. . . .


28 Dec 2010

درێژه‌ی ناڕه‌زایه‌تییه‌کان به‌ حوکمی ئێعدام له‌ ئێران، لە دەر?


ناوەندی هەواڵ: لە درێژەی ئەو ئاکسیۆن و خۆپیشاندانانەی دوابه‌دوای بەرزبوونەوەی ئاستی نیگه‌رانییه‌کان له‌مه‌ڕ ئه‌گه‌ری به‌ڕێوه‌چوونی حوکمی ئیعدامی حه‌بیوڵڵا له‌تیفی و هه‌روه‌ها بڵاوبوونه‌وه‌ی هه‌واڵی ئێعدامی دوو زیندانیی سیاسی له‌ رۆژی سێشه‌ممه‌ 28ی دێسامبر به‌رامبه‌ر به‌ 7ی به‌فرانبار له‌ گرتووخانه‌ی ئێوینی تاران، ژماره‌یه‌ک له‌ کورد و ئێرانییه‌کانی دانیشتووی پاریس دوانیوه‌ڕۆی هەمان رۆژ‌ له‌ گۆڕه‌پانی مافی مرۆفی پاریس خۆپێشاندانێکی ناره‌زایه‌تییان وه‌ڕێخست.
خۆپێشاندانه‌که‌ کاتژمێر 4:30 ی دوانیوه‌ڕۆ به‌ کاتی پاریس و به‌ ده‌قیقه‌یه‌ک بێ ده‌نگی بۆ گیانی قوربانیانی زوڵم و سه‌ره‌ڕۆیی رێژیمی دیکتاتۆریی کۆماری ئیسلامیی ئێران ده‌ستی پێکرد و تا کاتژمێر 6:30 ی دوانیوه‌ڕۆ به‌رده‌وام بوو.
خۆپێشانده‌ران که‌ پێکهاتبوون له‌ کورد و ئێرانییه‌کانی دانیشتووی پاریس به‌ دانی دروشم دژی کۆماری ئیسلامی و سیاسه‌ته‌ دژه‌گه‌لییه‌کانی ئه‌م رێژیمه‌ و مه‌حکوومکردنی ئێعدامی دوو زیندانیی سیاسی، عه‌لی سارمی و عه‌لی ئه‌کبه‌ری سیاده‌ت، خوازیاری هه‌ڵوه‌شانه‌وه‌ی حوکمی ئێعدامی حه‌بیوڵڵا له‌تیفی پوور و هه‌موو زیندانییه‌ سیاسییه‌کان بوون.
پێویسته‌ بگوترێ که‌ وه‌ک زۆربه‌ی حه‌ره‌که‌ته‌ ناره‌زایه‌تییه‌کان له‌ دژی کۆماری ئیسلامی و سیاسه‌ته‌کانی ئه‌م رێژیمه‌ دژی گه‌لییه،‌ به‌شێک له‌ ئه‌ندامانی حیزبی دێموکراتی کوردستان به‌شداریی چالاکه‌نه‌یان له‌م خۆپێشاندانه‌دا کرد.
xopishandan_paris1.jpg

بگه‌رێوه‌|ئەم بابەتە 941 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact