. . . .


17 Mar 2011

به‌شداری هه‌یئه‌تێکی کومیته‌ی حدک له‌ دانمارک له‌ ڕێوڕه‌سمی ?


ناوه‌ندی هه‌واڵ- دانمارک: لە رۆژانی ١٢ و ١٦ مانگی مارس بە بەشداری هەموو حیزب و ڕێکخراو و کۆر کۆمەلە کوردییه‌کانی وڵاتی دانمارک ساڵیادی کۆمه‌ڵکوژی هەڵەبجە بەرز ڕاگیرا.
سەرەتای بەرنامەکە بە خۆلەکێک بێدەنگی بۆ رێزگرتن لە هەموو شەهێدانی رێگای ئازادی و به‌تایبه‌ت ٥ هه‌زار شه‌هیدی به‌ناحه‌ق کوژراوی هه‌ڵه‌بجه‌ دەستی پێکرد. پاشان کورتە فیلمێک لە سەر کیمێابارنی هەلەبجە نیشان درا. خۆێندنەوەی وتار و پەیامی حیزب و ڕێکخراو وکۆر و کۆمەلەکان بەشێکی دیکەی بەرنامەکە بو. له‌ به‌شی په‌یامه‌کاندا پەیامی کۆمیتەی حیزبی دێمۆکرات و یەکێتی لاوانی دێمۆکراتی رۆژهەڵات لەلایەن سنور محمدزادەوە خوێندراوە. پاشان مهنازی محمدزادە مەقامێکی سەبارەت بە هەڵەبجە پێشکه‌ش کرد لەگەل پێشوازی گەرمی بەشداربووان بەرەورو بو. له‌ به‌شیکی دیکه‌ی ئه‌و مه‌راسمه‌ دا نۆێنەری کۆمەلەی کوردەکانی سورێە، باسێکی وردی سه‌باره‌ت به‌ ڕووداوەکانی شاری قامیشلوی و کۆمه‌ڵکوژی کوردانی ڕۆژئاوای به‌ ده‌ستی جه‌لادانی حیزبی فاشیستی به‌عسی سوریه‌ هێنایه‌ زمان و گه‌وره‌یی ئه‌و مه‌رگه‌ ساته‌ی بۆ ئاماده‌ بووان ڕوونکرده‌وه‌.
له‌ به‌شی کۆتایی ئه‌و ڕێوڕه‌سمه‌ دا به‌ نیشاندانی چەندین وێنەی کارەساتی هەڵەبجە دڕنده‌یی جه‌لادانی به‌غدا بۆ جارێکی دیکه‌ خرایه‌وه‌ به‌ دیده‌ی ئاماده‌ بووان. پیویستە بگوترێ نۆێنەرایەتی حیزب بریتی بوون لە به‌ڕێزان: سنور محه‌ممه‌دزادە، ڕەشید قازی، بێستون محه‌ممه‌دزادە، بەیان و ئازاد محه‌ممه‌دزادە.
halabja-danmark.jpg

بگه‌رێوه‌|ئەم بابەتە 1031 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact