. . . .


9 Feb 2011

ڕێوڕه‌سمی ٢ی ڕێبه‌ندان له‌ ڕۆژئاوای کانادا پیرۆز کرا


ناوه‌ندی هه‌واڵ: ڕۆژی یه‌ک شه‌مه رێکه‌وتی 6ی فیوریه‌ی 2011 زایینی له شاری ڤانکۆڤێر-رۆژئاوای کانادا، رێوره‌سمێکی به شکۆ به بۆنه‌ی 2ی ڕێبه‌ندان 65مین ساڵیادی دامه‌زرانی کۆماری کوردستان،له لایه‌ن کومیته‌ی حیزبی دێموکراتی کوردستان له ڕۆژئاوای کانادا به‌ڕێوه چوو.سه‌ره‌تای به‌رنامه وێڕای به خێرهێنانی به‌شدار بووانی ئه‌و یاده پیرۆزه، له لایه‌ن به‌رێوه‌به‌ر‌‌ی به‌رنامه خوشکه شنه‌ ئه‌مینی، به‌خوێندنه‌وه‌ی سروودی نه‌ته‌وه‌یی ئه‌ی ڕه‌قیب ده‌ست پێکرا .دواتر ده‌قه‌یه‌ک بێ ده‌نگی بۆ ڕیز گرتن له گیانی پاکی شه‌هیدانی کوردستان راگیر.
ئینجا به‌یاننامه‌ی ده‌فته‌ری سیاسی حیزب به‌و بۆنه‌یه‌وه له لایه‌ن هاوڕێیه خه‌لیل ئه‌شکانی ئه‌ندامی کومیته‌ی حیزبی دێموکراتی کوردستان له ڕۆژئاوای کانادا خویندرایه‌وه.هه‌ر به بۆنه‌ی یادی دامه‌زرانی 2ی ڕێبه‌ندانی پیرۆز، چه‌ندین بروسکه‌ی پیرۆزبایی له لایه‌ن حیزبه کوردستانیه‌کانه‌وه پێشکه‌ش به کومیته‌ی حیزب کران که
بریتی بوون له:
1-یه‌کێتی نیشتیمانی کوردستان
2-پارتی دێموکراتی کوردستان
3-کۆمه‌ڵه‌ی شۆڕشگێری زه‌حمه‌تکێشانی کوردستانی ئێران
4-سازمانی خه‌باتی کوردستانی ئێران
پیشکه‌ش کردنی چه‌ندین پارچه هه‌لبه‌ستی هه‌ست بزوێن له لایه‌ن به‌رێوه‌به‌ی به‌رنامه، خوشکه شنه ئه‌مینی،
به‌شێکیتر له نێو ئاخنی به‌رنامه‌که ‌بوون.
له درێژه‌ی شه‌و ئاهه‌نگی ئه‌و یاده پیرۆزه‌دا ،هونه‌رمه‌ندانی ناسراو ڕۆژ که‌ریم و ئالان تا درنگانێکی شه‌و به پێشکه‌ش کردنی چه‌ندین ئاهه‌نگ و گۆرانی رێوره‌سمه‌که‌یان پتر رازانده‌وه.پێویسته بگوتریه ئه‌م رێوره‌سمه به گه‌رم و گوورێکی تایبه‌تی و به‌شداری سه‌دان که‌س له کوردستانیانی به‌رێز یادی 2ی ڕێبه‌ندان به‌رز ڕاگیرا که له لایه‌ن کومیته‌ی حیزبی دێموکراتی کوردستان له ڕۆژئاوای کانادا پر به دڵ سپاس و پێزانینی خۆمان ئاراسته‌ی به‌شداربووانی یادی دامه‌زرانی کۆماری کوردستان ده‌که‌ین.
بۆ بینینی وێنه‌کان کرته‌ لێره‌ بکه‌

بگه‌رێوه‌|ئەم بابەتە 1133 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact