. . . .


18 Dec 2010

به‌ڕێوه‌چوونی رێوڕه‌سمێک له‌ پاریس به‌ بۆنه‌ی ساڵڕۆژی قه‌تڵ?


ناوه‌ندی هه‌واڵ- فه‌ڕانسه‌: دوانیوه‌ڕۆی رۆژی هه‌ینی 26ی سه‌رماوه‌ز له‌ یه‌کێک له‌ ساڵۆنه‌کانی "ئاژێکا" له‌ نزیک گۆڕستانی پێرلاشیز له‌ شاری پاریس به‌ ئاماده‌بوونی ژماره‌یه‌کی به‌رچاو له‌ چالاکانی سیاسی و که‌سایه‌تییه‌ ئیرانی و فه‌رانسه‌وییه‌کان، رێوڕه‌سمێکی به‌ شکۆ به‌ بۆنه‌ی سێزده‌یه‌مین ساڵوه‌گه‌ڕی قه‌تڵه‌ زنجیره‌ییه‌کان به‌ڕێوه‌چوو که‌ تێیدا ژماره‌یه‌ک له‌ رووناکبیران و نووسه‌ران و که‌سایه‌تییه‌ سیاسییه‌کانی دژبه‌ری رێژیم له‌ لایه‌ن ده‌زگای ئیتلاعاتیی کۆماری ئیسلامیی ئێرانه‌وه‌ به‌ شێوه‌یه‌کی دڕندانه‌ تیرۆرکران.
رێوڕه‌سمه‌که‌ کاتژمێر 8ی دوانیوه‌ڕۆ به‌ کاتی پاریس به‌ ده‌قیقه‌یه‌ک بێ ده‌نگی به‌ یادی قوربانیانی تیرۆریزمی کۆماری ئیسلامی ده‌ستی پێکرد. دواتر بێهروز عارفی وتارێکی تێروته‌سه‌لی له‌سه‌ر مێژووی تیرۆریزمی کۆماری ئیسلامی و راده‌ و ژماره‌ی قوربانیانی جینایه‌ت و تیرۆره‌کانی کۆماری ئیسلامی له‌ نێوخۆ و ده‌ره‌وه‌ی وڵات پێشکه‌ش کرد و به‌ ئاماژه‌ به‌ که‌سایه‌تی و رێبه‌رانی سیاسیی دژبه‌ری رێژیم به‌ تایبه‌ت شه‌هیدان دوکتور قاسملوو و دوکتور شه‌ره‌فکه‌ندی که‌ له‌ ده‌ره‌وه‌ی وڵات و به‌ ده‌ستی تیرۆریسته‌کانی کۆماری ئیسلامی تیرۆرکراون باسی له‌ پاڵپشتی فکری و ئیدئۆلۆژیکی تیرۆریزمی کۆماری ئیسلامی کرد که‌ له‌ راستی دا یه‌کێک له‌ کۆڵه‌که‌ سه‌ره‌کییه‌کانی بنه‌مای ئیدئۆلۆژیکی رێژیم پێک دێنن.
دواتر له‌ درێژه‌ی رێوره‌سمه‌که‌دا ژماره‌یه‌ک که‌سایه‌تی و رێکخراوی فه‌رانسه‌ویی به‌شداری رێوڕه‌سمه‌که‌ به‌ خوێندنه‌وه‌ی وتار و پێشکه‌ش کردنی په‌یامی رێکخراوه‌کانیان تیشکیان خسته‌ سه‌ر لایه‌نه‌ جۆراوجۆره‌کانی مێژووی تیرۆر له‌ کۆماری ئیسلامی دا و هه‌ر کام له‌ روانگه‌ی خۆیه‌وه‌ تیرۆر و جینایه‌ته‌کانی کۆماری ئیسلامیی مه‌حکووم کرد. به‌شێک له‌و که‌سانه‌ی له‌ رێوڕه‌سمه‌که‌دا وتاریان پێشکه‌ش کرد و په‌یامیان خوێنده‌وه‌ بریتی بوون له‌:
1) محه‌ممه‌د هامووری دۆستی محه‌ممه‌د جه‌عفه‌ری پوویه‌نده‌
2) هێنری کاڕپۆن له‌ لایه‌ن (PCF) حیزبی کۆمۆنیستی فه‌رانسه‌
3) کریستیان له‌ لایه‌ن (NPA) حیزنی نوێی دژه‌ سه‌رمایه‌داری
4) ئالیان باڕۆن له‌ لایه‌ن سه‌ندیکای سۆلیدێر
و چه‌ند که‌سی تر.
له‌ درێژه‌ی به‌رنامه‌که‌دا چه‌ند پارچه‌ موسیقای فه‌رانسه‌وی و ئێرانی پێشکه‌ش کرا.
پێویسته‌ بگوترێ که‌ کۆمیته‌ی حیزبی دێموکراتی کوردستان له‌ فه‌ڕانسه‌ له‌ لایه‌ن به‌ڕێوه‌به‌رانی ئه‌م رێوڕه‌سمه‌وه‌ بانگهێشت کرابوو و‌ ژماره‌یه‌ک له‌ ئه‌ندامانی حیزب له‌ پاریس ئاماده‌ی رێوڕه‌سمه‌که‌ بوون.
qatl-z.jpg

بگه‌رێوه‌|ئەم بابەتە 945 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact