. . . .


4 Feb 2011

دژ به‌ ئیعدام و سیداره، کوردو ئیرانییه‌کانی دانیشتووی وڵاتی دانمار??


ناوه‌ندی هه‌واڵ- دانمارک: دوابەدوای راگەیاندنی دەهەی بەرەنگاربوونەوە دژ بە ئیعدام لە لایەن دەفتەری سیاسیی حیزبی دێموکراتی کوردستان و له ‌دریژه‌ی ئه‌و میتینگ و خوپیشاندانانه‌ی بە به‌رزبوونه‌وه‌ی ئاستی نیگه‌رانییه‌کان له‌مه‌ربه‌ریوه‌چوونی حوکمی ئیعدامی حوسینی خزری و هه‌روه‌ها بڵاوبونه‌وه ی هه‌واڵی ئیعدام و له‌ سیداره‌دانی ڕوڵه‌کانی کورد له‌گرتوخانه‌کانی کۆماری ئیسلامی دا له‌ زۆربه‌ی وڵاتانی جیهان به‌ڕێوه‌ ده‌چن، رۆژی 29ی ژانوییه‌ له‌سه‌ربانگهێشتنی ڕێکخراوی دژی له‌ سیداره دان، کاتژمێر 2ی پاش نیوه‌ڕو له‌ ناوه‌ندی شاری کۆپێنهاگ که‌ قه‌رباڵخترین شوێنی ئه‌و شاره‌یه‌ خۆپیشاندانێکی ناره‌زایه‌تییان وه‌ڕێخست که‌ تێیدا ژماره‌یه‌ک له‌ حیزب وڕێکخراوه‌ کوردی و ئێرانی دانیشتوو له‌ وڵاتی دانمارک به‌شداریان تیدا کرد.
شایانی باسه‌ که‌ کۆمیته‌ی حیزب له‌ سه‌ر بانگه‌وازه‌که‌ی ده فته‌ری سیاسیی هه‌روه‌ها نیشاندانی به‌ڕێوه بردنی به‌کرده‌وه، به‌شیک له‌ ئه‌ندامانی حیزبی دیمۆکراتی کوردستان به‌ وێنه‌ی شه‌هیدانی ئه‌م دوایانه‌ و وینه‌ی زیندانیانی سیاسیی و مه‌ده‌نی کورد و ئاڵای کوردستان و دروشمی جۆراوجۆر له‌ په‌یوه‌ندی له‌گه‌ڵ مه‌حکومکردنی رژیمی دیکتاتۆری کۆماری ئیسلامی ئێران به‌شدارییه‌کی چالاکانه‌یان له‌م خۆپیشاندانه‌دا کرد.
پێویست به‌ گووتنه‌ که‌ ناوه‌رۆکی بانگه‌وازکه‌ی ده‌فته‌ری سیاسیی به‌ زمانی فارسی له‌ لایه‌ن هاوری عزت پیرانی بۆ به‌شداربووانی خۆپیشاندانه ڕوونکرایه‌وه‌ وهه‌روه‌ها بانگه‌وازه‌که‌و وێنه‌ی شه‌هیدان و وینه‌ی زیندانیانی سیاسیی به‌ هه‌ردووک زمانی کوردی و فارسی که‌ له‌ لایه‌ن کۆمیته‌ی
حیزبه‌وه ئاماده کرابوون له‌ نێو به‌شداربووان بڵاوکرایه‌وه.
جێگای ئاماژه‌یه‌ که‌ حیزب وڕێکخراو و که‌سایه‌تیه‌ به‌شداربووه‌کان به‌و شێوه‌یه‌ی خواره‌وه بوو:
1 حیزبی دیمۆکراتی کوردستان.
2 کۆمیته‌ی دیفاع له‌ زیندانیانی سیاسیی.
3 حیزبی کۆمونیستی ئیران.
4 جنبش کۆماری خۆازانی دیمۆکرات ولائیکی ئیران.
5 مه‌وجی سه‌وه‌ز.
6 ئیبراهیم مه‌حمودی (کۆمه‌ڵناس و لێکۆڵه‌ر) که‌سایه‌تی.
7 کمیته‌ی همبستگی با مبارزات مردم ایران.

حیزبی دیمۆکراتی کوردستان
کۆمیته‌ی دانمارک.
31012011.
danmark-repewan.jpg

بگه‌رێوه‌|ئەم بابەتە 1066 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact