. . . .


8 Dec 2010

پتەوکردنی هاوکاری نێوان گروپی پاڕلەمانتارانی مافی مرۆڤی بریتانیا و


ناوەندی هەواڵ - بریتانیا: لە درێژەی دیدار و چاوپێکەوتنەکان نوێنەرانیەتیی حیزبی دێموکراتی کوردستان لە بریتانیا له‌گەڵ حیزب و کەسایەتیەکانی ئەو وڵاتە،کاتژمێری 1 بۆ 3ی پاش نیوه‌رۆی ڕۆژی 7ی دسامبری 2010 له پارلمانی بریتانیا کاک "مه‌ولود سواره" نوێنه‌ری حیزبی دێموکراتی کوردستان له بریتانیا چاوی به به‌ڕێز "جێرمی کۆربین" ئه‌ندامی پارڵمانی بریتانیا و جێگری سەرۆکی گروپی پارلەمانتارانی مافی مرۆڤی بریتانیا که‌وت.
له‌و چاوپێکه‌وتنه‌دا سه‌ره‌تا باسێکی گشتی له سه‌ر ئاڵۆزیەکانی رۆژهه‌ڵاتی ناوه‌راست و بەتایبەت ده‌سوه‌ردانی کۆماری ئیسلامی ئێران له کاروباری وڵاتانی عێراق و ئه‌فغانستان و هه‌روه‌ها پشیوانی و په‌ره‌پێدانی تیرۆریسم له ناوچه‌که‌ و یارمه‌تیدانی ماڵی به "حیزب الله"ی لوبنان کرا.
ته‌وه‌رێکی دیکه‌ی دیداره‌که باسی پیشێلکاریه‌کانی مافی مرۆڤ بوو له کوردستانی ڕۆژ‌هەڵات و لەوانە هه‌ڵسوکه‌وتی کۆماری ئیسلامی له پیوه‌ندی له گه‌ل گرتن و ئازار و ئه‌شکه‌نجه و ئیعدامی زیندانیانی سیاسی و هه‌روه‌ها کوشتنی بێبەزەییانەی کاسبکارانی کورد که بۆ بژیوی رۆژانه‌ی مال و مندالێان هیچ رێگایەکی دیکە شك نابه‌ن جگە لەوەی لەسەر سنووری کوردستان کاری کۆڵبەری بکەن. هه‌ر له‌پیوه‌ندی له‌گه‌ل پێشێلکاریه‌کانی مافی مرۆڤ لە کوردستان لیستێك‌ له‌ سالی 2008 وه‌ تا سپتامبری 2010 ئاماده‌ کرابوو درا به‌و ئەندامەی پارلمانی بریتانیا و هه‌روه‌ها له‌ پیوه‌ندی له‌گه‌ل ئه‌و 21 زیندانیه‌ سیاسیانه‌ی کورد که‌ چاوه‌روانی ئیعدامن به‌ڕیزیان به‌ڵێنیان دا که‌ له‌و پیوه‌ندیه‌دا نامه‌یه‌ک ئاراسته‌ی کاربه‌ده‌ستانی ئێرانی بکه‌ن.
mewlud_mafi-mrov.jpg

بگه‌رێوه‌|ئەم بابەتە 2659 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact