. . . .


26 Apr 2011

هه‌ردووک ڕێکخراوی حدک و پدک له‌ ناوچه‌ی یۆله‌ندی دانمارک دانیشت??


ناوه‌ندی هه‌واڵ- دانمارک: ڕۆژی 18-4-2011 هه‌یئه‌تێکی کومیته‌ی ناوچه‌ی یوله‌ندی وڵاتی دانمارک حیزبی دیموکراتی کوردستان بۆ باس له‌ سه‌ر کاروتیکۆشانی ڕه‌وه‌ندی کوردی و هاریکاری زیاتر نێوان لایه‌نه‌کانی جێگیر له‌و مه‌لبه‌نده‌، چاویان به‌ هه‌یئه‌تیکی ڕێکخراوی ناوچه‌ی یوله‌ندی پارتی دیموکراتی کوردستان که‌وت. له‌ دیداره‌ دۆستانه‌یه‌ دا وێرای باس له‌ ئالوگۆره‌کانی کوردستان به‌ گشتی و ئه‌رکی ڕه‌وه‌ندی کورد له‌ هه‌مبه‌ر پێشهاته‌کان دا، باس له‌ هاوکاری و هاریکاری هه‌رچی نزیکتری دوو ڕێکخراو له‌ داهاتوو دا بۆ زیاتر به‌ره‌وپێشتر بردنی کار و چالاکییه‌کان و پیرۆز کردنی ڕۆژه‌ نه‌ته‌وه‌ییه‌کان کرا. هه‌ر له‌و دانیشتنه‌ دا هه‌ردووک لا له‌ سه‌ر چه‌ندین خاڵی هاوبه‌ش کوک بوون و وێڕای سپاس و پێزانین بۆ هاریکارییه‌کانی ڕابردووی نێوانیان، خوازیاری په‌ره‌پێدان و به‌ گشتی کردنی کاروچالاکییه‌کان و ته‌نانه‌ت بانگهێشت کردنی چینی لاوانی کورد به‌ هه‌ردووک ڕ‌گه‌وه‌زه‌وه‌ بۆ ناو کاره‌ کولتورییه‌کان بوون.
پیویست به‌ ئاماژه‌یه‌ که‌ له‌ لایه‌ن حیزبی دیموکراتی کوردستانه‌وه‌ به‌ڕێزان نه‌به‌ز مسته‌فا پوور، عومه‌ر شێخه‌نژاد و سمکۆ محموودزاده‌ به‌شدار بوون و هه‌یئه‌تی پارتی دیموکراتی کوردستانیش پێک هاتبوون له‌ به‌ڕیزان ئه‌بووبه‌کر ئیسماعیل و هه‌ڤاڵ تاریق.
ئه‌و دانیشتنه‌ له‌ که‌شیکی ته‌واو دۆستانه‌ و به‌ هیوایه‌کی نوێ بۆ هاریکاری زیاتر نیوان دوولایه‌ن کۆتایی پی هات.
danmark-kdp-pdk.jpg

بگه‌رێوه‌|ئەم بابەتە 983 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact