. . . .


14 Feb 2011

به‌ڕێوه‌چوونی ڕێپیوانێکی گه‌وره‌ له‌ وڵاتی دانمارک له‌ ده‌ی??


ناوه‌ندی هه‌واڵ- دانمارک: له‌ ژێر ناوی با ده‌یه‌ی به‌ناو " فه‌جر" بکه‌ین به‌ده‌یه‌ی به‌ربه‌ره‌کانێ له‌گه‌ڵ سزای ئیعدام، ڕۆژی 12ی فیۆریه‌ی 2011 دا له‌سه‌ر بانگه‌وازی حیزبی دیموکراتی کوردستان با ( ده‌یه‌ی به‌ ناو فه‌جر بکه‌ین به‌ ده‌یه‌ی به‌ربه‌ره‌کانی له‌ گه‌ڵ ئێعدام) کومیته‌ی حیزب له‌ دانمارک به‌ گه‌ڵاله‌ یه‌کی له‌ پیش دا داریژراو ریپیۆانیکی به‌رینی ساز کرد له‌ دوو شۆینی قه‌رباڵخی ناوه‌ندی شاری کۆپێنهاگ به‌رو مه‌یدانی ( سکاڵا).
یه‌که‌میان له‌ مه‌یدانی (ویسته‌برو چوویت )و دووهه‌میان له‌ مه‌یدانی شارداری، که‌ له‌ یه‌ک کاتی دیاریکراو دا له‌ کاتژمێر 30/1 ده‌قیقه‌ی ده‌ستی پیکرد.
جێگای ئاماژه‌یه‌ له‌ نێو ئاپۆڕای خه‌ڵکانی به‌شدار بوو دا، ئاڵای کوردستان و وێنه‌ی شه‌هیدانی رێگای ڕزگاری کوردستان و ئیعدامییه‌کانی ئه‌م دواییه‌ به‌ ده‌ستی دیکتاتووری ولایه‌تی فه‌ قیهی ئیسلامی ئێران، ڕازێنه‌روه‌ی ڕیزی ڕێپیووانان بوو، که‌ ببوو جێگای سه‌رنجی خه‌ڵکانی دانمارکی وخاریجی که‌به‌ویه‌دا تێده‌په‌ڕین. هه‌روه‌ها تراکت وئاڵای کوردستان له‌ نیۆ خه‌ڵکی دانمارکی دا بڵاوکرایه‌وه‌ که‌ بووه‌ هۆی ئه‌وه‌یکه‌ چه‌ندین که‌سی دانمارکیش له‌ هه‌ر دوو شۆینی ڕێپیوانه‌که‌وه‌ ئاوێته‌ی ڕێپێوانه‌که‌ بوون و پاش نێو کاتژمێر هه‌ردوو به‌شی ڕێپێوانه‌که‌ هاوکات گه‌یشتنه‌ مه‌یدانی ( سکاڵا).
ئه‌سڵی ڕێوڕه‌سمه‌که‌ له‌وی ده‌ستی پێکرا که‌ له‌ لایه‌ن به‌ریۆه‌به‌ری به‌رنامه‌که‌ به‌رێز محه‌مه‌دی زه‌بیحی ئه‌ندامی کومیته‌ی گشتی دانمارک، سه‌ره‌تا خوله‌کێک بێده‌نگی بۆ ڕێزگرتن له‌ گیانی پاکی شه‌هیدانی ڕێگای رزگاری کوردستان ڕاگه‌یاند. دوایی داوا کرا له‌ به‌رێز ناسر پیرانی به‌رپرسی کومیته‌ی دانمارک په‌یامی حیزب به‌م بۆنه‌وه‌ پیشکه‌ش به‌ جه‌ماوه‌ریی به‌شداربوو بکات.
به‌رێزیان به‌ ڕوونی له‌ په‌یامه‌که‌دا ئاماژه‌‌ی به‌وکرد که‌ ده‌سه‌ڵاتی 32 ساڵه‌ی ڕه‌شی کۆماری ئیسلامیی بۆته‌ هوی ئه‌وه‌ی‌ ته‌واوی گه‌ڵانی ئێران به‌ هه‌موو چین وتوویژه‌کانییه‌وه‌ بێزار به‌بن له‌و ده‌سه‌ڵاته‌ نگریسه‌! هه‌ربوویه‌ تاوانبارانی کۆماری سێداره‌ی ئیسلامی ده‌ستیان کردوه‌ به‌ ڕه‌شه‌کوژی و ئیعدام. به‌ڕێز پیرانی له‌ به‌شیکی دیکه‌ له‌ قسه‌کانی دا ڕایگه‌یاند که‌ بانگه‌وازه‌که‌ی ئه‌ مساڵی حیزب له‌جیی خویدا بوو،هه‌ربوویه‌ ئێمه‌ش ده‌ڵێین نا بۆ ئیعدام..
پاشان په‌یامی ده‌فته‌ری سیاسیی به‌ زه‌مانی ئینگلیزیی له‌لایه‌ن به‌رێز شاهۆ پیرانی پیشکه‌ش کرا، به‌دوای ئه‌و دا پارچه‌ په‌خشانیک به‌ناوی ( هاۆرێی دیل و یه‌خسیره‌م له‌ زیندان) له‌ لایه‌ن به‌ڕێوه‌به‌ری میتینگه‌که‌وه‌‌ خۆێندرایه‌وه‌. جیگای سه‌ره‌نجه‌ که‌ ناوئاخه‌نی به‌رنامه‌که‌مان به‌ سروودی نیشتمانی و شێعر ڕازێندرایه‌وه‌ و بووه‌ جێگای ڕه‌زامه‌ندی هه‌موولایه‌ک.
دوایین به‌شی به‌رنامه‌که‌ په‌یامی پیشتیووانی یه‌کیه‌تی لاوانی دێموکراتی رۆژهه‌ڵاتی کوردستان ویه‌کیه‌تی ژنانی کوردستان بوو که‌ له‌ لایه‌ن به‌رپرسی ئه‌و به‌شه‌ به‌رێز سنوور محه‌مه‌دزاده‌ خوێندرایه‌وه‌.
پاش 2 کاتژمێرونیو، ئه‌و ڕێپێوانه‌ و میتینگه‌ کاتژمێر چۆاری دوانیوه‌ڕۆ کۆتایی هات .
جیگای خۆیه‌تیی به‌ ناوی کۆمیته‌ی حیزب له‌ دانمارک سپاس و پێزانینی خۆمان پێشکه‌شی ئه‌ندامان و لایه‌نگرانی حیزب بکه‌ین که‌ له‌ ڕێگای دور و نیزیکه‌وه‌ به‌ ماڵ ومنداڵه‌وه‌ له‌ سه‌رمای چه‌ندین پله‌ی ژێر سێفه‌ردا به‌شداری چالاکه‌یان هه‌بوو، و هه‌روه‌ها سپاسمان ئاراسته‌ی‌ تێکڕای هێزه‌ سیاسییه‌کانی هه‌ر چوار پارچه‌ی کوردستان بکه‌ین که‌ به‌ده‌نگ بانگه‌وازه‌که‌ی حیزبه‌وه‌ هاتن .
حیزبی دیموکراتی کوردستان
کومیته‌ی دانمارک.
وێنه‌ی ئه‌و ڕێپیوانه‌ لێره‌ دا ببینه‌

بگه‌رێوه‌|ئەم بابەتە 1149 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact