. . . .


24 Sep 2010

ناڕه‌زایه‌تی کۆمه‌ڵێک ئازادیخواز له‌ شاری ماری هامن،ی فینلاند ??


ناوه‌ندی هه‌واڵ- فینلاند: ‌رۆژی شه‌ممۆ رێکه‌وتی 18 ی سێپتامبری 2010، له‌ شاری ماری هامن – ناوه‌ندی ئۆله‌ند- ی فینلاند، به‌ دژی ئیعدام به‌ گشتیی و سه‌نگسار به‌تایبه‌تی، ژماره‌یه‌ک له‌ کورد و فارسه‌کانی ئه‌و شاره‌، به‌ هاوکاری حیزبی سوسیال دێموکڕات، ، چه‌ند ئه‌ندام پارڵمانی ئۆله‌ند و ئه‌نجومه‌نی چه‌ند فه‌رهه‌نگیی ئه‌و دوڕگه‌یه‌، چالاکی ئیمزا کۆکردنه‌وه‌یان بۆ نا کوتن به‌ به‌ردبارانی سه‌کینه‌ محه‌ممه‌دی ئاشتیانی ئه‌نجام دا، که‌ پشتیوانی باشی لێکرا. هه‌روه‌ها له‌وێ راگه‌یاندرا که‌ له‌ چوارشه‌ممۆ دا، فیلمێک له‌سه‌ر سه‌نگسار نیشان ده‌ده‌رێ.
ئیواره‌ی چوار شه‌ممۆ رێکه‌وتی 22 ی سێپتامبر، فیلمی سه‌نگساری سوڕڕیا مه‌نووچێهری، له‌ نووسێنی سیروسی نه‌وڕه‌سته‌ و ده‌وری به‌هێزی شۆهره‌ ئاغداشلوو و رۆڵی مه‌زلوومانه‌ی په‌رویزی سه‌ییاد(سه‌مه‌د)، بۆ به‌شداران - له‌ ساڵۆنێکی ناوه‌ندی یه‌کیه‌تیی ئه‌نجومه‌نه‌ فه‌رهه‌نگییه‌کانی ئۆله‌ند- پێشاندرا. فیلمه‌که‌ به‌زمانی فارسی و ژێرنووسی سوئێدی بوو.
له‌ دوای ته‌واو بوونی فیلمه‌که‌ 6 که‌س له‌ به‌شداربووان- که‌ سێ که‌سیان پارڵمانتێر بوون-، بیروڕای خۆیان سه‌باره‌ت به‌ بارودۆخی ژنان و کچان له‌ ئێران ده‌ربڕی. ژنه‌ کوردێک زۆر به‌ڕاشکاوی باسی ناله‌باری ژیانی ژنان و نابه‌رانبه‌ری جینسییه‌تی له‌ئێرانی ئیسلامی کرد و ناره‌زایه‌تیی خۆی له‌ به‌ هێند نه‌گرتن و ته‌نانه‌ت باوه‌ڕنه‌کردنی ئه‌و داستانه‌ی له‌ فیلمه‌که‌ بینیان، ده‌ربڕی و کوتی: به‌داخه‌وه‌ له‌ ئێران هه‌ر ئێستا ، سه‌کینه‌ محه‌ممه‌دی ئاشتیانی چاوه‌ڕوانیی به‌ردباران یا ئێعدامی به‌شێوه‌یه‌کی تره‌ که‌ له‌ هه‌واڵه‌کان دا، جێی باسی تایبه‌تییه‌. به‌ڵام له‌ لای ئێوه‌ به‌هێند ناگیرێ. چونکه‌ بۆخۆتان ئاسووده‌ و بێ مه‌شکیله‌ن له‌وباره‌یه‌دا، پێتان وانیه‌، ئه‌و شتانه‌ی ئێمه‌ باسیان ده‌که‌ین ڕاستن!؟ بۆیه‌ پێویسته‌ له‌ ئۆله‌ند بنکه‌یه‌کی تایبه‌تی پشتیوانی له‌ ژنانی ئێران دابندرێ. یه‌کێک له‌ پارڵمانتێره‌کان- که‌ ژن بوو- پێشوازی له‌و پێشنیاره‌ کرد و به‌ڵێنی دا له‌ پارڵمانی ئۆله‌ند باسی بکا.

بگه‌رێوه‌|ئەم بابەتە 1064 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact