. . . .


17 Jun 2009

خۆپێشاندانی ئێرانیانی نارازی به‌ ئاکامی هه‌ڵبژاردنی سه‌رۆک کۆما


ناوه‌ندی هه‌واڵ هه‌ر به‌دوای ڕاگه‌یاندنی هه‌ڵبژاردنه‌کانی سه‌رۆک کۆماری ئیسلامی ئێران و ده‌ستکاری ده‌نگه‌کان به‌ قازانجی مه‌حمود ئه‌حمه‌دی نژاد، ئه‌وشێوه‌ کودتایه‌ی که‌ ده‌وڵه‌تی حاکم به‌ سه‌ر ئێران دا له‌ خه‌ڵکی تینوی ئازادیی ئێرانی کرد، ڕۆژانه‌ له‌ زۆربه‌ی وڵاته‌کانی ئورپا و ئه‌مریکا بۆ ناڕه‌زیاه‌تی ده‌ربڕین به‌ ئاکامی هه‌ڵبژاردن له‌ به‌رده‌می سه‌فاره‌ته‌کانی کۆماری ئیسلامی کۆ ده‌بنه‌وه‌ و دروشم دژی کۆماری ئیسلامی و بۆ پشتیوانی له‌ خه‌ڵكی ناڕازی له‌ ئێران و به‌تاڵ کردنه‌وه‌ی ئاکامی هه‌ڵبژاردنه‌کان ده‌ڵێنه‌وه‌.
بۆ ئه‌و مه‌به‌سته‌ خوێندکارانی ئێرانی له‌ زانکۆکانی له‌نده‌ن له‌ بریتانیا، بۆ گه‌یاندنی ده‌نگی ناڕازی خۆیان به‌ گوێی کار به‌ده‌ستانی کۆماری ئیسلامی، له‌ ڕۆژی یه‌کشه‌ممه‌وه‌ هه‌موو ڕۆژێک له‌ سه‌عات 4ی دوانیو‌ڕۆ تا 8:30 ی شه‌و کۆده‌بنه‌وه‌ و دروشم دژی کۆماری ئیسلامی ده‌ڵێنه‌وه و تا نووسینی ئه‌م هه‌واڵه‌ ئه‌و خۆپێشاندانه‌ درێژه‌یان هه‌یه‌.‌
به‌شێک له‌ دروشمه‌کان ئه‌مانه‌ بوون: مرگ بر دیکتاتۆر، خس وخاشاک توای دشمن این خاک توای، موسوی کروبی حمایت حمایت ریاست احمدی خیانت خیانت، ایران کفن پوش شده‌ ایرانی سیاه‌ پوش شده‌، زندانی سیاسی آزاد باید گردد، احمدی احمدی مرگ به‌ نیرنگ تو خون جوانان ما میچکد از چنگ تو و دروشمی جۆراو جۆری دیکه‌.
هه‌روه‌ ها به‌شدارانی ئه‌و خۆپێشاندانانه‌ داوا ده‌که‌ن که‌ ئاکامی هه‌ڵبژرادنه‌کان به‌ دروستی و به‌ قازانجی خه‌ڵک ڕابگه‌یه‌ندرێن.
حیزبی دێمۆکراتی کوردستان له‌ بریتانیا چالاکانه‌ بۆ پشتیوانی کردن له‌ خۆ پێشانده‌ران به‌شداری ئه‌و خۆ پێشاندانه‌ بوون.
نوێنه‌رایه‌تی حیزبی دێموکراتی کوردستان

بگه‌رێوه‌|ئەم بابەتە 1222 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact