. . . .


19 Sep 2010

گوڵاڵە شەرەفکەندی: هێشتا لایەنی ناروون لە چۆنیەتی رووداوی میکونوس ?


ناوەندی هەواڵ - ئاڵمان: لە میانەی سمینارێک دا کە بە بۆنەی تێپەڕبوونی ١٨ ساڵ بە سەر تیرۆری دوکتور سەعید شەرفکەندی سکرتێری ئەوکاتی حیزبی دێموکراتی کوردستان و هاوڕێیانی، بۆ خاتوو گوڵاڵە شەرفکەندی لە شاری کۆڵنی وڵاتی ئاڵمان رێکخرا، ناوبراو رایگەیاند کە سەرەرای بە ئاکام گەیشتنی دادگای میکونوس، هێشتا لایەنی ناروون لە چۆنیەتی بەڕێوەچوونی ئەو جنایەتە دا ماوەتەوە.
سمینارەکە ئێوارەی رۆژی‌ ١٨ی سێپتامبری ٢٠١٠ له‌ لایه‌ن کۆمیته‌ی حیزبی دێموکڕاتی کوردستان له‌ ئاڵمان بە بۆنەی ١٧ی سێپتامبر هەژدەهەمین ساڵڕۆژی تیرۆری بێرلین شەهیدبوونی هاوڕێیان دکتور سادق شه‌ڕه‌فکه‌ندی، کاک فه‌تاح عه‌بدولی، کاک هومایون ئه‌رده‌لان و کاک نووری دێهکوردی پێک هات .
دوای پێشکەش کرانی پەخشانێک لە یادی شەهیدبوونی دوکتور سەعید و هاوڕێیانی، له‌ سه‌ره‌تای سمیناره‌که‌دا خاتوو گوڵاڵه‌ شه‌ره‌فکه‌ندی ئه‌ندامی مشاویری کۆمیته‌ی ناوه‌ندی حیزب باسەکەی لە مەڕ تیرۆری میکونوس پێشکەش کرد و تێیدا ئاماژه‌ی به‌ چۆنیه‌تی پیلانی کۆماری ئیسلامی بۆ تێرۆی سکرتێری گشتی حیزب کاک دوکتۆر سه‌عید و هاوڕێێانی و ڕه‌وتی دادگای میکۆنوس کرد. پاشان باسی له‌ ئاکامی دادگا کرد و هاوکات راشیگەیاند کە هێشتا زۆر لایه‌نی ئێستاش ناڕوونی ئه‌و ڕووداوه ‌ماونەتەوە. بەڕێز شەرەفکەندی پێی وابوو که‌ ده‌گه‌ڵ ئه‌وه‌یکه‌ دادگای میکونوس یه‌که‌م دادگا بوو‌ که‌ له‌ودا ماشێنی تێرۆری کۆماری ئیسلامی له‌ ده‌ره‌وه‌ی وڵات کەوتە بەردەم‌ دادگا و حوکم درا، به‌ڵام ئێستاس زۆر پرسیاری بێ وه‌ڵامی وه‌ک چۆنیەتی ئاگاداربوونی کانگای هه‌واڵگریی کۆماری ئیسلامی له‌ کات و چۆنیه‌تی شوێنی هاوڕێیانی حیزب و به‌شداری نه‌کردنی چه‌ند لایه‌ن و که‌سایه‌تیه‌ک له‌ دانیشتنه‌که‌دا ماونه‌وه‌ که‌ ده‌کرێ لێکۆڵینه‌وه‌یان له‌سه‌ر بکرێ.
به‌دوای با‌سه‌که‌ی خاتوو شه‌ڕه‌فکه‌ندیدا به‌شداران تێبینی و پرسیاره‌کانی خۆیان باس کرد که‌ له‌لایه‌ن خاتوو گوڵاڵه‌وه‌ وڵامیان پێدرایه‌وه‌.
سمیناره‌کا دوای نێزیک به‌ 3 کاتژمێر له‌ نێو پێشوازیی گەرمی به‌شداراندا کۆتایی پێ هات .
وێنەهەواڵی سمینارەکە لێرەوە ببینە

بگه‌رێوه‌|ئەم بابەتە 1029 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact