمان عه‌زیزی لێپرسراوی کومیته‌ی حیزبی دیموکراتی کوردستان له‌ ده‌ڤه‌ری واشینگتۆن ده‌ستی پێ کرد. به‌ڕێز سلێمان عه‌زیزی به‌ گه‌رمی به‌ خێرهاتنی میوانانی کرد و پاشان مه‌به‌ستی کۆبوونه‌وه‌که‌ی بۆ به‌شدار بووان شی کرده‌وه‌. پاشان ناوی ئه‌و هاوڕێیانه‌ی خوێنده‌وه‌ که‌ ده‌بوو له‌وحه‌ی ڕێزلینانیان بدرێتێ.
ئینجا هاوڕێی تێکۆشه‌ر کاک حه‌سه‌ن ڕه‌ستگار له‌وحه‌ی ڕێزلینانی به‌ سه‌ر هاوڕێیانی دا دابه‌ش کرد. دوابه‌ دوای ئه‌وه‌ به‌ڕێز ره‌ستگار له‌ وته‌یه‌ک دا باسێکی سه‌باره‌ت به‌ ئاڵوگۆڕه‌کانی جیهان، ناوچه‌ی ڕۆژهه‌ڵاتی ناوه‌ڕاست و ئێران و کوردستان پێشکه‌ش کرد و پێی له‌ سه‌ر یه‌کڕیزی و یه‌کگرتوویی حیزب و ڕێکخراوه‌کانی مه‌یدانی خه‌بات و کۆمه‌ڵانی خه‌ڵک داگرته‌وه‌.
دوایین به‌شێ ئه‌و به‌رنامه‌یه‌ به‌ شادی و هه‌لپه‌ڕکێی کوردی کۆتایی پێ هات.
کومیته‌ی حیزبی دیموکراتی کوردستان- واشنگتۆن
rezlenan-usa.jpg

بگه‌رێوه‌|ئەم بابەتە 1240 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact