. . . .


21 Aug 2010

له‌ ئادلایدی ئوستڕالیا جێژنی 25ی گه‌لاوێژ بەڕێوەچوو


ناوەندی هەواڵ - ئوسترالیا: ئێواره‌ی ڕۆژی شه‌ممه‌ 28ی گه‌لاوێژ کورده‌کانی شاری ئادلایدی ئوستڕالیا له‌شه‌و ئاهه‌نگێکی خۆش¬دا ڕیزیان له‌ شێست و پێنجه‌مین ساڵڕۆژی دامه‌زرانی حیزبی دێمۆکراتی کوردستان گرت. ڕێوڕه‌سمه‌که‌ که‌ له‌سه‌ر بانگهێشتنی کۆمیته‌ی حیزب له‌و شاره‌ پێک هاتبوو، ژماره‌یه‌کی زۆر له‌خوشک و برایانی کورد له‌ هه‌موو به‌شه‌کانی کوردستان تێیدا به‌شدار بوون.
کاتژمێر 7:30 ده‌قیقه‌ی ئێوارێ ڕێوڕه‌سمی ڕێزگرتن له جێژنی 25ی گه‌لاوێژ به‌ نیشان دانی کورته‌ فیلمێکی سه‌رنجراکێش هه‌ر به‌ناوی "گه‌لاوێژ" له‌ به‌رهه‌مه‌کانی هونه‌رمه‌ند جه‌ماڵ پوورکه‌ریم‌ ده‌ستی پێ¬کرد. پاشان "ژینۆ کاردۆ" که‌ به‌ڕێوه‌ به‌ریی به‌رنامه‌که‌ی له‌ئه‌ستۆ بوو، پاش خوێندنده‌وه‌ی پارچه‌ هه‌ڵبه‌ستێک له‌سه‌ر 25ی گه‌لاوێژ، کورته‌ باسێکیشی له‌باره‌ی دامه‌زرانی حیزبی دێمۆکرات و 65ساڵ خه‌بات و تێکۆشانی ئه‌و حیزبه‌ له‌پێناو ئازادی¬دا پیشکه‌ش کرد. ئینجا سروودی نه‌ته‌وایه‌تیی ئه‌ی ڕه‌قیب وه‌ک ده‌سپێکی به‌رنامه‌ و به‌دوای ئه‌ویش¬دا ڕاگرتنی ده‌قیقه‌یه‌ک بێده‌نگی بۆ ڕێزگرتن له‌ گیانی پاکی شه‌هیدانی کوردستان ڕاگه‌یاندرا. ئینجا دوو سروودی نیشتمانی و حه‌ماسی به‌ده‌نگی به‌سۆزی کاک ڕه‌حمه‌ت و مۆسیقای کاک هه‌ڤاڵ گه‌رمیی زیاتری دا به‌جێژنه‌که‌. هه‌ر دوا به‌دوای ئه‌و سروودانه،‌ گۆررانییه‌کی خۆش هه‌ر به‌ده‌نگی کاک ڕه‌حمه‌ت و مۆسیقای کاکه‌ هه‌ڤاڵ کۆڕی به‌شدارانی وه‌جۆش هێنا و گه‌ڕی هه‌ڵپه‌رکێ ده‌ستی پێ¬کرد که‌ هه‌تا دره‌نگانێکی شه‌و درێژه‌ی هه‌بوو.
له‌ نێوه‌ڕاستی به‌رنامه‌که‌دا، پاش خواردنی شیرینی و خواردنه‌وه‌ی سووک، یه‌کێک له‌ به‌شدارانی جێژنه‌که‌ به‌پێشکه‌ش کردنی چه‌ند قسه‌ی حه‌کیمانه‌ و هه‌روه‌ها نوکته‌ی خۆش، بزه‌ی زیاتری خسته‌ سه‌ر لێوی به‌شدارانی کۆڕه‌که که‌ پێشوازیی زۆری لێ¬کرا‌. ئینجا به‌رنامه‌یه‌کی کێبه‌رکێ ده‌ستی پێ¬کرد که‌ بۆ وه‌ڵام دانه‌وه‌ به‌ چه‌ند پرسیاری مێژوویی، سیاسی و جوغڕافیایی له‌ باره‌ی کوردستان و ئوستڕالیا ئاماده‌ کرابوون. له‌ نێوان هه‌شت به‌شداری ئه‌و کێبه‌رێ¬یه‌دا یه‌کێک له‌وان توانی خه‌ڵاتی 25ی گه‌لاوێژ به‌رێته‌وه‌ که‌ کۆمیته‌ی حیزب هه‌ر به‌و بۆنه‌وه‌ ئاماده‌ی کردبوو.
به‌ڕێوه‌ چوونی جێژنی 25ی گه‌لاوێژ شه‌ست و پێنجه‌مین ساڵڕۆژی دامه‌زرانی حیزبی دێمۆکراتی کوردستان له‌ شاری ئادلایدی ئوستڕالیا، پاش چه‌ند سه‌عات شایی و هه‌ڵپه‌رکێ و گوێگرتن له‌ مۆسیقای کوردی و هه‌روه‌ها قسه‌ی خۆش و پێکه‌نین، دره‌نگانێکی شه‌و کۆتایی هات.
وێنە هەواڵی ئەم رێورەسمە لێرەوە ببینە

بگه‌رێوه‌|ئەم بابەتە 1279 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact