. . . .


10 Nov 2010

به‌شداری هه‌یئه‌تێکی کومیته‌ی بلژیک و یه‌کێتی لاوان له کۆبوونه?


ناوەندی هەواڵ - بلژیک: رۆژی سێ‌شه‌ممه رێکه‌وتی 9ی ئۆکتۆبری 2010 هه‌یئه‌تێکی کومیته‌ی بلژیک به سه‌رپه‌رستی هاورێ کاوه ئاهه‌نگه‌ری و هه‌یئه‌تێکی یه‌کێتی لاوان به سه‌رپه‌رستی هاورێ سامان ئاراسته‌فه‌ر له کۆبوونه‌وه‌ی'' تاوتوێ کردنی دۆخی کورد'' له خانه‌ی پاڕلمانتارای بلژیک به‌شداریان کرد.
له‌م کۆبوونه‌وه‌یه‌دا که له لایه‌ن به‌ڕێز یان بخین، جێگری پێشووی سه‌رۆکی پارلمانی بروکسێله‌وه به‌ڕیوه‌ ده‌چوو، نوێنه‌ری ئه‌حزابی وه‌ک : بێ‌ دێ پێ (تورکیه)، پارتی دێموکراتی کوردستان (عێراق)، حیزبی دێموکراتی کوردستان (ئێران) و یه‌کێتی لاوانی دێموکراتی رۆژهه‌ڵاتی کوردستان، وه‌ک حیزب و رێکخراوه‌ی کوردستانی و نوێنه‌رایه‌تی ، حیزبی سۆسیال دێموکرات، حیزبی ئێتلافی نوێی ڤلاندرێن، ئاسیستانی بارت ستاس ئه‌ندامی پاڕلمانی ئوروپا، ئاسیستانی خانمی فریدا بریپولس ئه‌ندامی پارلمانی ئوروپا، نوێنه‌ری حزیبی دێموکرات مه‌سیحی و چه‌ند رۆژنامه‌وان و که‌سایه‌تی سه‌ربه‌خۆ به‌شداری ئه‌م کۆبوونه‌وه‌یه‌ بوون.
شایانی باسه هه‌ر یه‌ک له پارته کوردییه‌کان سه‌ره‌تا لێکدانه‌وه و راپۆرت خۆیان له‌سه‌ر کوردستان هێنایه به‌رباس و دواتر له لایه‌ن به‌شدارانه‌وه پرسیار ده‌هاته گٶڕێ و وڵام ده‌درانه‌وه.
هاورێ کاوه ئاهه‌نگه‌ری وه‌ک نوێنه‌ری حیزبی دێموکراتی کوردستان له‌م کۆبوونه‌وه‌یه‌دا باسێکی له‌سه‌ر دۆخی مافی مرۆڤی کورد له ئێران، کێشه‌ی ناوه‌کی و که‌یسی مافی مرۆڤ له لای ئوروپاییه‌کان و چاوه‌ڕوانی چالاکانی مافی مرۆڤ و روانگه‌ی حیزبی دێموکراتی له‌م پیوه‌ندییه‌دا هێنایه به‌رباس.
هه‌روه‌ها راپۆرتی بارددۆخی مافی مرۆڤ که له لایه‌ن کومیته‌ی ده‌ره‌وه ئاماده‌کرابوو پێشکه‌ش به به‌شداران کرا.
parlman.jpg

بگه‌رێوه‌|ئەم بابەتە 2549 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact