. . . .


6 Sep 2010

ڕاپۆرتی به‌ڕێوه‌چوونی یادی 25ی گه‌لاوێژ له ڕۆزئاوای کانادا


ناوەندی هەواڵ: ڕۆژی هه‌ینی، 12 ی خه‌رمانان کومیته‌ی حیزبی دێموکراتی کوردستان له ڕۆژئاوای کانادا به‌ به‌ڕێوه‌بردنی رێوڕه‌سمێک یادی25 ی گه‌لاوێژ شه‌ست و پێنجه‌مین ساڵڕۆژی دامه‌زرانی حیزبی دێموکراتی کوردستانی به‌رز راگرت.

سه‌ره‌تا رێوڕه‌سمه‌که به‌ وته‌کانی به‌ڕیوه‌به‌ری به‌رنامه‌که‌ " خاتوو شنه‌ ئه‌مینی" و پاشان‌ سروودی نه‌ته‌وایه‌تیی ئه‌ی ره‌قیب و راگه‌یاندنی ده‌قیقه‌یه‌ک بێده‌نگی بۆ رێزگرتن له‌ یادی شه‌هیدانی حیزب و گه‌ل ده‌ستی پێ کرد.
دواتر پیامی پیرۆزبایی کومیته‌ی حیزب دێموکراتی کوردستان له ڕۆژئاوای کانادا له لایه‌ن ئه‌نوه‌ر که‌ریمی، به‌رپرسی کۆمیته‌وه‌ خوێندرایه‌وه‌.
له‌م ‌په‌یامه دا وێڕای پیرۆز بایی ئه‌م یاده پیرۆزه له به‌شدار بووان، و کۆمه‌لانی
ئازادیخوازی کوردستان و گشت کادر و پێشمه‌رگه و ئه‌ندامانی حیزبی دێموکراتی کوردستان، به‌شێک له‌و ده‌سکه‌وته به‌ نرخانه‌ی، وه‌ک دامه‌زرانی کۆماری کوردستان و خه‌باتی چه‌کدارانه‌ی ساڵه‌کانی 46 و 47ی هه‌تاوی وهه‌روه‌ها 31 ساڵ خه‌بات و تێکۆشانی به‌رده‌وامی حیزبی دێموکراتی کوردستان، بۆ به‌رگری کردن له گه‌لی کورد له ڕۆژهه‌ڵاتی کوردستان له به‌رامبه‌ر ڕێژیمی کۆماری ئیسلامی ئێران ئاماژه‌ی پێ کرابوو که‌ حیزبی دێموکراتی کوردستان له میژوویی بزوتنه‌وه‌ی ڕزگاریخوازانه‌ی گه‌لی کورد تۆماری کردون.
له‌ به‌شێکی دیکه‌ی ئه‌و په‌یامه‌دا وێرای ده‌ستنیشان کردنی ئه‌و قه‌یرانه تونده نێوخۆییانه‌ی ده‌سه‌لاتدارانی رێژیمی ئێران و ته‌ریک مانه‌وه‌ی رێژیم له دونیایی ده‌ره‌وه، به تایبه‌تی به هۆی سوربوونی رێژیمی ئێران بۆ ده‌ست راگه‌یشتن به چه‌کی ناوه‌کی،و ئه‌م زه‌مینه موناسبه‌ی ئێستا به‌و هۆکارانه‌ی له سه‌ره‌وه باسکران ،بۆ هاوکاری و یه‌کرێزی هێزه‌سه‌راسه‌ریه‌کانی ئێران به گشتی و هێزه کوردستانیه‌کان به تایبه‌تی، سه‌ره‌نجی بۆ راکێشرا بوو.
دوای خویندنه‌وه‌ی په‌یام و له به‌شێکی دیکه‌ی هونه‌رمه‌ندان خاتوو نادیه و عه‌لی حه‌دیسی به پێشکه‌شکردنی چه‌ندین گورانی کۆڕی به‌شداربووانیان پتر رازانده‌وه‌ و شه‌و ئاهه‌نگێکی خۆشیان به‌ڕێوه برد.
جێی باسه‌ که‌ خاتوونی به‌ڕێوه‌به‌ر چه‌ندین هۆنراوه‌ی جوان و به‌ پێزی له‌ ناوئاخنی به‌رنامه‌که‌ پێشکه‌ش کرد که‌ بووه‌ هۆی ڕازانه‌وه‌ی زیاتری ڕێوڕه‌سمی ٢٥ی گه‌لاوێژ.
بەشێک لە وێنەکانی ئەم رێورەسمە لێرەوە چاو لێ بکە

بگه‌رێوه‌|ئەم بابەتە 2328 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact