. . . .


3 Sep 2011

لە وڵاتی فینلاند شەست و شەشەمین ساڵی دامەزرانی حیزبی دێموکراتی کورد??


ئێوارەی رۆژی ٢ی سێپتامبری ٢٠١١، بە ئامادەبوونی ژمارەیەکی زۆر لە ئەندامانی حیزبی دێموکراتی کوردستان لە وڵاتی فینلاند، نوێنەرانی حیزب و لایەنە کوردستانیەکان و دۆستان و لایەنگرانی حیزب لەو وڵاتە، رێورەسمی ٢٥ی گەلاوێژ، شەست و شەشەمین ساڵرۆژی دامەزرانی حیزبی دێموکراتی کوردستان لە شاری تورکو لە وڵاتی فینلاند بە جۆش و خورۆشەوە بەڕێوە چوو.
رێورەسمەکە بە خوێندنەوەی سروودی نەتەوایەتیی ئەی رەقیب لە لایەن کۆڕی هونەریی یەکێتیی لاوانی دێموکراتی رۆژهەڵاتی کوردستان و دەقیقەیەک بێدەنگی بۆ رێزگرتن لە یاد و خەباتی سەرجەم شەهیدانی رێگای رزگاریی کوردستان دەستی پێ کرد. پاشان هاوڕێ حەسەن حاتەمی بەرپرسی کۆمیتەی فینلاند پەیامی کۆمیتەی بە بۆنەی تێپەڕبوونی شەست و شەش ساڵ خەبات و تێکۆشانی ئەم حیزبە پێشکەش کرد. بە دوای ئەو دا رێزدار شاخەوان نەقشبەندی لە یەکێتیی نیشتمانیی کوردستان پەیامی هاوبەشی کۆمیتەی حیزب ورێکخراوە سیاسیەکانی کوردستانی لە فینلاندی خوێندەوە کە تێیدا دامەزرانی ئەم حیزبەی بە خاڵی وەرچەرخانێکی گرینگ لە مێژووی نەتەوەی کورد دا پێناسە کرد و کە پەیامی هاوبەشی ئەو حیزب و لایەنانەی خوارەوەی لە خۆگرتبوو:
یەکیەتی نیشتمانی کوردستان
پارتی دێموکراتی کوردستان
کۆمەڵەی شۆرشگێری زەحمەتکێشانی کوردستانی ئێران
بزووتنەوەی دێموکراتیکی یارسان
سازمانی خەباتی کوردستانی ئێران
حیزبی دێموکراتی کوردستان

هەر لە درێژەی خوێندنەوەی پەیامەکان دا، نوێنەرانی ئەو حیزب و لایەنانەی خوارەوەش پەیامی پیرۆزبایی خۆیان بە بۆنەی شەست و شەشەمین ساڵی دامەزرانی حیزبی دێموکراتی کوردستان پێشکەش کرد:
پەیامی کەمپەینی ئاشتی و یەکبوون لە لایەن رێزدار کەریم فەرخەپوور
پەیامی کۆمەڵە – شاخەی کوردستانی حیزبی کومونیستی ئێران
پەیامی ئەنجومەنی بەرگری لە زیندانیانی سیاسیی رۆژهەڵاتی کوردستان
پەیامی پارتی ژیانی ئازادی کوردستان
پەیامی هاوبەشی یەکێتیەکانی ژنانی دێموکراتی کوردستان و یەکێتی لاوانی دێموکراتی رۆژهەڵاتی کوردستان لە لایەن هاوڕێ هێمن زادئەحمەد
لە نێوبڕی پەیامەکان دا کۆڕی هونەریی یەکێتی لاوان چەند سروودی شۆرشگێڕی پێشکەش کرد وهەروەها هاوڕێیان کەژاڵ حەسەنپوور و بەهار قادریش وەک پێشکەشکاری بەرنامە بە خوێندنەوەی شێعر و پەخشانی نەتەوەیی کۆڕەکەیان زیاتر رازاندەوە.
بەشی دووهەمی رێورەسمەکە بە شایی و هەڵپەڕکێی بەشداران تێکەڵ بە دەنگی خۆشی هونەرمەندی لاوی دێموکرات فەرهاد ئالانی و هونەرمەندانی موزیکژەن رازایەوە کە تا درەنگانی شەو درێژەی کێشا.
25igelawej66.jpg

بگه‌رێوه‌|ئەم بابەتە 1354 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact