. . . .


7 Sep 2010

به‌شداری کۆمیته‌ی ئوتریش له‌ فیستڤاڵی ساڵانه‌ی حیزبی کۆمنیست


ناوەندی هەواڵ – ئوتریش: له‌ ڕۆژه‌کانی ٤ و ٥ مانگی سێپتامبری ٢٠١٠ فیستڤاڵی ساڵانه‌ی حیزبی کۆمنیستی ئوتریش له‌ شاری وییه‌ن پێته‌ختی ئه‌م وڵاته‌ به‌ به شداری سه‌دان ستاندی جۆراوجۆر به‌ڕێوه‌چوو.
هاوڕێیانی حیزبی دیمۆکڕاتی کوردستان له‌ کۆمیتەی ئوتریش‌ به‌ پشتیوانی و هاوکاری دۆستان و لایەنگرانی حیزب لەو وڵاتە توانیان به‌ سه‌رکه‌وتویه‌کی ته‌واوه‌وه‌ له‌ و فیستیڤاڵه‌ دا به‌شداری بکه‌ن.
ستاندی کۆمیته‌ی حدک له‌ ڕێزی ئه‌و‌ ستاندانه دابوو که‌ ‌ سرنجی خه‌ڵکانێکی یه‌کجار زۆری بۆ لای خۆی ڕاکێشابوو.
له‌ ماوه‌ی ئه‌م دوو ڕۆژه‌دا ستاندی کۆمیته‌ی حیزبی دیمۆکرات نه‌ک هه‌ر جێگای سرنجی خه‌ڵکێکی زۆری خاریجی بوو که‌ به‌ پێی مه‌زنده‌ ده‌یان هه‌زار که‌س به‌شداری ئه‌م فیستیڤاڵه‌ بوون، به‌ڵکو ناوه‌ندێکی به‌ یه‌ک گه‌یشتنه‌وه‌ و حه‌سانه‌وه‌ی کوردستانیانی نیشتەجێی ئەو وڵاتەش بوو، که‌ له‌ ماوه‌ی ئه‌م دوو ڕۆژه‌دا سه‌ردانی ستاندی کۆمیته‌یان کردو زۆریه‌کیش له‌ وانه‌ به‌ دڵه‌وه‌ له‌ ڕاپه‌ڕاندنی کاروباره‌کاندا به‌شداریان کرد که‌ بوو به‌ مایه‌ی خۆشحاڵی ئه‌ندامانی کۆمیته‌و دۆستانی حیزب.
له‌ ماوه‌ی ئه‌م فیستیڤاڵه‌دا تێکۆشه‌رانی دیمۆکرات توانیان له‌ گه‌ڵ سه‌دان که‌س ڕاسته‌و خۆ بکه‌ونه‌ باس و لێدوان و له‌ هه‌موی ئه‌و په‌یوه‌ندیانه‌دا، ئاگاداریه‌کی زۆر له‌ سه‌ر کوردستان و هه‌ڵس و که‌وتی نامرۆڤانی رێژیمی کۆماری ئیسلامی ئێران سه‌باره‌ت به‌ ڕۆڵه‌کانی ئه‌م گه‌له‌، به‌ خه‌ڵکی خوازیار بگه‌یه‌نن.
به‌ هۆی دروست کردنی نان و که‌لانه‌ی کوردی له‌ مه‌یدانی به‌رینی ستانددا و هه‌روه‌ها بونی خواردنی کوردی و کەلوپەلی کوردەواری ستاند ببو بە جیگای سرنجی به‌شداران.
شیاوی ئاماژەیە کە ژنانی ئه‌ندام و دۆست و لاینگرانی حیزب له‌م وڵاته‌ به‌ماندو بونێکی زۆر توانیان ڕه‌سه‌نایه‌تی نه‌ته‌وه‌که‌یان به‌ هه‌زاران که‌س نیشان بده‌ن.
ستاندی حیزب یه‌کێک له‌ ڕازاوه‌ترین ستانده‌کان بو‌ که‌ به‌ چه‌ندین ئاڵای پیرۆزی کوردستان و به‌ ئاڕمی حیزب و وێنه‌ی ڕابه‌رانی شه‌هید و زانیاری له‌ سه‌ر کورد و کوردستان به‌ شێوه‌یه‌کی زۆر جوان ڕازابۆوه‌.
له‌ کۆتای دا کۆمیته‌ی ئوتریش به‌ ئه‌رکی سه‌رشانی خۆی ده‌زانێ سوپاس و پێزانینی خۆی بۆ ئه‌و هه‌موو هاوکاری و ماندوو بوونه‌ی ئه‌ندامان و لاینگران و دۆستانی حیزب لەو فیستیڤاڵەدا ده‌رببڕێت
وێنە هەواڵی ئەم فیستیڤاڵە لێرەوە ببینە

بگه‌رێوه‌|ئەم بابەتە 1151 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact