. . . .


15 Aug 2010

کۆنفڕانسی (حیزبی دێموکراتی کوردستان دوای 65 ساڵ خه‌بات) له‌ فه‌ڕانسه


فه‌ڕانسه‌ _ ناوه‌ندی هه‌واڵ : کۆمیته‌ی فه‌رانسه‌ی حیزبی دێموکراتی کوردستان هه‌ر وه‌ک له‌ چه‌ند رۆژی رابردوودا رایگه‌یاندبوو، بۆ به‌رز راگرتنی یادی 65 ساڵه‌ی دامه‌زرانی حیزبی دێموکراتی کوردستان کۆنفرانسێکی له‌ رۆژی یه‌کشه‌ممه‌ 24ی گه‌لاوێژ به‌رامبه‌ر به‌ 15ی ئوتی 2010 له‌ژێرناوی حیزبی دێموکراتی کوردستان دوای 65 ساڵ خه‌بات، به‌ڕێوه‌برد.
کۆنفرانسه‌که‌ رۆژی یه‌کشه‌ممه‌ کاتژمێر 4:30 دوانیوه‌ڕۆ به‌ به‌شداریی ژماره‌یه‌کی به‌رچاو له‌ ئه‌ندامانی حیزب و میوانانی کورد و ئێرانی ده‌ستی به‌ کاره‌کانی کرد. سه‌ره‌تا سروودی نه‌ته‌وایه‌تیی ئه‌ی ره‌قیب خوێندرایه‌وه‌ و پاشان ئاماده‌بوان بۆ رێزگرتن له‌ گیانی شه‌هیدانی رێگای ئازادی ده‌قیقه‌یه‌ک به‌ بێ ده‌نگی راوه‌ستان. دواتر په‌یامی کۆمیته‌ی فه‌رانسه‌ له‌ لایه‌ن به‌رپرسی کۆمیته‌، جه‌مال پوورکه‌ریمه‌وه‌ خوێندرایه‌وه‌. نێوه‌رۆکی په‌یامه‌که‌ ئاماژه‌یه‌ک بوو به‌ بواره‌ جۆراوجۆره‌کانی خه‌باتی 65 ساڵه‌ی حیزبی دێموکراتی کوردستان.
دواتر کاک یوسف ئه‌رده‌لان که‌سایه‌تیی سیاسی و به‌ ئه‌زموونی کورد وته‌یه‌کی سه‌باره‌ت به‌ پێکهاته‌ و ئامانجه‌کانی کۆمه‌ڵه‌ی ژ. کاف وه‌ک دامه‌زرێنه‌رانی حیزبی دێموکراتی کوردستان پێشکه‌ش کرد.
پاشان کاک تاهیر نه‌خشین ئه‌ندامی کۆنی حیزب وێڕای پیرۆزبایی 25ی گه‌لاوێژ، یادێکی کرده‌وه‌ له‌ فه‌رمانده‌ی به‌وه‌جی حیزب شه‌هید عه‌لی کاشف پوور که‌ له‌ رۆژی 25ی گه‌لاوێژدا له‌ لایه‌ن ترۆریسته‌کانی کۆماری ئیسلامی له‌ تورکیه‌ تیرۆر کرا.
دواتر‌ بۆ ماوه‌یه‌ک پشوو درایه‌ به‌شداربووان و به‌ شیرینی پێشوازی له‌ میوانه‌کان کرا.
دوایین که‌س که‌ بابه‌تی پێشکه‌ش کرد مه‌سعود ره‌واندوست بوو. ناوبراو وتارێکی له‌سه‌ر خه‌باتی فه‌رهه‌نگی و کاره‌ به‌رچاو و به‌ نرخه‌کانی حیزبی دێموکراتی کوردستان له‌م بواره‌ و له‌ ماوه‌ی 65 ساڵ ته‌مه‌نی ئه‌و حیزبه‌دا کرد. ره‌واندوست له‌ وتاره‌که‌ی دا باسی له‌ بواره‌ جۆراوجۆره‌کانی خزمه‌ته‌‌ فه‌رهه‌نگییه‌کانی حیزب کرد و ئه‌و بایه‌خه‌ی حیزب به‌و بواره‌ له‌ خه‌باتی ده‌دا بۆ به‌شداربووان شی کرده‌وه‌.
دوایین به‌شی کۆنفرانسه‌که‌ پرسیار و بیروڕای به‌شداربوان بوو که‌ له‌ لایه‌ن جه‌ماڵ پوورکه‌ریم و مه‌سعود ره‌واندوست وڵامدرانه‌وه‌.
کۆنفرانسه‌که‌ دوای 2 کاتژمێر کۆتایی به‌ کاره‌کانی هێنا.
بۆ دیتنی وینه‌ی زیاتر ئیره‌ کلیک بکه‌

بگه‌رێوه‌|ئەم بابەتە 1280 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact