. . . .


31 Jan 2011

خۆپێشاندانێک له‌ لایه‌ن کۆمیته‌ی نا بۆ ئیعدام نا بۆ کۆماری ئیسلا?


ناوەندی هەواڵ - ئوتریش: به‌ به‌شداری کوردستانیان و ئێرانیه‌کانی نیشته‌جێ له‌ ڤییه‌ن کۆمیته‌ی نا بۆ ئیعدام و نا بۆ کۆماری ئیسلامی له‌ رۆژی یه‌کشه‌ممه‌ ڕێکه‌وتی 30/1/2011 خۆپێشاندانێکی به‌رینی له‌ ناوه‌ندی شاری ڤییه‌ن پێکهێنا.
کۆمیته‌ی ناوبراو که‌ له‌ چه‌ندین حیزب و ڕێکخراو پێکهاتوه‌، له‌ یه‌ک دوو کۆبونه‌وه‌ی پێشتر دا بڕیاری دا که‌ چالاکیکانی به‌رفراوانتر و زیاتر بکات.
بۆ ئه‌م مه‌به‌سته‌ یه‌که‌م خۆپێشاندانی له‌ رۆژی یه‌کشه‌ممه‌دا به‌ به‌شداری کوردستانیان و ئێرانیانی دانیشتوی وڵاتی ئوتریش دژ به‌ ئیعدام به‌ڕێوه‌برد.
سه‌ره‌تای خۆپێشاندان که‌ له‌ به‌ر ده‌رگای ئۆپێڕای شاری ڤییه‌ن ده‌ستی پیکرد و خۆپێشاندران به‌ دروشم و هه‌ڵگرتنی ئاڵای کوردستان و وێنه‌ی زیندانیانی سیاسی له‌ سێداره‌ دراو تا مه‌یدانی ناوه‌ندی شار ڕێپێوانیان کرد.
له‌ مه‌یدانی ناوه‌ندی شار دوای گوتنه‌وه‌ی دروشمه‌کان و راکێشانی سه‌رنجی خه‌ڵکانێکی زۆری خارجی و ئوتریشی که‌ وه‌ک توریست له‌م ناوه‌ بوون به‌ هه‌ر سێ زمانی کوردی و فارسی ئاڵمانی دروشمه‌کانیان هه‌م به‌ نوسراوه‌ و هه‌م به‌ وتنه‌وه‌ ده‌گه‌یانده‌ خه‌ڵکانی ده‌وروبه‌ر.
له‌ پاشان په‌یامی کۆمیته‌ی ناوبراو به‌ هه‌ر سێ زمانی کوردی و فارسی و ئاڵمانی خوێندرایه‌وه‌.
بڕیاریش درا که‌ له‌ ڕۆژی چوارشممه‌ی داهاتوو هه‌یئه‌تێک داواکاریه‌ک پێشکه‌شی پارڵمانی ئوتریش بکات و له‌م داواکاریه‌دا داوای پێک‌ێنانی کۆنفراسێک له‌ پارلمانی ئوتریش کراوه‌ له‌ سه‌ر ئیعدامه‌کان به‌ گشتی و ئیعدامی زیندانیانی سیاسی به‌ تایبه‌تی له‌ ئێران دا ‌.
کۆمیته‌ی ناوبراو له‌ وحیزب و ڕێکخراوانه‌ پێکهاتوه‌.
حدک کۆمیته‌ی ئوتریش
پژاک کۆمیته‌ی ئوتریش
کوردۆساید ناوه‌ندی چاک
فه‌یکۆم کۆمه‌ڵه‌ی ڕێکخراوه‌ کوردستانیه‌کان
پارتی یه‌کیه‌تی کورد له‌ سوریه‌
پارتی چاره‌سه‌ری دیمۆکراتی کورد
ئێران ئینفۆ
و چه‌ند ڕێکخراوی دیکه
وێنەهەواڵی ئەم خۆپیشاندانە لێرەوە ببینە

بگه‌رێوه‌|ئەم بابەتە 1110 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact