. . . .


2 Jun 2010

دیداری نێوان نوێنه‌رایه‌تی کۆمیته‌ی ئوتریش له‌ گه‌ڵ نوێنه‌را??


ناوەندی هەواڵ - ئوتریش: له‌ سه‌ر بانگهێشتی ڕێکخراوی شۆرشگێڕی نەتەوەیی ئەهواز (حرکت النضال العربی الاحواز) رۆژی دوشەممە ٣١ی مای ٢٠١٠ دیدارێک لە نێوان بەڕێز محه‌ممه‌دی فه‌قێ عه‌لی لە به‌شی په‌یوه‌ندیه‌کانی کۆمیتەی حیزبی دێموکراتی کوردستان له‌ وڵاتی ئوتریش له‌ گه‌ڵ نوێنه‌رایه‌تی ئه‌م ڕێکخراوه‌ ئه‌هوازیه‌ لەو وڵاتە پێکهات.
له‌ ماوه‌ی نزیک بە کاتژمێرێک دا زۆریه‌ک دوو لایەن له‌ سەر مه‌سه‌له‌کانی کوردستان و به‌ تایبه‌تی روداوه‌کانی ئه‌م دواییانه‌ی‌ کوردستان و هەروەها بارودۆخی نەتەوەی عەرەب لە خوزستان و رووداوەکانی پێوەندیدار باس و ئاڵوگۆڕی بیروڕا کرا.
له‌ لایه‌ن ڕێکخراوی شۆڕشگێڕی نه‌ته‌وه‌ی ئه‌حواز وێڕای خۆشحاڵ بونیان له‌ ناسین و یه‌که‌م دانیشتنیان له‌ گه‌ل کۆمیتەی حیزبی دێموکراتی کوردستان له‌ وڵاتی ئوتریش چه‌ندین مه‌سه‌له‌ی په‌یوه‌ندیدار به‌ هه‌ردوو نه‌ته‌وه‌ی کوردو ئه‌حوازی هاتنه‌ به‌رباس، و پیداگریان له‌ سه‌ر دۆستایه‌تی له‌ گه‌ل نه‌ته‌وه‌ی کورد کرد و هیوایان خواست که‌ ئەم دیدارە سەرەتای پێوەندیەکی دۆستانە لە نێوان دوولایەن دا بێ..
له‌ لایه‌ن نوێنه‌رایه‌تی کۆمیته‌ی حدک له‌ وڵاتی ئوتریش به‌ وردی له‌ سه‌ر جنایه‌ته‌کانی کۆماری ئیسلامی له‌ ناوچه‌ کوردنشینه‌کان باس کرا و له‌ درێژه‌ی باسه‌کانیش دا ئیشاره‌ به‌ ده‌ستتێوه‌ردانی کۆماری ئیسلامی ئێران له‌ ناو کاروباری وڵاتانی دراوسێ به‌ تایبه‌تی عراق دا کرا و لەم بارەوە تۆپبارانه‌کانی ئه‌م دواییانه‌ی هه‌رێمی کوردستان وه‌ک جنایه‌تێکی کۆماری ئیسلامی که‌ سنوره‌کانی ئێرانیش ده‌به‌زێنێ بۆ ئه‌وه‌ی زه‌ره‌رو زیان به‌ ڕؤله‌کانی نه‌ته‌وه‌ی کورد بگه‌یه‌نێ، وه‌ک دواین نمونه‌ باس کرا..
نوێنه‌رایه‌تی الاحواز وێرای مه‌حکوم کردنی هه‌ڵس و که‌وتی کۆماری ئیسلامی ئێران له‌ ناوچه‌ کوردنشینه‌کان، له‌ سه‌ر ئه‌و باوه‌ڕه‌ بوو که‌ کۆماری ئیسلامی له‌ لایه‌ک و حیزبی به‌عسی سوریه‌ له‌ لایه‌کی دیکه‌ راست به‌ پێچه‌وانه‌ی وڵاته‌کانی تر که‌ کوردیان تێدا ده‌ژی بارو دۆخه‌که‌ زیاتر به‌ تووند و تیژی و میلیتاریزه‌کردنی زیاتری کوردستان ئاڵۆزتر ده‌که‌ن و به‌ته‌واوی له‌ گه‌ل هه‌رچه‌شنه‌ هه‌وڵ و تێکۆشانێکی ئازادیخوازانه‌ و ئاشتیخوازانەی نه‌ته‌وه‌ی کورد دژایه‌تی ده‌که‌ن.
له‌ کۆتای ئه‌م دیداره‌دا هیواداری ده‌ربڕا که‌ له‌ داهاتوو دا له‌ سه‌ر پرس و باسه‌گرنگه‌کانی تری کوردستان و ئه‌حواز زیاتر بیر و ڕا بگۆڕنه‌وه‌.
didar-ahwaz.jpg

بگه‌رێوه‌|ئەم بابەتە 1040 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact