. . . .


25 Jan 2011

له‌ وڵاتی ئوتریش 65مین ساڵڕۆژی دامه‌زراندنی کۆماری کوردستان به‌رز ?


ناوه‌ندی هه‌واڵ- ئوتریش: له‌ وڵاتی ئوتریش له‌ لایه‌ن کۆمیته‌ی حدک به‌ به‌شداری کوردستانیانی نیشته‌جێ له‌م وڵاته‌‌ ڕێز له‌ 2ی ڕێبه‌ندان 65 ه‌هه‌مین ساڵڕۆژی دامه‌زرانی کۆماری کوردستان گیرا.
سه‌ر له‌ ئێواره‌ی ڕۆژی شه‌ممه‌ ڕیکه‌وتی 22/1/2011 ئاهه‌نگی 2ی ڕێبه‌ندان له‌ پێته‌ختی وڵاتی ئوتریش ده‌ستی پێکردو و تا درنگانی شه‌و درێژه‌ی خایاند.
له‌م به‌رنامه‌ سیاسیه‌ هونه‌ریه‌دا که‌ چه‌ندین هونه‌رمه‌ندی کورد و ئو‌تریشی تێدا به‌شدار بوون، دوای سرودی نه‌ته‌وایه‌تی ئه‌ی ره‌قیب و ده‌قیقه‌یه‌ک بێ ده‌نگی بۆ ڕیزگرتن له‌ گیانی پاکی شه‌هیدانی کوردستان، وتاری حدک کۆمیته‌ی ئوتریش به‌ زمانی کوردی له‌ لایه‌ن کاک خدری هه‌مزه‌ نژاده‌وه‌ و هه‌روه‌ها هه‌ر هه‌مان په‌یام به‌ زمانی ئاڵمانی له‌ لایه‌ن کاک قادری ره‌سولیانه‌وه‌ پیشکه‌شی به‌شداران کرا.
بێجگه‌ له‌ په‌یامی حدک که‌ خوێندرایه‌وه‌ چه‌ندین ۆه‌یامیتریش بۆ ئه‌م بۆنه‌یه‌ هاتبو که‌ له‌ به‌ر که‌می کات تانیا ئیشاره‌ به‌ ناوه‌کانیان کرا.
ئه‌و حیزب و ڕیکخراوانه‌ی په‌یامیان بۆ ئه‌م بۆنه‌ نه‌ته‌وییه‌ ناردبوو بریتی بون له‌:
1. پارتی دیمۆکراتی کوردستان ڕێکخستنی نه‌مسا.
2. پارتی ئازادی کوردستان پاک.
3. حیزبی شویعی کوردستان.
4. پارتی ئازادی کورد له‌ سوریه‌.
5. پارتی یه‌کیه‌تی دیمۆکراتی کورد له‌ سوریه‌.
6. پارتی ژیانی ئازادی کوردستان پژاک کۆمیته‌ی ئوتریش
7. حیزبی شویعی عراقی
8. ئه‌نجومه‌نی بزوتنه‌وه‌ی گۆڕان له‌ نه‌مسا
9. پارتی چاره‌سه‌ری دیمۆکراتی کورد پچدک کۆمیته‌ی ئوتریش
10. پارتی سوسیالیست دێمۆکراتی کوردستان کۆمیته‌ی نه‌مسا
11. کوردۆساید چاک کۆمیته‌ی ئوتریش
12. کۆنگره‌ی نه‌ته‌وه‌ی کورد کۆمیه‌تی نوێنه‌رایه‌تی ئوتریش
13. هه‌روه‌ها په‌یامی ڕۆژ تی ڤێ که‌ به‌م بۆنه‌وه‌ ئاراسته‌یان کرد بوو.
14. له‌ لایه‌ن حیزبی سه‌رزه‌کانی ئوتریشه‌وه‌ خاتوو مۆنیکا بێڤیلاکوا به‌شداری ئه‌م ئاهه‌نگه‌ بوو، و په‌یامی حیزبی سه‌وزی گه‌یانده‌ هاوڕێیانی حیزبی.

هونه‌رمه‌ندانی به‌شدار له‌م ئیواره‌ هه‌نه‌ریه‌دا بریتی بوون له‌:
1. هێرش هه‌ورامی له‌ ڕۆژهه‌ڵاتی کوردستان
2. ئیسام عه‌بباس له‌ ڕۆژئاوای کوردستان
3. شێنێ و لانه‌ دوو گیژۆڵه‌ی ده‌نگ خۆشی کورد له‌ باشوری کوردستان
4. گروپی هونه‌ری یۆرگ وگێرتی که‌ گروپیکی ئوتریشی بوو به‌ زمانی ئاڵمانی چه‌ند ئاهه‌نگێکیان پێشکه‌ش کرد.
په‌خشانێکی جوان و پڕ له‌ هه‌ست و سۆز له‌ لایه‌ن کاک ئاسۆ پیرۆتیه‌وه‌ خوێندرایه‌وه‌ هه‌روه‌ها گۆرانیه‌ک به‌ زمانی ئینگلیسی له‌ لایه‌ن گیژۆڵه‌ی کورد ئه‌ستێره‌ خان پێشکه‌ش کرا.
به‌ڕێوه‌ به‌رانی به‌رنامه‌ ئاشتی هه‌مزه‌ نژاد به‌ زمانی ئاڵمانی و محه‌ه‌مه‌دی فه‌قێ عه‌لی به‌ زمانی کوردی له‌ به‌ینی به‌رنامه‌ دا چه‌ند کورته‌ شێعر وپه‌خشانیان پێشکه‌ش کرد.
پێویسته‌ بگوترێ که‌ ئه‌م به‌رنامه‌یه‌ له‌ لایه‌ن کۆمیته‌ی حدک و یه‌کیه‌تی لاوانی دیمۆکراتی رۆژهه‌ڵاتی کوردستان به‌ڕیوه‌ چوو.
بۆبینینی وێنه‌کان کرته‌ لێره‌ بکه‌

بگه‌رێوه‌|ئەم بابەتە 1180 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact