. . . .


24 Sep 2010

به‌شداری هه‌یئه‌تێکی حدک له کۆبوونه‌وه‌ی رێکخراوی نه‌ته‌وه???


ناوەندی هەواڵ - سویس: رۆژی 23ی سێپتامبر هه‌یئه‌تێکی حیزبی دێموکراتی کوردستان پێکهاتوو له هاورێیان گوڵاڵه شه‌ڕه‌فکه‌ندی، کاوه ئاهه‌نگه‌ری و ئاره‌زوو که‌ریمپور له کۆبوونه‌وه‌کانی ساڵانه‌ی شورای مافی مڕۆڤی نەتەوە یەکگرتووەکان له ژنێڤ به‌شداریان کرد. هەر لە چوارچێوەی ئەو شورایە دا، کۆبوونه‌وه‌ی تایبه‌ت به مافی مرۆڤی ئیتنیکه‌کان له ئێراندا پێکهات کە هاورێ کاوه ئاهه‌نگه‌ری وتاری پێشکه‌ش کرد.
به‌شدارانی پانێلی رۆژی 23ی سێپتامبر بریتی بوون له:
جه‌مشید ئه‌نوه‌ر، به‌ڕیوه‌ر
دیان عه‌لایی، نوێنه‌ری کۆمه‌ڵگای جیهانی به‌هائیان
گوڵمراد مرادی، نوێنه‌ری یارسانیان
کاوه ئاهه‌نگه‌ری، نوێنه‌ری حیزبی دێموکراتی کوردستان
ساسان ئه‌مجه‌دی، چالاکی مافی مرۆڤی کورد
فه‌رید به‌هه‌شتی، نوێنه‌ری تازه مه‌سیحیه‌کان
نازه‌نین ئه‌نساری، نوێنه‌ری ئایه‌توللا بروجێردی
شاناز غوڵامی، چالاکی سیاسی تورکی ئازه‌ری
خوسره‌و عه‌بدووڵاهی، نوێنه‌ری کۆنگره‌ی نه‌ته‌وه‌کانی ئێرانی فیدڕال
دیان عه‌لایی به ئاماژه به بی‌ڕیزی حاکمییه‌ت به ئایینه‌کانی غه‌یره شیعه‌ له ئێران، باسی له‌وه‌ کرد که حاکمیت له کرده‌وه‌شدا‌‌ وه‌ک ‌ گرتن و ئه‌شکه‌نجه‌ و وێرانکردنی ماڵی به‌هائیان، خه‌ریکی ئه‌زییه‌ت و ئازاری په‌یڕه‌وانی ئایینی به‌هائیه‌ و ته‌نانه‌ت له یاسای بنچینه‌یی ئێراندا ناوی ئاینی به‌هایی نه‌هاتووه و وه‌ک دینه‌کانی دیکه‌ی زه‌رده‌شتی و مه‌سیحی و جولەکە، دانیان پێ‌دانه‌ندراوه.
دوکتور گولمراد مرادی له باسه‌که‌ی دا ئاماژه‌ی به پێشیلکردنی مافه‌کانی په‌یڕه‌وانی ئایینی یارسانی کرد و وێرای داکۆکی لە مافی له یارسانیەکان وه‌ک ئایینێکی له‌مێژینه‌ی کوردان له سەر فه‌لاتی ئێران، کۆمەڵێک به‌ڵگه‌و راپۆرتی سه‌باره‌ت به پێشێلکارییه‌کانی مافی یارسانیانی کوردستان له ئێراندا پێشکه‌س به به‌شداربوان کرد.
کاوه ئاهه‌نگه‌ری ئەندامی رێبەری و نوێنه‌ری حیزبی دێموکراتی کوردستان بۆ کاروباری یه‌کێتی ئوروپا، باسه‌که‌ی خۆی له‌سه‌ر هۆکاره‌کان و چۆنێتی پێشێلکاری مافی مرۆڤ له ئێراندا پێشکه‌ش کرد. هاورێ ئاهه‌نگه‌ری پێشه‌کی به ئاماژه به واقعی جۆراوجۆری کۆمه‌لگای ئێرانی له بواری کولتوری، ئایینی و کۆمه‌ڵایه‌تییه‌وه، باسی ناهاوئاهه‌نگی نێوان فۆرمی حقوقی سیاسی ئێران و پێکهاته‌ جۆراوجۆره‌که‌ی کرد. ناوبراو یاسای بنچینه‌یی ئێرانی به یاسایه‌کی نامۆ به نیسبه‌ت واقعی ئێران ناوبرد و وتی که خودی یاسا خۆی له‌خۆیدا پێوه‌ندی و سنخییه‌تی له‌گه‌ڵ پێکهاته‌ی پلۆڕالی ئێران نیه و ته‌نانه‌ت ئه‌گه‌ر یاسای ئێستاکه‌ سه‌د له سه‌دیش به‌ڕێوه‌ بچێت، عه‌ینی پێشلکاری رووده‌دات و ئه‌مه‌ش ده‌گه‌رێته‌ ئه‌وه‌ی که ئه‌م یاسایه ئاوێنه و نوێنگه‌ی هه‌موو پێکهاته‌کانی نیو ئیران نیه، بۆیه به پێچه‌وانه‌ی بۆچوونی هه‌ندێک که‌س که پێیانوایه ئه‌گه‌ر یاسا به‌رێوه‌بچێت، ئەوا دێموکراسی ده‌سته‌به‌ر ده‌بێ، ته‌نانه‌ت به‌ڕێوه‌چوونی یاسا پێشێلکاری ئوتوماتیکی مافی زۆرینه‌ی پێکهاته‌ی ئێرانه.
هاورێ ئاهه‌نگه‌ری له به‌شێکی دیکه‌ی باسه‌که‌یدا ئاماژه‌ی به ده‌سته‌لاتداری خوێندنه‌وه‌ یان ته‌فسیری تاقمێک له کۆماری ئیسلامی ئێراندا کرد که له سه‌ره‌وه‌ی یاسادا جێیان گرتووه و ته‌فسیری ئه‌وان ده‌بێته حوکمی حوکومه‌تی. بۆیه گه‌لانی ئێران تووشی سته‌می دووقات ده‌بن. نوێنەری حیزبی دێموکراتی کوردستان له کۆتاییدا ئاماژه‌ی به پێویستیی نووسینه‌وه‌ی یاسایه‌کی نوێ بۆ ئیداره‌ی ئێرانکرد که ئاوێنه‌ی هه‌موو پێکهاته کولتوری و کۆمه‌ڵایه‌تییه‌کان بێ و به له‌به‌رچاوگرتنی واقعی پلوڕاڵی ئێران، سیسته‌می سیاسی فیدڕالی به سیسته‌مێکی گونجاو بۆ ئیداره‌ی ئێران ناوبرد.
له به‌شێکی دیکه‌ی پانێلدا ساسان ئه‌مجه‌دی راپۆرتێکی سه‌باره‌ت به پێشێلکاری مافی مرۆڤی کورد له ئێراندا پێشکه‌شکرد و له میانه‌ی راپۆرته‌که‌یدا ورده‌کاریی و چۆنیتی ته‌عامول له‌گه‌ل کورد له ئێران، چ لە بواری سیاسی و چ غه‌یره‌ سیاسی دا، خسته‌روو.
فه‌رید به‌هه‌شتی وه‌ک موسوڵمانێک که بووه‌ته مه‌سیحی ئاماژه‌ی به کێشه‌کانی به‌رده‌م ئه‌و ئێرانیانه‌ کرد که وه‌ک موسڵمان دینی خۆیان ده‌گۆڕن و چۆن له لایه‌ن حاکمییه‌ته‌وه ده‌که‌ونه ژێر گووشار و ژیانیان ده‌که‌وێته مه‌ترسییه‌وه.
نازه‌نین ئه‌نساری وه‌ک نوێنه‌ری ئایه‌تووڵا بروجێردی ئاماژه‌ی به‌وه کرد که له ئێراندا نه‌ ته‌نیا ئایینه‌کانی غه‌یره شیعه به‌ڵکوو ئایه‌تووڵا بروجێردی و په‌یره‌وانی ناوبراویش کە شیعەن، ده‌که‌ونه ژێر گوشاره‌وه. ئه‌نساری وتی که ته‌نیا ئه‌و تووند ئاژۆیانەی که باوه‌ڕیان به ولایه‌تی موتڵه‌قه‌ی فه‌قیه هه‌بێ، لەو وڵاتە دا مافی بوونیان هه‌یه‌.
شاناز غوڵامی وه‌ک چالاکێکی سیاسی تورکی ئازه‌ری که زیاتر له شازده ساڵ له لایه‌ن دادگای رژیمه‌وه حوکم دراوه و پێنج ساڵ و سێ مانگ له به‌ندیخانه‌دا بو‌‌وه، له باسه‌که‌ی خۆیدا ئاماژه‌ی به پیشلکردنی مافه‌کانی نه‌ته‌وه‌ی تورکی ئازه‌ری کرد و وتی که له سی ساڵی رابردوودا، له رێگه‌ی جۆراوجۆره‌وه بێ‌ڕێزی به ئازه‌رییه‌کان کراوه. شاناز غولامی هەروەها ئاماژه‌ی به خوێندن به زمانی تورکی ئازه‌ری وه‌ک مافێکی سه‌ره‌تایی و بنه‌ڕه‌تی کرد که گه‌لی تورکی ئازه‌ری لێی بێ‌به‌شن.
خوسره‌و عه‌بدووڵاهی وه‌ک نوێنه‌ری کۆنگره‌ی نه‌ته‌وه‌کانی ئێرانی فیدڕال، ئاماژه‌ی به پێشکارییه‌کانی مافی نه‌ته‌وه‌کانی ئێران کرد و وێڕای ره‌دکردنی ته‌جزیه‌ و تجزیه‌طلبی له ئێراندا وتی که کۆنگر‌ه‌ی نه‌ته‌وه‌کانی ئێرانی فدراڵ بۆ ئیداره‌ی ئێران فدرالیسم به شێوه‌یه‌کی گونجاو پێشنیار ده‌کات.
شایانی باسه که به‌شی کۆتایی پانێله‌که‌ بۆ پرسیار و وڵام ته‌رخانکرابوو و له کاتژمێر 3 هه‌تا 5ی دوای‌نیوه‌ڕۆی خایاند.
jnef_kawe.bmp

بگه‌رێوه‌|ئەم بابەتە 1215 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact