. . . .


24 Jul 2011

کۆبوونه‌وه‌ی هێزه‌سیاسییه‌کانی نه‌ته‌وه‌کانی ئێران له‌ تۆ?


ناوه‌ندی هه‌واڵ- کانادا: به‌یانیی رۆژی شه‌ممه‌، 1ی گه‌لاوێژ له‌ سالۆنی کتێبخانه‌ شاره‌داریی " نۆرت یۆرک" ی شاری تۆرۆنتۆ کۆبوونه‌وه‌یه‌ک له‌ لایه‌ن هێزه‌ سیاسی و مه‌ده‌نییه‌کانی ئێران پێک هات که‌ له‌ودا هه‌ر لایه‌نه‌وه‌ به‌ وردی باسی له‌ کار و به‌رنامه‌ی حیزبه‌که‌ی خۆی بۆ نه‌ته‌وه‌که‌ی و به‌رامبه‌ر به‌ رێژیمی ئیسلامی ئێران و بۆ دوای رێژیمی ئیسلامیش خسته‌ به‌ر چاوی به‌شدارانی سمیناره‌که‌.
له‌ پانێلی سێهه‌می سمیناره‌که‌دا کاک برایم جه‌هانگیری که‌ به‌ نوێنه‌رایه‌تیی حیزبی دێموکڕاتی کوردستان قسه‌ی ده‌کرد، به‌ تێر و ته‌سه‌لی باسی چۆنیه‌تیی سه‌ر هه‌ڵدانی یه‌که‌م رێکخراوی سیاسی کوردستانی واته‌ کۆمه‌ڵوی "ژ ک"ی کرد و پاشان چۆنیه‌تیی دامه‌زرانی حیزبی دیمۆکراتی کوردستانی وه‌ک یه‌که‌م رێکخراوی سه‌رده‌میانه‌ بۆ رۆژهه‌لاتی کوردستانی خسته‌ به‌ر باس .
به‌ڕێزیان له‌و پیوه‌ندییه‌ دا باسی له‌وه‌ کرد که‌ گه‌لی کورد له‌ رۆژهه‌لاتی کوردستان لانیکه‌م به‌ شێوه‌یه‌کی رێکخراو زیاتر له‌ 60 ساڵه‌ بۆ مافه ‌ره‌واکانی خه‌بات ده‌کا و‌ له‌م رێگایه‌ش دا قوربانیی زۆری پیشکه‌شی ئازادی کردوه‌.
کاک برایم جه‌هانگیری له‌ درێژه‌ی باسه‌که‌یدا گوتی که‌ حیزبی دیمۆکراتی کوردستان له‌و هه‌لومه‌رجه‌ ئاسته‌مه‌ دا به‌ باوه‌شی ئاوه‌ڵاوه‌ پیشوازی له‌ هه‌ر هه‌نگاوێک بۆ یه‌ک خستن و نزیک بوونه‌وه‌ی هێزه‌ سیاسییه‌کانی نه‌ته‌وه‌ بنده‌سته‌کان له‌ ئێراندا ده‌کا.
ناوبراو له‌ به‌شی کۆتایی قسه‌کانیدا ئاماژه‌ی به‌ بریار و به‌رنامه‌ی حیزب، په‌سند کراوی کۆنگره‌ی 15 کرد و ئاماژه‌ی به‌وه‌ دا که‌ حیزبی دیمۆکراتی کوردستان ئامانجی دابین کردنی کۆماری دیمۆکراتیکی کوردستانه‌ له‌ چوارچیوه‌ی ئێرانێکی فیدرالی دیمۆکراتیکدا و له‌و باره‌وه‌ شیکردنه‌وه‌ی بۆ کۆماری کوردستان و حکومه‌تی فیدرالی دیمکراتیک هه‌بوو که‌ له‌ گه‌ڵ پیشوازی به‌شدارانی سمیناره‌که‌ به‌ره‌و ڕوو بوو.
شایانی باسه‌ له‌و کۆبوونه‌وه‌یه‌دا که‌ کاک برایم جه‌هانگیری و جه‌عفه‌ر موقه‌ده‌م به‌ نوێنه‌رایه‌تیی‌ حیزی دێموکڕاتی کوردستان به‌شدار بوون، ئه‌و حیزب و رێکخراوانه‌ش به‌شداری سمیناره‌که‌ بوون:
به‌ره‌ی دێموکراتیکی گه‌لی ئه‌هواز
حیزبی سه‌ربه‌خۆیی خوازی ئازه‌ربایجانی باشوور
رێکخراوی مافی مرۆڤی" ترکمن صحرا"
حیزبی خه‌ڵکی به‌لووچستان

بگه‌رێوه‌|ئەم بابەتە 995 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact