. . . .


22 Jun 2011

به‌شداری ئه‌ندمانی حدک له‌ خۆپیشاندانێکی به‌رده‌م باڵوێزخانه??


ناوه‌ندی هه‌واڵ- دانمارک: به‌ مه‌به‌ستی داکۆکی و پشتیوانی له‌ زیندانیانی سیاسی ئێران، کومیته‌ی دیفاع له‌ مافی زیندانییه‌ سیاسیه‌کان، ڕۆژی دووشه‌ممه‌ 20/6/2011ی زایینی خۆپیشاندانێکیان له‌ به‌رده‌م باڵوێزخانه‌ی ڕژیمی کۆنه‌په‌رستی کۆماری ئیسلامی ئێران له‌ کۆپێنهاگی پایته‌ختی وڵاتی دانمارک ڕێکخست.
له‌و خۆپیشاندانه‌ دا که‌ کۆمه‌ڵێکی زۆر له‌ کوردستانیان و ئێرانیه‌کانی نیشته‌جێی دانمارک و هه‌روه‌ها نوێنه‌ری حیزب و ڕێکخراوه‌کان ئاماده‌ بوون، چه‌ندین درۆشمی جۆراوجۆر دژ به‌ سیاسیه‌تی سه‌رکوت و زه‌بروزه‌نگی ڕژیمی تاران به‌رز کرایه‌وه‌ و سرودی شۆڕشگێڕانه‌ خوێندرا. له‌و خۆپیشاندانه‌ دا داوا له‌ کۆڕ و کۆمه‌ڵه‌ نێونه‌ته‌وه‌ییه‌کان و ڕێکخراوه‌کانی مافی مرۆڤ کرا که‌ زه‌خت و گوشاره‌کانی له‌سه‌ر ڕژیمی کۆماری ئیسلامی زیاتر بکرێت تاکوو گشت به‌ندکراوه‌ سیاسییه‌کان ئازاد بکات و کۆتایی به‌ سیاسه‌تی گرتن و تۆقاندن بێنێت.
پێویست به‌ گوتنه‌ که‌ به‌شێکی به‌رچاو له‌ ئه‌ندامانی حیزبی دیموکراتی کوردستان له‌و خۆپیشاندانه‌ دا به‌شدارییان کرد.
جێێ باسه‌ هاوکات له‌ زۆربه‌ی هه‌ره‌ زۆری وڵاتانی جیهان و له‌ هه‌مان ڕۆژ دا خۆپیشاندان و چالاکی جۆراوجۆر دژ به‌ ڕژیم ڕێکخراو خه‌ڵکی ئازادی خواز به‌شدارییان تێدا کرد.
کومیته‌ی حیزبی دیموکراتی کوردستان- دانمارک
danmark-zndani.jpg

بگه‌رێوه‌|ئەم بابەتە 925 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact