. . . .


3 Dec 2010

لۆرد ئیفبێری له‌هه‌وڵی وه‌گه‌ر خستنه‌وه‌ی په‌روه‌نده‌ی قه?


رۆژی پێنج‌شه‌ممه‌ رێکه‌وتی 2ی دێسامبری 2010 به‌ڕێز لۆرد ئێڤبێری له‌ وتارێکدا له‌ مه‌جلیسی لۆردان باسی بارودۆخی خراپی مافی مرۆڤ له‌ کوردستانی ئێرانی کرد و ئاماژه‌ی به‌ کرده‌وه‌ نامرۆڤانه‌کانی رێژیمی کۆماری ئیسلامی له‌ تێرۆری رێبه‌رانی گه‌لی کورد له‌ ده‌ره‌وه‌ی وڵاتی کرد. ئه‌مه‌ش ده‌قی ئه‌و به‌شه‌ له‌ وتاره‌که‌ی به‌ڕێزیان له‌ په‌یوه‌ندیی له‌ گه‌ڵ گه‌لی کورد:

دیوی لۆرده‌کان پێنج شه‌ممه‌ 2ی دسامبری 2010‌

"... کورده‌کان هه‌میشه‌ له‌ ئێران و به‌شه‌کانی تری ناوچه‌که‌ به‌ خراپترین شێوه‌ چه‌وسێنراونه‌و (ئه‌زیه‌ت و ئازار دراون).
مه‌ئموره‌کانی ڕژیمی ئێران ڕێبه‌ری گه‌وره‌ی کوردان دوکتۆر عبدالره‌حمان قاسملوویان له‌ میانه‌ی کۆبوونه‌وه‌یه‌ك دا که‌ بۆ تاو و توێ کردنی ئاشتی له‌ 1989 له‌ ویه‌ن گیرابوو، تێرۆر کرد و دواتر له‌ 17 سپتامبری 1992 جێگره‌که‌ی، دوکتور شه‌ره‌فکندیشیان له‌ ڕیستۆرانی میکونۆس له‌ بێرلێن کوشت. له‌ مانگی سپتامبر دا داوام له‌ جه‌نابی وه‌زیر ئالێستر بێرت کرد تا ئه‌گه‌ر بکرێ زه‌خت بخاته‌ سه‌ر ئوتریشیه‌کان بۆ بڵاوکردنه‌وه‌ی په‌روه‌نده‌ی قه‌تڵی قاسملو هه‌ر وه‌ك ئالمانیه‌کان له‌ په‌یوه‌ندیی له‌ گه‌ڵ په‌روه‌نده‌ی شه‌ره‌فکه‌ندی کردیان. جێگه‌ی ڕیز وپێزانینن. من خۆشحال ده‌بم که‌ بزانم دۆستی به‌ڕێزم له‌و په‌یوه‌ندییه‌دا چ شتێکی کردووه.
سه‌باره‌ت به‌ هه‌ل و مه‌رجی کورده‌کان ده‌بێ بلێم که‌ هه‌ر ئێستا 21 کورد چاوه‌روانی ئێعدام ده‌که‌ن که‌ که‌ له‌ناو ئه‌واندا ژنێک به‌ ناوی زه‌ینه‌ب جه‌لالیان به‌ر چاو ده‌که‌وێ که‌ به‌ "موحاره‌به‌" واته‌ "دژایه‌تیی خودا" مه‌حکوم کراوه‌.
به‌ وته‌ی پرۆژه‌ی مافی مرۆڤی کورد- که‌ خۆم سه‌رپه‌رشتیی ده‌که‌م- ناوبراو پاش ده‌سبه‌سه‌ر کران له‌ سالی 2008 بۆ ماوه‌ی 8 مانگ به‌ر له‌وه‌ی دادگای ئینقلابی کرماشان حوکمی ئیعدامی به‌سه‌ر داسه‌پێنێ، به‌ تاقخراوه‌یی له‌ زیندانی نیرووی ئینیزامی دا ڕاگیراوه. ‌ پاشان له‌ ماوه‌ی دادگای کردنێکی کورتی چه‌ند خوله‌کی دا " ناوبراو مافی دیتنی وه‌کیله‌که‌ی نه‌دراوه‌تێ و کاتێك داوا ده‌کا که‌ ئیزنی دوایین دیدار ده‌گه‌ل بنه‌ماله‌که‌ی پێ بدرێ قازی پێ ده‌ڵێ " "بێده‌نگ به"‌.
کاک مه‌ولود سواره‌ نوێنه‌ری حیزبی دێموکراتی کوردستان له‌ بریتانیا ئاماده‌ی کۆبونه‌وه‌که‌ بوون.
نوێنه‌رایه‌تی حیزبی دێموکراتی کوردستان بریتانیا

بگه‌رێوه‌|ئەم بابەتە 2638 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact