. . . .


18 Jun 2010

یادی نه‌مرانی 19 ی گۆڵانی 1389، له‌ ماری هامن- ی فینلاند، کرایه‌وه‌


ناوه‌ندی هه‌واڵ- فینلاند: به‌بۆنه‌ی تێپه‌ڕینی چل رۆژ له‌ سێداره‌دانی فه‌رزاد که‌مانگه‌ر، شیرین عه‌له‌مهوولی، فه‌ر‌هاد وه‌کیلی، عه‌لی حه‌یده‌ریان و مێهدی ئیسلامییان، چه‌ند که‌س له‌ کورد و فارسه‌کانی دانیشتووی شاری ماری هامن- ی فینلاند، یادیان کرایه‌وه‌.
به‌ هه‌ڵکردنی 5 مۆم و خوله‌کێک به‌ بێده‌نگی وه‌ستان بۆ رێزگرتن له‌ شه‌هیدانی رێی ئازادی، یاده‌‌که‌ ده‌ستی پێکرد. پاشان به‌کورتی باسی وه‌زعی ئێران به‌ گشتی له‌ یه‌ک ساڵی رابردوو دا و وه‌زعی کوردستان به‌تایبه‌تی له‌ماوه‌ی40 رۆژ‌ دوای ئیعدامی ئه‌و 5 تێکۆشه‌ره‌ سیاسییه‌ - که‌ چواریان کورد بوون- کرا.
کورته‌یه‌ک له‌ ژیاننامه‌ی شیرین عه‌له‌مهوولی و فه‌رزاد که‌مانگه‌ر، وه‌ک دوو سیمای دیارتری ئه‌و پۆله‌ شه‌هیده‌، خۆێندرایه‌وه‌. دواتر نووسراوه‌یه‌کی "مهدیه‌ گلرو" – یه‌کێک له‌ هاوبه‌ندییه‌کانی شیرین- سه‌باره‌ت به‌ دواین شه‌وی ژیانی شیرین، شێعری جه‌للاد - نووسراوی یادبه‌خێر عه‌لی حه‌سه‌نیانی- به‌ فارسی وکوردی، په‌خشانه‌ شێعری، کۆماری سێداره‌ی ئیسلامی ئێران- ی مامۆستا شێرکۆ بێکه‌س، دوو پارچه‌ شێعری به‌نێوه‌رۆکی "سیمین بهبهانی"- که‌ پارچه‌یه‌کیان، بۆ ئه‌و شیه‌هیدانه‌ هۆنرابۆوه‌- و خۆێندنه‌وه‌ی دوو نامه‌ی فه‌رزاد که‌مانگه‌ر- ‌ که‌ له‌و چه‌ند نامه‌یه‌ی له‌‌ زیندان دا نووسیبوونی-، به‌ ناوه‌کانی "من یک معلم میمانم و تو یک زندانبان و نامه‌ی فرزاد به‌ دانش آموزانش" ( من مامۆستایه‌ک ده‌مێنمه‌وه‌و تۆ زیندانه‌وانێک و نامه‌ی فه‌رزاد بۆ قوتابییه‌کانی) و چه‌ند وته‌یه‌کی دیکه‌ له‌سه‌ر وه‌زعی ده‌سه‌ڵاتی سه‌ره‌ڕۆ و دیکتاتۆڕی ئیسلامی له‌ ئێران و جینایه‌ته‌کانی، یادکرنه‌وه‌که کۆتایی هات.

بگه‌رێوه‌|ئەم بابەتە 1055 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact