. . . .


31 Jan 2011

کۆمیتەی هاوکاریی هێزە کوردستانییه‌کان له‌ فه‌نلاند کۆبوونەوە


لە درێژەی کۆبوونەوەی هێزە کوردستانییەکان بۆ ئه‌نجامدانی کاری هاوبەش، له‌ چه‌ند رۆژی رابردوودا کۆبوونەوەیەکی بەرین لە نێوانان ئه‌و هێزانه‌دا بەرێوەچوو. له‌م دانیشتنه‌دا؛ سەرەتا کەریم رەسولی خشتەی کاری کۆبوونەوه‌که‌ی دیاری کرد کە بریتی بوو لە :
باسێک لە سەر بەرێوە بردنی جێژنی 2ی رێبەندان ساڵۆگەری دامەزرانی کۆماری کوردستان، کە بۆ یەکەمین جارە حیزب و رێکخراوە سیاسییەکان پێکەوە یادی ئه‌و رۆژه‌ دەکەنەوە؛ پاشان گەڵالەی پێشنیاری بەشی پەیوەندییە حیزبییه‌کان خرایە بەرباس که‌ لایەنەکان بە تێرو تەسەلی ئەم بابەتەیان تاوتوێ کردو روانگه‌ و پێشنیاری خۆیان خسته‌ڕوو و دوای باسێکی تێرو تەسەل، بڕیاریان دا لە ماوەی مانگێک دا ئایننامه‌ی هێزه‌ کوردستانییه‌کان بۆ کاری هاوبه‌ش په‌سند بکرێ.
شایانی باسە کە به‌شداربوانی سازمانی خەباتی کوردستانی ئێران کۆمەڵێک پێشنیاری بەکەڵکیان بۆ دەوڵەمەند کردنی ئایننامەکە ئامادە کردبوو که‌ له‌ لایه‌ن به‌شداربوانه‌وه‌ به‌ هێند وه‌رگیران.
له‌ کۆتایی دا هەموو لایەنەکان بریاریان دا کە ئەم هاوکارییانە چڕتر بکرێنەوە و هه‌نگاوی زیاتر بۆ کاری هاوبەش هه‌ڵگرن.
لایەنەکانی بەشدار لە کۆبوونەوه‌که‌ بریتی بوون له‌:
حیزبی دێمۆکراتی کوردستان
پارتی دێمۆکراتی کوردستان
یەکیەتیی نیشتمانی کوردستان
کۆمەڵەی شۆرشگێری زەحمەتکێشانی کوردستانی ئێران
سازمانی خەباتی کوردستانی ئێران
بزووتنەوەی دیمۆکراتیکی یارسان
hawkari1.jpg

بگه‌رێوه‌|ئەم بابەتە 1021 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact