. . . .


16 May 2010

خۆپێشاندانی کورده‌کانی له‌نده‌ن، به‌ دژی ئێعدامی تێکۆشه‌رانی ?


ئێعدامی تێکۆشه‌رانی کورد له‌ ڕۆژی یه‌کشه‌ممه‌ی ڕابردوو دا له‌ لایه‌ن کۆماری کورد کوژی ئیسلامی، رق و قینێکی زۆری خسته‌ دڵی هه‌مو کور دستانیانی سه‌رتاسه‌ری دنیا و هه‌مو چالاکانی مافی مرۆڤ و به‌ گشتی هه‌مو ئه‌و که‌سانه‌ی که‌ نه‌هامه‌تیه‌کانی مرۆڤه‌کانی دیکه‌ ده‌یان هه‌ژێنێ.
له‌ سێداره‌ درانی لاوانی تیینوی ئازادی میلله‌تی کورد، فه‌رزاد که‌مانگه‌ر، شیرین عه‌له‌م هولی، فه‌رهاد وه‌کیلی، عه‌لی حه‌یده‌ریان و چالاکی سیاسی ئێرانی مێهدی ئسیلامیان، کورد و ئێرانیه‌کانی وڵاته‌ جۆراوجۆره‌کانی ئوروپا و ئه‌مریکای له‌دوه‌ری یه‌ک کۆ کرده‌وه‌ و تێکڕا بۆ مه‌حکوم کردنی جینایه‌تی تازه‌ی کۆماری ئیسلامی ڕژانه‌ سه‌ر سه‌قام و به‌رده‌می کۆمیسۆنه‌کانی مافی مرۆۆڤ و به‌رده‌رکی سه‌فاره‌تخانه‌کانی کۆماری ئیسلامی و یه‌کده‌نگ کرده‌وه‌ی خوێنڕێژانه‌ی ڕێژیمی مێزه‌ر به‌سرانیان شه‌رمه‌زار کرد.

به‌و مه‌به‌سته‌ کورده‌کانی دانیشتووی بریتانیا 2 ڕۆژ له‌سه‌ریه‌ک ، ڕۆژی پێنج شه‌ممه‌ له‌ به‌ر بینایه‌ی ده‌زگای هه‌واڵده‌ری بی بی سی و ڕۆژی هه‌ینی له‌به‌رده‌م سه‌فاره‌تی کۆماری ئیسلامی ئێران له‌ له‌نده‌ن کۆبوونه‌وه‌.
سه‌عات 3 دوانیوه‌ڕۆی ڕۆژی پێنجشه‌ممه‌ سه‌ره‌تا خۆپێشانده‌ران ‌ بۆ ڕێز گرتن له‌ تازه‌ترین شه‌هیده‌کانی ده‌ستی ڕه‌شی ڕێژیم 1 ده‌قیقه‌ به‌ بێده‌نگی ڕاوه‌ستان و پاشان به‌ سرودی"هه‌ر کوردین و هه‌ر کورد ده‌بین" درێژه‌یان به‌ خۆپێشاندان دا و دروشمی جۆراو جۆریان به‌ نیشانه‌ی مه‌حکوم کردنی ئێعدامی لاوانی کورد و به‌ دژی ته‌واوه‌تی کۆماری نگریسی ئیسلامی گوته‌وه‌ و بێزاری خۆیان به‌ دژی ئه‌و جنایه‌ته‌ ده‌ربڕی.
له‌ به‌شێکی دیکه‌ی ئه‌و خۆپێشاندانه‌ دا شێن ئێن ڕایت به‌ نوێنه‌رایه‌تی ئه‌منێستی ئینترناشناڵ وته‌که‌ی پێشکه‌شی ئاماده‌بوان کرد و ئه‌و جنایه‌ته‌ی به‌ توندی مه‌حکوم کرد.
پاشان ئه‌و خۆپێشاندانه‌ به‌ دروشمی جۆراوجۆری به‌شداران تا سه‌عات 6 ئێواره‌ درێژه‌ی کێشا.
پێویسته‌ بگوترێ 5 داری ئێعدام وه‌کوو سه‌مبولێک به‌ دژی له‌ سێداره‌ دان دانرابوو که‌ به‌ نیشانه‌ی تازه‌ترین ئێعدامه‌کانی ناو زیندانه‌کانی کۆماری ئیسلامی، ژنێک و 4 لاوی کورد له‌ ژێر ئه‌و دارانه‌ تا کۆتایی خۆپێشآندانه‌که‌ وێستابوون.
ئه‌ندامانی حیزبی دێمۆکراتی کوردستان زۆر چالاکانه‌ به‌شداریان له‌و خۆپیشاندانه‌ دا کرد و هه‌روه‌ها ڕاگه‌یه‌نراوه‌کانی ده‌فته‌ری سیاسی حیزبی یان به‌ زمانه‌کانی کوردی، فارسی و ئینگلیسی به‌ نێوو به‌شداران دا بڵاو کرده‌وه‌.


وێنه‌کانی خۆپیشاندان

بگه‌رێوه‌|ئەم بابەتە 1982 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact