. . . .


11 Feb 2011

خۆپێشاندانی کوردستانیانی دانیشتتوی فینلاند بۆ نا کوتن به‌ سێداره???


رۆژی هه‌ینی 11.2.2011 له‌ کاتژمێر 12ـ14 وله‌ 32 هه‌مین ساڵرۆژی شۆرشی گه‌لانی ئێران کۆمه‌ڵیکی به‌رچاو له‌ کوردستانیانی دانێشتووی فینلاند بە بەرزکردنەوەی ئاڵای کوردستان و وێنە و پۆستێری پێوەندیدار بە ئیعدام و سەرکوتی ئازادیخوازان و تێکۆشەرانی کورد و ئێرانی لە لایەن کۆماری ئیسلامی و بە وتنەوەی دروشم بە زمانەکانی‌ کوردی و فینلاندی له‌ به‌رده‌م پارلمانی فێنلاند له‌ شاری هێلسینکی کۆبونه‌وه.
لە خۆپیشاندانەکە دا داخوازینامه‌ی خۆپێشانده‌ران که‌ به‌ هه‌ر دوو زمانی کوردی وفینلاندی نوسراوبوو، خوێندرایه‌وه‌.له‌ داخوازینامه‌ی خۆپێشانده‌ران دا که‌ رووی له‌ ئه‌ندامانی پارلمانی فینلاند، وه‌زاره‌تی ده‌ره‌وه‌ و رێکخراوه‌کانی داکۆکیکاری مافی مرۆڤ له‌و وڵاته‌ دا بوو، هاتبوو که‌‌ "ئێمه‌ کورده‌کانی دانیشتووی فنیلاند یه‌کده‌نگ و یه‌کگرتوو ده‌نگی ناره‌زایه‌تی خۆمان له‌ بەرانبەر له‌ سێداره‌ دانی رۆله‌کانی کورد له‌ رۆژهه‌ڵاتی کوردستان به‌ ئه‌مرو فه‌رمانی سه‌رانی ده‌وڵه‌تی کودەتا رادەگەیەنین و وهه‌موو یه‌کده‌نگ هاوارده‌که‌ین که‌ زیندان و ئه‌شکه‌نجه‌ و له‌ سێداره‌دا‌ن وخوێنڕشتن ئیتر به‌سه‌.
له‌ به‌شێکی دیکه‌ی داخوازینامه‌که‌ دا هاتبوو که‌ ئێمه‌ کورده‌کانی دانیشتووی فینلاند چاوه‌روانیمان له‌ ده‌وڵه‌تی فینلاند هه‌یه‌ که وه‌کوو ئه‌رکێکی ئینسانی و ئیخلاقی‌ بۆ پێشگرتن له‌ به‌رێوه‌چوونی حوکمی ئیعدامی لاوانی کورد له‌ زیندانه‌کانی کۆماری ئیسلامی دا له‌ رێگای دیپلۆماتیکه‌وه‌ په‌یوه‌ندی به‌ کاربه‌ده‌ستانی وه‌زاره‌تی ده‌ره‌وه‌ی کۆماری ئیسلامی ئێران بگرن وهاورا له‌ گه‌ڵ وڵاتانی دیکه‌ی یه‌کێتی ئوروپا بۆ هه‌ڵوه‌شاند‌نه‌وه‌ی حوکمی داسه‌پاوی سێداره‌ وئازاد کردنی هه‌موو گیراوه‌ کورده‌کان زه‌ختی سیاسی و دیپلۆماتیکی خۆیان بخه‌نه‌ سه‌رکۆماری ئیسلامی.
‌ دوای خوێندنه‌وه ی‌ په‌یامی خۆپێشانده‌ران شاندێکی چوار کەسی لە خۆپیشاندەران لە گەڵ ''ئیلکا کانتۆلا'' سه‌رۆکی به‌شی مافی مرۆڤی پارلمانی فینلاند وهاوکاره‌که‌ی خاتوو'' پاوڵا مۆیسانده‌ر'' کۆبونه‌وه‌ وئامانج و خواستی خۆپێشانده‌رانیان روونکرده‌وه‌ و له‌و په‌یوه‌ندیه‌دا چه‌ندین بابه‌ت وراپۆرتی پێشتر نوسراوی '' ئه‌منیستی ئه‌نترناسیۆنال'' که‌ له‌ سه‌ر کورده‌کان و پێشێلکرانی مافه‌کانیان و ئێعدامی رۆله‌کانیان له‌ ئێران دا ئاماده‌ کرابوو، پێشکه‌ش به‌ به‌رێز'' کانتۆلا'' کرا.
کاندید کرانی به‌رێز مه‌حه‌ممه‌د سه‌دیق که‌بودوه‌ند سه‌رۆکی رێکخراوی مافی مرۆڤی کوردستان بۆ وه‌رگرتنی خه‌ڵاتی ئاشتی نۆبێلی 2011 که‌ به‌ ناڕه‌وا حوکمی 11 ساڵ زیندانی به‌ سه‌ر داسه‌پاوه‌ ‌وپشتیوانی به‌رینی کورده‌کانی رۆژهه‌ڵات له‌و کاندید کردنه‌ باسێکی دیکه‌ی شانده‌که‌ی له‌ خۆگرتبوو. له‌ کۆتایی چاوپێکه‌وتنه‌که‌دا شاندی خۆپێشانده‌ران داوای کرد و هیوای خواست که‌‌ ده‌وڵه‌تی فینلاند له‌ کانالی دیپلۆماتیکه‌وه‌ په‌یوه‌ندی به‌ کاربه‌ده‌ستانی وه‌زاره‌تی ده‌ره‌وه‌ی کۆماری ئیسلامی بکه‌ن وزه‌خت وتوانای خۆیان به‌ کار ببن بۆ ئه‌وه‌ی پێش به‌ جێ به‌ جێ کردنی حوکمی ئێعدامی رۆله‌کانی کورد له سیاچاڵه‌کانی کۆماری ئیسلامی دا‌ بگرن. به‌رێز ''کانتۆلا'' وێرای ده‌ربرینی خۆشحالی خۆی له‌و چاوپێکه‌وتنه‌ نیگه‌رانی خۆیانی له‌مه‌ڕ وه‌زعی مافی مرۆڤ له‌ ئێران دا ده‌ربری و راشیگەیاند که‌ ده‌وڵه‌تی فینلاند هاورا له‌ گه‌ڵ یه‌کێتی ئوروپا چاوه‌دێری رووداوه‌کانی ئێران ده‌که‌ن و نیگه‌رانن له‌ مه‌ڕ پێشیل کردنی مافه‌کانی مرۆڤ له‌ ئێراندا. نوێنەرانی خۆپیشاندەرانیشی دڵنیا کرده‌وه‌ که په‌یامی‌ خۆپێشانده‌ران به‌ ئه‌ندامانی پارلمانی فینلاند ده‌گه‌یەنێ.
بە دوای کۆتایی دیدارەکە، هەر یەک لە بەڕێزان لوقمان زەهرایی و بەشیر ئەمیر خانی راپۆرتی دیدار لە گەڵ سەرۆکی بەشی مافی مرۆڤ لە پارلمانی فینلاندیان بە ئاگاداریی خۆپیشاندەران گەیاند.
شایانی باسه‌ که‌ پێکهێنه‌رانی ئه‌و خۆپێشاندانه‌ له‌ فینلاند بریتین بوو له‌ :کۆمیته‌ی حیزبی دێموکراتی کوردستان، بزوتنەوەی دێموکراتیکی یارسان، کۆمیته‌ی کۆمه‌ڵه‌ی شۆرشگێری کوردستانی ئێران، سازمانی خه‌باتی کوردستانی ئێران، پارتی ژیانی ئازادی کوردستان، رێکخراوی مه‌ده‌نی ناوه‌ندی چاک،
وێنەهەواڵی ئەو خۆپیشاندانە لێرەوە ببینە

بگه‌رێوه‌|ئەم بابەتە 1189 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact