. . . .


14 Mar 2011

به‌ڕێوه‌چوونی سمینارێکی ته‌شکیلاتی بۆ ئه‌ندامانی حیزب له‌ وڵا?


ناوه‌ندی هه‌واڵ- سویس: له‌سه‌رداوای کۆمیته‌ی حیزبی‌دێموکراتی‌کوردستان له وڵاتی سوئیس له‌ڕۆژی ١٣/٣/٢٠١١ سمینارێکی سیاسی و ته‌شکیلاتی بۆ ئه‌ندامانی حیزبی دێموکراتی کوردستان له وڵاتی سوئیس له شاری بێرن بۆ تاووتوێ کردنی که‌م وکوڕیه‌کانی کاری پێشوو و داهاتوو وپێشنیار و ڕە‌خنه بۆ ده‌وڵه‌مه‌ند‌کردنی کۆنگره‌ی 15ی حیزب به به‌شداری به‌ڕێزان مامۆستا عه‌بدوڵا‌حه‌سه‌ن‌زاده و خاتو گوڵاله شه‌ڕفکه‌ندی و کاک کاوه ئاهه‌نگه‌ری پێک هات.
دوا به دوای سرودی نه‌ته‌وه‌یی ئه‌ی ڕه‌قیب و ده‌قیقه‌یه‌ک بێ ده‌نگی بۆ ڕوحی بێگه‌ردی شه‌هیدانی کورد و کوردستان به‌گشتی و
شه‌هیدانی هه‌رده‌م زیندووی هه‌ڵه‌بجه سمینار ده‌ستی به‌کاره‌کانی خۆی کرد.
ئینجا وتارێکی سیاسی له‌لایه‌ن به‌رپرسی کۆمیته و ئه‌رک و کاره‌کانی کۆمیته و ڕاپۆرتی کاری ئه‌و ماوە‌یه له لایه‌ن ئه‌ندامانی کۆمیته‌وە پێشکه‌ش به ئه‌ندامان کرا . دواتر داوا له ئه‌ندامانی به‌ڕێز کرا بۆ ده‌ستنیشان کردنی که‌م و کوڕیه‌کانی کاری ڕابردوو
ده‌وڵه‌مه‌ند کردنی کاری داهاتوو به‌شداری باسه‌کان بکه‌ن. ئه‌ندامانی به‌ڕێزیش به هه‌ست کردن به‌ مه‌سئولیه‌ت به شێوه‌یه‌کی دێموکڕاتانه که‌موکووڕیه‌کانیان ده‌ست نیشان کرد و بۆ باشتر به‌ڕێوه بردنی ئه‌رکه‌کان پێشنیاری به‌که‌ڵک کران و له لایه‌ن ئه‌ندامانی به‌ڕێوه‌به‌ری کۆمیته‌وه به سینگ‌ فراوانیه‌وه وڵام درانه‌وه .
به‌شی دووهه‌می کاری سمینار ته‌رخان کرا بۆ پێشکه‌شکردنی باسێک له سه‌ر ڕوداوە‌ گرینگه‌کانی ئه‌مڕۆی جیهان و ناوچه‌که و
شیکردنه‌وه‌ی هێڵه‌گشتیه‌کانی کۆنگره‌ی 15ی حیزبی‌دێموکڕاتی کوردستان له لایه‌ن ڕێزدار کاک کاوه ئاهه‌نگه‌ری و هێند‌ێک ڕاو بۆچون و باسی تایبه‌ت له لایه‌ن خاتوو گوڵاله شه‌ڕه‌فکه‌ندییه‌وه .
ئه‌ندامانیش به گه‌رمی به‌شداریان له باسه‌که دا کرد و له‌م باره‌یه‌وە ڕه‌خنه و پێشنیاره‌کانی خۆیانیان باس کرد و دوای تاو و توێ کردنی هه‌موو ئه‌و بابه‌تانه‌ی باسیان لێوه کرابوو وڵامی پێویست درانه‌وه.
له‌کۆتایی به‌رنامه‌که‌دا هێندێک ڕێنوێنی پێویست له مه‌ڕ ئه‌رک و تێکۆشانی ئه‌ندامانی حیزب له لایه‌ن به‌ڕێز و تێکۆشه‌ر مامۆستا عه‌بدوڵلا حه‌سه‌ن‌زاده‌وه پێشکه‌ش کرا. هه‌روه‌ها ئه‌ندامانی حیزب دووپاتیان کرده‌وه که هه‌روه‌ک پێشوو هاوکار‌بن له‌ سه‌رخستن و به‌ڕێوه‌بردنی کار و تێکۆشانی حیزبی دا.
به‌شی ڕاگه‌یاندنی حیزبی دێموکڕاتی کوردستان کومیته‌‌ی سوئیس ١٤/٣/٢٠١١
بۆ بینینی وێنه‌کانی ئه‌و سمیناره‌ کرته‌ لێره‌ بکه‌

بگه‌رێوه‌|ئەم بابەتە 969 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact