. . . .


8 Nov 2010

به‌رێوه‌چوونی سمینارێک له‌وڵاتی فێنلاند له‌لایه‌ن یه‌کیه‌??


لە لایەن یه‌کیه‌تی ژنانی دێموکراتی کوردستان و کمیتە ناوچەی حیزبی دێموکڕاتی کوردستان لە شاری لاهتی و بە هاوکاری یه‌کیه‌تی لاوانی دێمۆکراتی رۆژهەلاتی کوردستان له‌و شاره‌، رۆژی شه‌ممه‌ 15ی خه‌زه‌ڵوه‌ر سمینارێکی زانستی به‌رێوه‌ چوو.
ئەم سمینارە که‌ سێ تەوەری پزشکی، کولتوری ومافی مرۆڤی له‌ خۆ گرتبوو، بە مەبەستی هەنگاونان بۆ دامەزرانی بنکه‌یەکی کولتوری رێکخرابوو کە بتوانێ بنەماڵەکان بەگشتی و بەتایبەت تاکەکانی روناکبیری کورد لەم شارە زیاتر لەدەوری یەک بۆ چالاکیە فەرهەنگی و کولتوریەکان کۆ بکاتەوە.
له‌ سه‌ره‌تای سمیناره‌که‌دا دوکتور عەلی شەریف‌پوور، پزیشکی ناسراوی شاری لاهتی باسێکی زانستی پزشکیی لە سه‌ر جیاوازیی کولتوریی کوردی و فنلەندی پێشکەش کرد.
دواتر رێبوار کریمی، چالاکی سیاسی و نوێنەری پرۆژه‌یه‌کی مافی مرۆڤ لە وڵاتی فنلاند باسێکی بەنرخی لە سەر تەوەری کولتور و مافی مرۆڤ پێشکەشی کۆرەکە کرد .
له‌ به‌شی کۆتایی ئه‌و سمیناره‌دا رەحمان مەعزوری، ئەندامی کومیتەی گشتیی حدک لە فنلەند و بەرپرسی هەرێمی هلسینکی ئەو حیزبە، باسێکی کورتی لەبابەت زەرورەتی پێکهێنانی بنکه‌یه‌کی فەرهەنگی و رۆلی تاکەکانی سیاسی لەم شارە بۆ شکل گرتنی ئەم جۆرە بنکانە خسته‌ به‌ر باس.
نێوئاخنی بەرنامەکان بە شعر، گۆرانی، هەلپەرکێ، خەلات دان بە لاوەکانی سەرکەوتوی شاری لاهتی، خۆ ناساندنی گروپی باسکیل سوارانی کورد لە فنلاند تەرخان کرابوو.
شایانی باسە روناکبیران و چالاکانی بواری فەرهەنگی لەشارەکانی (تورکوـ یوڤاسکۆلا ـ کۆوڤۆلا ـ هلسینکی ـ لاهتی و پۆرڤۆ ) بە پێشنیار و پرسیار و رەخنە چالاکانە لە سمینارەکە دا بەشدار بون.
وێنەی زیاتری ئەو سمینارە لێرەوە ببینە

بگه‌رێوه‌|ئەم بابەتە 1309 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact